WordPress Archive

រួម​គ្នា​ជួយ​ឲ្យ Google Translate ភាសា​ខ្មែរ​ប្រសើរ​ឡើង

ដោយ​សារ​តែ Google ទើប​ចេញ​កំណែ Alpha ដូច្នេះ​កំហុស​នៅ​មាន​ច្រើន។ ការ​បក​ប្រែ​ស្វ័យ​ប្រវត្តិ​វា​មិន​អាច​ត្រឹម​ត្រូវ​ទាំង​ស្រុង​នោះ​ឡើយ មិន​ថា​នៅ​ភាសា​ណា​ក៏​គង់​តែ​មាន​កំហុស។ ដូច្នេះ​សូម​មេត្តា​កុំ​បណ្ដុះ​បង្អាប់ ឬ​តិះ​ដៀល​រិះគន់​លក្ខណៈ​អវិជ្ជមាន​ឡើយ សូម​មេត្តា​ប្រើ​វិធី​ពីរ​ដែល​មាន​ដូច​ខាង​ក្រោម ដើម្បី​ជួយ​សម្រួល​ឲ្យ Google Translate អាច​ធ្វើ​ឲ្យ​ការ​បកប្រែ​កាន់​តែ​មាន​ភាព​ល្អ​ប្រសើរ​ឡើង​វិញ។ ១. ការ​បក​ប្រែ​បន្ថែម (Alternative Translations)៖ Google Translate នឹង​ធ្វើ​ការ​សិក្សា​ស្វែង​យល់​អំពី​ការ​បកប្រែ​របស់​យើង​ដែល​បាន​ធ្វើ​ក្រៅ​បន្ថែម​នេះ ដើម្បី​អភិវឌ្ឍ​ការ​បក​ប្រែ​ពាក្យ ឃ្លា អត្ថបទ​បាន​ល្អ​ជាង​មុន។ ២. ការវាយតម្លៃ៖ http://ow.ly/i/1Vn1r (ដោយ៖ ពពក) ដូច្នេះ​ខ្ញុំ​សង្ឃឹម​ថា​យើង​នឹង​ចូលរួម​ទាំង​អស់​គ្នា​ដើម្បី​ឲ្យ​ការ​បក​ប្រែ​កាន់​តែ​ប្រសើរ​ឡើង​សម្រាប់​ពេល​អនាគត​នេះ។

កម្មវិធី​បន្ថែម​ឥត​គិត​ថ្លៃ​ចំនួន ៥ របស់ WordPress សម្រាប់​ធ្វើ E-Commerce

E-Commerce ជា​ប្រភេទ​ជំនួញ​មួយ​ដែល​ត្រូវ​បាន​ធ្វើ​ការ​លក់​ដូរ​ទំនិញ​នៅ​លើ​បណ្ដាញ​អ៊ីនធឺណិត ដែល​មាន​ទាំង​ក្នុង​តំបន់ និង​ជា​អន្តរជាតិ។ គេហទំព័រ E-Commerce ដែល​ល្បីៗ​សព្វ​ថ្ងៃ​នេះ​មាន​ដូច​ជា៖ Amzaon, eBay ជាដើម។ រី​ឯ​នៅ​ក្នុង​ប្រទេស​កម្ពុជា​យើង​វិញ ក៏​មាន​រាប់​សិប​ដែរ ដូច​ជា៖ Khmer24 ។ល។

អំពី WordPress .org និង .com

WordPress ជា​ប្រព័ន្ធ​គ្រប់​គ្រង​មាតិកា​គេហទំព័រ ដ៏​ល្បី​ល្បាញ​ ហើយ​មាន​ការ​ប្រើ​ប្រាស់​យ៉ាងច្រើន។ តែ​អ្នក​ដឹង​ទេ​ថា WordPress មាន​ពី​រប្រភេទ ហើយ​ប្រភេទ​ទាំង​ពីរ​នេះ មាន​លក្ខណៈ​ពិសេស​ខុសៗ​ពីគ្នា។

រូប​ព័ត៌មាន៖ ការ​ពិត​មួយ​ចំនួន​របស់ WordPress

WordPress ជា​កម្មវិធី​វែប (Web Software) មួយ​ដ៏​ល្បី​ល្បាញ​ដែល​ត្រូវ​បាន​បង្កើត​ឡើង ឲ្យ​អ្នក​ប្រើប្រាស់​ងាយ​ស្រួល​ក្នុង​ការ​គ្រប់​គ្រង​អត្ថបទ គេហទំព័រ ។ល។ បច្ចុប្បន្ន​នេះ​មាន​គេហទំព័រ​ប្រហែល​ជា​ជិត ៧០លាន​គេហទំព័រ ដែល​បាន​ប្រើ​ប្រាស់ WordPress (មាន​ប្រហែល​ពាក់​កណ្ដាល​ប្រើ WordPress.com និង​ពាក់​កណ្ដាល​ទៀត​ប្រើ WordPress.org) ។ ដើម្បី​ឲ្យ​ដឹង​លម្អិត​ថែម​ទៀត​នោះ សូម​ពិនិត្យ​មើល​រូប​ព័ត៌មាន និង​វីដេអូ ដែល​មាន​នៅ ខាង​ក្រោម​នេះ។

ដើម្បី​បង្កើត​គេហទំព័រ​មួយ តើ​ចាំ​បាច់​ត្រូវ​ដឹង​អំពី​អ្វី​ខ្លះ?

សួស្ដី​ប្រិយ​មិត្ត​គេហទំព័រ IT4Ug.net ។ តើ​សុខ​សប្បាយ​ដែរ​ឬទេ? គេហទំព័រ​នេះ​មិន​សូវ​មាន​ការ​ផ្សាយ​អត្ថបទ​ញឹក​ញាប់​ដូច​មុន​ទេ តាម​តែ​អ្នក​ដឹង​រួច​មក​ហើយ ក៏​ព្រោះ​តែ​យើង​ខ្ញុំ​រវល់​ជាមួយ​កិច្ច​ការ​ផ្ទាល់​ខ្លួន និង​កិច្ច​ការ​សិក្សា​ផង​ដែរ។ ដូច្នេះ​នៅ​ថ្ងៃ​នេះ ខ្ញុំ​មាន​អត្ថបទ​មួយ ជូន​ដល់​អ្នក​ទាំង​អស់​គ្នា ដែល​មាន​បំណង​ចង់​រៀន​បង្កើត​គេហទំព័រ។ អត្ថបទ​នេះ ខ្ញុំ​សរសេរ​ឡើង​តាម​គំនិត និង​បទពិសោធន៍​ដែល​ខ្ញុំ​ធ្លាប់​ឆ្លង​កាត់​រួច​មក​ហើយ ដូច្នេះ​ប្រសិន​បើ​មាន​ចំណុច​ខ្វះខាត​ត្រង់​ណា សូម​មេត្តា​អភ័យទោស និង​ជួយ​កែ​តម្រូវ​ផង។ ជា​ទូទៅ​ហើយ អ្នក​ប្រើ​អ៊ីនធឺណិត​ទាំង​អស់​សុទ្ធ​សឹង​តែ​បាន​ស្គាល់​ថា អ្វី​ទៅ​គឺ​ជា​គេហទំព័រ។ គេហទំព័រ ប្រៀប​បាន​ទៅ​នឹង​ផ្ទះ, ការិយាល័យ​ព័ត៌មាន, ទី​ផ្សារ, ក្រុម​ហ៊ុន ។ល។ រី​ឯ​ការ​បង្កើត​គេហទំព័រ​នេះ​ទៀត​សោត ត្រូវ​បាន​ស្ថាបនិក​ជ្រើស​រើស​មធ្យោបាយ​ស្ថាបនា​តាម​តែ​ពួក​គេ​ចង់​បាន ដូច​ជា​ការ​ប្រើ​ប្រាស់ ប្រព័ន្ធ​គ្រប់​គ្រង​មាតិកា​អត្ថបទ (CMS) , ការ​សរសេរ​កូដ​ផ្ដើម​ពី​បន្ទាត់​ទី១ ហើយ​ពេល​ខ្លះ​ក៏​មាន​ការ​បង្កើត​ដោយ​ប្រើ​ប្រាស់​ត្រឹម​តែ​រូប​ភាព​ដែរ។ ក៏​ប៉ុន្តែ​ដើម្បី​ចូល​ទៅ​ដល់​ការ​បង្កើត​គេហទំព័រ​មួយ​បាន​យ៉ាង​ល្អ យើង​ចាំ​បាច់​ត្រូវ​ធ្វើ​ការ​សិក្សា​តាម​ដំណាក់​កាល។ អត្ថបទ​នេះ​នឹង​បង្ហាញ​អ្នក​តាំង​ពី​ចំណុច​ដំបូង រហូត​ដល់​ចំណុច​កម្រិត​ខ្ពស់។ ដូច្នេះ​តើ​ចំណុច​ដំបូង​បំផុត ដែល​យើង​គួរ​ដឹង​នោះ​ជា​អ្វី​ដែរ​ទៅ? ១. ប្រភេទ​នៃ​គេហទំព័រ និង​ផ្នែក​បង្កើត​គេហទំព័រ គេហទំព័រ​មាន​ពីរ​ប្រភេទ​ធំៗ​គឺ គេហទំព័រ Static គេហទំព័រ Dynamic អាន​បន្ថែម​នៅ​ទីនេះ រីឯ​ផ្នែក​បង្កើត​គេហទំព័រ ជា​ទូទៅ​ត្រូវ​បាន​គេ​ចែក​ចេញ​ជា​ពីរ​បន្ថែម​ទៀត​គឺ៖ អ្នក​រចនា​គេហទំព័រ (Web Designer)

ចង់​រៀន​បង្កើត​គេហទំព័រ ជាមួយ​នឹង​ឯកសារ​ភាសា​ខ្មែរ​នៅ​លើ​អ៊ីនធឺណេត​មែនទេ?

នៅ​ពេល​ថ្មីៗ​នេះ មាន​គេហទំព័រ​មួយ​ដែល​បាន​បង្កើត​ឡើង​ដោយ​កូន​ខ្មែរ ដែល​ផ្ដល់​មេរៀន​ល្អៗ​អំពី​ការ​បង្កើត​គេហទំព័រ​ជាមួយ​នឹង WordPress (ប្លក់), HTML, CSS និង PHP។ គេហទំព័រ​នេះ​មាន​ឈ្មោះ​ថា អាយធី​កូន​ខ្មែរ ដែលមាន​អាសយដ្ឋាន http://itkonkhmer.com/ ។ ក្នុង​មេរៀន​និមួយៗ ត្រូវ​បាន​ចែក​ជា​មេរៀន​ដាច់ៗ​ពី​គ្នា នាំ​ឲ្យ​អ្នក​អាន​ងាយ​ស្រួល​ក្នុង​ការ​សិក្សា។ ម្យ៉ាង​វិញ​ទៀត​បើ​អ្នក​ធ្លាប់​រៀន​ពីមុន​មក​ហើយ តែ​ភ្លេច​ត្រង់​ណា​នោះ ក៏​ងាយស្រួល​ក្នុង​ការ​រំឭក​ឡើង​វិញ​ដែរ ព្រោះ​មាន​ការ​បែង​ចែក​ជា​ផ្នែក​មេរៀន​បាន​ល្អ។ តើ​អ្នក​ចូល​ចិត្ត​មុខ​វិជ្ជា​មួយ​ណា? សូម​ចុច​តំណ​និមួយៗ​ខាង​ក្រោម​ដើម្បី​ចូល​អាន​មេរៀន​ទាំង​នោះ៖ HTML CSS PHP WordPress ខ្ញុំ​សូម​អរគុណ​ចំពោះ​ក្រុម​ការ​ងារ អាយធី​កូន​ខ្មែរ ដែល​បាន​ខិត​ខំ​ចង​ក្រង​ជា​មេរៀន​ទាំង​នេះ​ឡើង​ដើម្បី​បំពេញ​តម្រូវ​ការ​ដល់​អ្នក​សិក្សា​ទាំង​ឡាយ ក្នុង​ការ​សិក្សា​ស្វែង​យល់​អំពី​បច្ចេកវិទ្យា​ទាំង​នោះ​ជា​ភាសា​ខ្មែរ​តែ​ម្ដង។ ខ្ញុំ​សង្ឃឹម​ថា អាយធីកូនខ្មែរ នឹង​មាន​បន្ថែម​មេរៀន​ដ៏​ល្អៗ​ជា​ច្រើន​ថែម​ទៀត។

បង្កប់​ពុម្ព​អក្សរ​យូនីកូដ​ខ្មែរ​ពី Google Web Fonts ទៅ​ក្នុង WordPress ឯកជន

ដើម្បី​ឲ្យ​សម​ស្រប​ទៅ​នឹង​ភាព​សម្បូណ៌បែប​នៃ​បច្ចេកវិទ្យា​វ៉ិប នា​ពេលនេះ​យើង​អាច​ប្រើ​ពុម្ព​អក្សរ​ក្នុង​គេហទំព័រ​របស់​យើង ដោយ​មិន​បាច់​ដំឡើង​ពុម្ព​អក្សរ​ក្នុង​កុំព្យូទ័រ​ឡើយ។ Google Web Fonts គឺ​ជា​ជម្រើស​ដ៏​ល្អ​សម្រាប់​ស្ថាបនិក​គេហទំព័រ​នានា ដែល​មាន​បំណង​ចង់​ឲ្យ​គេហទំព័រ​របស់​ខ្លួន អាច​ឲ្យ​អ្នក​ដែល​មិន​មាន​ដំឡើង​អក្សរ​យូនីកូដ​ខ្មែរ​អាច​អាន​បាន​ដែរ។ ចំពោះ​ការ​បង្កប់​ពុម្ព​អក្សរ​ក្នុង​ប្រព័ន្ធ​គ្រប់​គ្រង​មាតិកា​គេហទំព័រ (CMS) មិន​ដូច​គ្នា​ឡើយ ដ្បិត​ឯកសារ​នៃ​ប្រព័ន្ធ​ទាំង​នោះ​ក៏មិន​ដូច​គ្នា​ដែរ។ ការ​បង្កប់​ពុម្ព​អក្សរ​យូនីកូដ​ខ្មែរ​ពី Google Web Font ទៅ​ក្នុង Joomla អ្នក​អាច​រក​អាន​បាន​នៅ គេហទំព័រ KM-KH.com។ ចំណែក​ការ​បង្កប់​ពុម្ព​អក្សរ​ក្នុង WordPress ឯកជន (សូម​កុំ​យល់​ច្រឡំ៖ WordPress មាន​ពីរ​ប្រភេទ​ធំៗ​គឺ WordPress ឯកជន [wordpress.org] និង WordPress ប្លក់ [wordpress.com]) ថ្ងៃ​នេះ ខ្ញុំ​នឹង​បង្ហាញ​មិត្ត​អ្នក​អាន​ឲ្យ​បាន​ដឹង ព្រម​ទាំង​សរសេរ​ទុក​សម្រាប់​ជា​អត្ថបទ​ជំនួយ​ទៅ​ថ្ងៃ​មុខ នៅ​ពេល​អ្នក​ចាប់​ផ្ដើម​រៀន​ប្រើ WordPress ឯកជន។ នៅ​ក្នុង​អត្ថបទ​នេះ នឹង​បង្ហាញ​អ្នក​ឲ្យ​ដឹង​ពី​របៀប​បង្កប់​ពុម្ព​អក្សរ​សម្រាប់​គេហទំព័រ​ទាំង​មូល​តែ​ម្ដង។ ដូច្នេះ​ដើម្បី​កុំ​ឲ្យ​ខាត​ពេល​យូរ យើង​ចាប់​ផ្ដើម​អនុវត្ត​តែ​ម្ដង។ ក្នុង​ការ​ប្រតិបត្តិ​នេះ​ខ្ញុំ​សុំ​លើក​យក WordPress 3.2.1 និង​ពុម្ព​រូបរាង Twenty Eleven មក​ប្រើ។ ១. ជា​ដំបូង​សូម​ចូល​ទៅ​កាន់​ថត /wp-content/themes/twentyeleven

ដាក់​ឯកសារ​សម្លេង និង​វីដេអូ​ពី Youtube ទៅ​លើ​ប្លក់ WordPress របស់​អ្នក

ជា​ទូទៅ​អ្នក​ប្រើ​ប្រាស់​ប្លក់ WordPress គាត់​មិន​បាន​ចាប់​អារម្មណ៍​ប៉ុន្មាន​ទេ អំពី​ការ​ដាក់​វីដេអូ (ពី Youtube) និង​ដាក់​ឯកសារ​សម្លេង​ទៅ​ក្នុង​អត្ថបទ​ប្រកាសន៍​របស់​គាត់ ហើយ​ពេល​គាត់​ចង់​ដាក់​ក៏​ប៉ុន្តែ​មិន​ដឹង​អំពី​របៀប​ដាក់​សោះ។ ដូច្នេះ​ដើម្បី​ឲ្យ​មាន​ភាព​ងាយ​ស្រួល សម្រាប់​អ្នក​ប្រើ​ប្រាស់​ប្លក់ WordPress ខ្ញុំ​សូម​នាំ​ជូន​នូវ​របៀប​ដាក់​ឯកសារ​សម្លេង (mp3) និង​វីដេអូ​ពី Youtube ទៅ​ដាក់​នៅ​ក្នុង​អត្ថបទ​ប្រកាសន៍​ប្លក់ WordPress របស់​អ្នក។ ការ​ដាក់​ជា​ឯកសារ​ចម្រៀង និង​វីដេអូ អាច​ជួយ​ឲ្យ​អ្នក​ងាយ​ស្រួល​ដល់​អ្នក​អាន​ប្លក់​របស់​អ្នក មិន​បាច់​ចូល​ទៅ​កន្លែង​ផ្សេង ដូច​ជា​ពេល​អត្ថបទ​អ្នក​ស្ដី​អំពី​ចម្រៀង តែ​អ្នក​មិន​ដឹង​ថា​ដាក់​ចម្រៀង ឬ វីដេអូ​ពី Youtube បែប​ណា មាន​តែ​ដាក់តំណ​ឲ្យ​ទៅ​កាន់​ទំព័រ​ផ្សេង​ប៉ុណ្ណោះ។ តែ​បើ​អ្នក​អាន​លំនាំ​ខាង​ក្រោម​នេះ​ហើយ អ្នក​នឹង​អាច​ដាក់​ឯកសារ​ចម្រៀង និង​វីដេអូ​ពី Youtube បាន​ភ្លាមៗ​នៅ​ក្នុង​អត្ថបទ​ប្រកាសន៍ WordPress របស់​អ្នក។ ១. ដាក់​ឯកសារ​សម្លេង ដើម្បី​ដាក់​ឯកសារ​សម្លេង ទៅ​ក្នុង​អត្ថបទ​របស់​អ្នក អ្នក​ត្រូវ​តែ​ច្បាស់​ថា​តំណ​ភ្ជាប់​ទៅ​កាន់​ឯកសារ​នោះ ជា​តំណ​ភ្ជាប់​ផ្ទាល់ (direct link) ឧទាហរណ៍៖ http://it4ug.net/sound_folder/Viyoulong%20Snehha.mp3 ។ ពេល​ដែល​អ្នក​មាន​តំណ​ភ្ជាប់​ផ្ទាល់​ទៅ​កាន់​ឯកសារ​សម្លេង​នោះ សូម​ដាក់​កូដ​មួយ​នេះ​ទៅ​ក្នុង​អត្ថបទ​របស់​អ្នក។ audio តំណ​ភ្ជាប់​ផ្ទាល់​ទៅ​កាន់​ឯកសារ​សម្លេង ឧទាហរណ៍៖ អ្នក​អាច​មាន​តំណ​ភ្ជាប់​បែប​នោះ លុះ​ត្រា​អ្នក​មាន​កន្លែង​ផ្ទុក​ឡើង​នូវ​ឯកសារ​សម្លេង​របស់​អ្នក​សិន។ ខ្ញុំ​សុំ​ណែនាំ​គេហទំព័រ​ពីរ​បី សម្រាប់​ដាក់​ឯកសារ​សម្លេង​របស់​អ្នក​៖