Open Source Archive

elgg

ប្រសិន​បើ​អ្នក​ចង់​បង្កើត​បណ្ដាញ​សង្គម​ដែល​ល្អ​មួយ ខ្ញុំ​សូម​ណែនាំ​កម្មវិធី​វែប​មួយ​នេះ​ទៅ​អ្នក កាល​ពី​អត្ថបទ​មុន​ខ្ញុំ​បាន​រៀប​រាប់​អំពី អ្វី​ទៅ​គឺ​ជា BuddyPress ដែល​ប្រើ​ជា​កម្មវិធី​បន្ថែម​នៅ​ក្នុង WordPress។ តែ​ថ្ងៃ​នេះ ខ្ញុំ​សូម​លើក​យក​កម្មវិធី​វែប​មួយប្រភេទ​ទៀត ដែល​មុខងារ​របស់​វា​គឺ ជា​កម្មវិធី​បណ្ដាញ​សង្គម​សុទ្ធ​តែ​ម្ដង មិន​មែន​ជា​កម្មវិធី​សម្រាប់​ដំឡើង​នៅ​ក្នុង​អ្វី​នោះ​ទេ។ កម្មវិធី​ដែល​ខ្ញុំ​នឹង​រៀប​រាប់​នោះ​គឺ Elgg ដែល​វា​គឺ​ជា​កម្មវិធី​បណ្ដាញ​សង្គម​អ៊ីនធឺណិត ដែល​មាន​ប្រជាប្រិយ​ភាព នៅ​ក្នុង​ពិភព​កម្មវិធី​វែប​កូដ​បើក​ចំហ។ កម្មវិធី​នេះ​ទៀត​សោត​ក៏​មាន​ជា​ភាសា​ខ្មែរ​ផង​ដែរ។ តែ​មិន​ទាន់​ពេញ​លេញ​នោះ​ទេ ព្រោះ​កំពុង​ស្ថិត​នៅ​ក្នុង​ការ​បក​ប្រែ​នៅ​ឡើយ។ កម្មវិធី​វែប​មួយ​នេះ ត្រូវ​បាន​រក​ឃើញ​និង​ផ្ដើម​គំនិត​បង្កើត​ដោយ​លោក Dave Tosh និង Ben Werdmuller នៅ​ក្នុង​ឆ្នាំ​២០០៤។ យើង​អាច​ទាញ​យក​វា​ទៅ​ប្រើ​បាន​ដោយ​ឥត​គិត​ថ្លៃ ព្រោះ​តែ​វា​ជា​កម្មវិធី​វែប​កូដ​បើក​ចំហ។ elgg ជា​កម្មវិធី​បណ្ដាញ​សង្គម​ដ៏​សម្បូរបែប​មួយ ដែល​មាន​លក្ខណៈ​ពិសេស​ច្រើន​ជាង BuddyPress របស់ WordPress ទៅ​ទៀត។ ពេល​ដំឡើង​មក​ភ្លាម​វាមាន​ភ្ជាប់​មក​នូវ​កម្មវិធី​បន្ថែម​មួយ​ចំនួន​ដូច​ជា៖ ក្រុម ប្លក់ ទំព័រ កំណត់​ចំណាំ (Bookmark) មិត្ត​ភក្តិ ការ​ផ្ញើ​សារ សកម្មភាព និង ផ្សេងៗ​ទៀត លក្ខណៈ​ពិសេស​របស់ elgg មានដូច​ជា៖ ទំព័រ​គ្រប់​គ្រង​បណ្ដាញ​ទាំង​មូល ការ​រាំង​ខ្ទប់នូវ​រាល់​សមាជិក​មិន​ត្រឹម​ត្រូវ រាយ​ការ​អំពី​មាតិកា​មិន​ល្អ ការ​កំណត់​បណ្ដាញ​ទាំងមូល ការ​បន្ថែម​សមាជិក

Ubuntu 11.04 Natty ចេញ​កំណែ​សាកល្បង Beta 1

ក្រោយ​ពី​ចេញ​កំណែ​សាក​ល្បង Alpha ចំនួន​៣លើក​មក នៅ​ពេល​នេះ Ubuntu បាន​ដាក់​ចេញ​ឲ្យ​ប្រើ​នូវ​កំណែ​សាក​ល្បង Beta 1 ដែល​ក្នុង​នោះ​មាន​នូវ​លក្ខណៈ​ពិសេស​ថ្មីៗ​ជា​ច្រើន ដូច​ជា៖ ១. កញ្ចប់​ឯកសារ​កម្មវិធី​ដែល​ភ្ជាប់​មក​ជា​មួយ៖ Ubuntu 11.04 beta 1 ភ្ជាប់​មក​ជាមួយ​នឹង ខឺនែល 2.6.38 Xserver 1.10 Gnome 2.32.1 Shotwell 0.9 Firefox 4.0 RC2 (ជា​កំណែ​ដែល​មិន​ទាន់​បាន​ធ្វើ​បច្ចុប្បន្នកម្ម​ទៅ​កំណែ​ចុង​ក្រោយ​ទេ តែ​យ៉ាង​ណា RC2 ក៏​មាន​លក្ខណៈ​រូបរាង​ដូច​ទៅ​នឹង​កំណែ​ចុង​ក្រោយ​ដែរ) LibreOffice 3.3.2 Banshee 1.9.5 Evolution 2.32.2 Nautilus 2.32.2.1. ២. លក្ខណៈ​រូបរាង​អេក្រង់​ខាង​មុខ​ផ្សេងៗ (Desktop Environment)៖ ដោយ​មាន​ការ​ដាក់​មតិ​សំនូម​ពរ​ពី​សំណាក់​អ្នក​ប្រើ Ubuntu 11.04 បាន​ដាក់​បញ្ចូល​នូវ​រូបរាង​អេក្រង់​ខាង​មុខ​ផ្សេងៗ​ដូច​ជា៖ Unity Unity 2D Classic (GNOME) បាន​ជា​មាន​ការ​បញ្ចូល​នូវ​រូបរាង​ច្រើននេះ ក៏​ដោយ​សារ​តែ​វា​ជួយ​បង្ការ​ក្នុង​ខណៈ​ណា​ដែល​កុំព្យុទ័រ​របស់​អ្នក​មិន​ស្គាល់​រូបរាង

របៀប​ប្រើ​ប្រាស់ VirtualBox ដើម្បី​បង្កើត​ម៉ាស៊ីន​សិប្បនិមិត្ត

ដំបូង​ខ្ញុំ​សុំ​ពន្យល់​ថា អ្វី​ទៅ​គឺ​ជា​ម៉ាស៊ីន​សិប្បនិមិត្ត។ ម៉ាស៊ីន​សិប្បនិមិត្ត​គឺ​ជា​ប្រភេទ​ម៉ាស៊ីន​ក្លែង​បន្លំ ដែល​គេ​ដំឡើង​វា​នៅ​ក្នុង​ប្រព័ន្ធ​ប្រតិបត្តិការ​របស់​យើង ក្នុង​គោល​បំណង​សាក​ល្បង​ប្រើ។ ឧទាហរណ៍​ថា​យើង​សព្វ​ថ្ងៃ​នេះ​កំពុង​ប្រើ Windows7។ ក្រោយ​មក​ទៀត​ស្រាប់​តែ​យើង​ចង់​សាក​ប្រើ moonOS ហើយ​យើង​ខ្ជិល​ចែក​កន្លែង​ក្នុងថាស​រឹង(Hard Disk) ដើម្បី​ដំឡើង​នោះ គឺ​យើង​ត្រូវ​មាន​កម្មវិធី​មួយ​នៅ​ក្នុង Windows7 ដើម្បី​ដំឡើង moonOS សាក។ ម៉ាស៊ីន​សិប្បនិមិត្ត ត្រូវ​បាន​គេ​បង្កើត​ឡើង​ឲ្យ​មាន​លក្ខណៈ​សម្បត្តិ​ដូច​ទៅ​នឹង​ម៉ាស៊ីន​ពិត​ដែរ។ ដូច​ជា៖ RAM, ទំហំ​ថាស​រឹង, រន្ធ USB, Bluetooth, និង ផ្សេងៗ​ទៀត។ ហើយ​លក្ខណៈ​សម្បត្តិ​នេះ​ទៀត​សោត យើង​អាច​កែ​សម្រួល​វា​បាន និង​អាច​សម្រប​វា​ទៅ​តាម​តម្រូវ​ការ​របស់​ប្រព័ន្ធ​ប្រតិបត្តិការ​ដែល​ត្រូវ​ដំឡើង​ក្នុង​ម៉ាស៊ីន​សិប្បនិមិត្ត។ ការ​ដំឡើង​ម៉ាស៊ីន​សិប្បនិមិត្ត​នេះ វា​មិន​ប៉ះ​ពាល់​ដល់​ការ​ចែក​ទីកន្លែង​ផ្ទុក​នៅ​ក្នុង​ថាស​រឹង​នោះ​ទេ។ ពេល​យើង​ចាប់​ផ្ដើម​ដំឡើង​នោះ គេ​នឹង​សួរ​យើង​អំពី​ទី​កន្លែង​ផ្ទុក​ឯកសារ​មួយ ដែល​ឯកសារ​នោះ​គឺ​ជា​ថាស​រឹង​សិប្បនិមិត្ត​ផង​ដែរ។ ដើម្បី​ដំឡើង​បាន លុះ​ត្រា​តែ​យើង​មាន​ឯកសារ *.iso ដែល​យើង​អាច​ទាញ​យក​បាន​ពី​គេហទំព័រ​របស់ប្រព័ន្ធប្រតិបត្តិការ​និមួយៗ។ កម្មវិធី​សម្រាប់​ដំឡើង​ម៉ាស៊ីនសិប្បនិមិត្ត​មាន​ដូច​ជា៖ VirtualBox, VMware ជា​ដើម។ តែ​ខ្ញុំ​សូម​លើក​យក VirtualBox មក​បង្ហាញ ព្រោះ​វា​មាន​ទំហំ​តូច ហើយ​អាច​ប្រើ​ដោយ​ឥត​គិត​ថ្លៃ ហើយ​ក៏​ជា​កម្មវិធី​កូដ​បើក​ចំហ​ផង​ដែរ។ ចំណែក​ឯ VMware វិញ​មាន​ទំហំ​ធំ ហើយ​ប្រសិន​បើ​ចង់​ប្រើ​ត្រូវ​ចំណាយ​លុយ​ទិញ និង​ជា​កម្មវិធី​កូដ​បិទ​ជិត។ សូម​ទាញ​យក​កម្មវិធី​នេះ​នៅ​ក្នុង៖ http://www.virtualbox.org/wiki/Downloads

Blender កម្មវិធី​រចនា​រូប 3D

Blender គឺ​ជា​កម្មវិធី​រចនា​រូប 3D ដែល​មាន​ទំហំ​តូច តែ​សមត្ថភាព​របស់​វា​ខ្ពស់​ណាស់។ រូប​ដែល​គូស​ចេញ​ពី Blender គឺ​ប្រកប​ដោយ​ភាព​ស្អាត និង ផុសៗ​ពិត​ជា​គួរ​ឲ្យ​ទាក់​ទាញ។ រឿង​មួយចំនួន បាន​ប្រើ​ប្រាស់​កម្មវិធី Blender ដើម្បី​ផលិត​រឿង 3D របស់​ពួក​គេ។ ហើយ​រឿង​ដែល​បាន​យក Blender ទៅ​ធ្វើ​នោះ​មាន​ដូច​ជា៖ Big Buck Bunny (ឆ្នាំ២០០៨) Elephant Dream (ឆ្នាំ​២០០៦) Yo Frankie! (ឆ្នាំ​២០០៨) Sintel (ឆ្នាំ​២០១០) Kajimba (ឆ្នាំ​២០០៩) Lightouse (ឆ្នា​២០០៨) Project London (ឆ្នាំ​២០០៩) Murnau the Vampire (ឆ្នាំ​២០០៧) និង​ផ្សេងៗ​ទៀត ក្រៅ​ពីការ​ផលិត​រឿង ក៏​មាន​ដែរ​នូវ​ការ​បង្កើត​ល្បែង​កម្សាន្ត ផ្សេងៗ​ទៀត​ផង​ដែរ។   Blender អាច​ដំណើរ​ការ​បាន​នៅ​គ្រប់​ប្រព័ន្ធ​ប្រតិបត្តិការ​កុំព្យូទ័រ​ទាំង​បី (Windows, Mac OS X, Linux)។ កម្មវិធី​នេះ​​ក៏​ជា​កម្មវិធី​កូដ​បើក​ចំហ​ផង​ដែរ។ តម្រូវ​ការ​របស់​កម្មវិធី​មានដូច​ជា៖

អ្វី​ទៅ​ជា BuddyPress?

លោក​អ្នក​ប្រាកដ​ជា​ធ្លាប់​ឮ​ពាក្យ បណ្ដាញ​សង្គម (Social Network) ហើយ។ ដែល​មាន​ដូច​ជា Facebook ជា​ដើម ដែល​ជា​បណ្ដាញ​សង្គម​ក៏​ធំ​មួយ​នៅ​ក្នុង​ពិភព​អ៊ីនធឺណិត។ ដោយ​ឡែក ប្រសិន​បើ​យើង​ចង់​បង្កើត​នូវ​បណ្ដាញ​សង្គម​មួយ សម្រាប់​ប្រើ​ជាមួយ​មិត្ត​ភក្តិ ឬ ក្រុម​គ្រួសារ ឬ ជាមួយ​មនុស្ស​ផ្សេងៗ​ទៀត​នោះ យើង​ក៏​អាច​បង្កើត​បាន​ដែរ។ ខ្ញុំ​សូម​លើក​យក​នូវ​កម្មវិធី​វែប​មួយ​ឈ្មោះ BuddyPress ដែល​ជា​កម្មវិធី​បន្ថែម​របស់ WordPress។ BuddyPress ជា​កម្មវិធី​បន្ថែម​មួយ​សម្រាប់​ប្រែក្លាយ WordPress ពី​ប្លក់​ធម្មតា​មួយ ទៅ​ជា​គេហទំព័រ​សង្គម​បណ្ដាញ។ BuddyPress ក៏​មាន​នូវ​កម្មវិធី​បន្ថែម​ទៀត​ផង​ដែរ ដែល​អាច​ធ្វើ​ឲ្យ​វា​កាន់​តែ​មាន​ភាព​ទាក់​ទាញ​នៅ​ក្នុង​គេហទំព័រ​របស់​អ្នក។ ដូច​ជា​គេហទំព័រ iKhmer ជា​ដើម ដែល​បាន​ប្រើ BuddyPress ក្នុង​ការ​ធ្វើ​ជា​សង្គម​បណ្ដាញ។ តែ​ប្រសិន​បើ​យើង​ចេះ​ត្រឹម​តែ​ដំឡើង​នោះ ក៏​មិន​សូវ​ជា​ល្អ​ដែរ យ៉ាង​ណា​ក៏​យើង​ត្រូវ​ចេះ​កូដ PHP, HTML, CSS គួរ​សម​ដែរ ទើប​អាច​កែ​ច្នៃ​វា​ឲ្យ​បាន​កាន់​តែ​ប្រសើរ។ BuddyPress ត្រូវ​បាន​ផ្ដើម​គំនិត​ធ្វើកាល​ពី​ឆ្នាំ​២០០៨ ហើយ​បាន​ចេញ​ឲ្យ​ប្រើ​កំណែ​ស្ថិតស្ថេរ (Stable) ដំបូង​នៅ​ឆ្នាំ​២០០៩ ហើយ​ចាប់​ពី​ពេល​នោះ វា​ក៏​បាន​ទទួល​ការ​ពេញ​និយម ហើយ​បាន​វិវឌ្ឍ​ខ្លួន​យ៉ាង​រហ័ស រហូត​មក​ទល់​ពេល​នេះ។ យើង​អាច​ប្រើ BuddyPress ជា៖

ប្រព័ន្ធ​ប្រតិបត្តិការ​លីនុច moonOS

នេះ​ជា​អត្ថបទ​ដែលខ្ញុំបាន​សរសេរ​នៅ​ក្នុង វិគីភីឌា ភាសា​ខ្មែរ។ moonOS គឺ​ជា​ប្រព័ន្ធ​ប្រតិបត្តិ​ការ​លីនុច​មួយ ដែល​មាន​មុខងារ​ស្រដៀង​នឹង​ប្រព័ន្ធ​ប្រតិបត្តិការ Windows របស់ Microsoft។ moonOS ត្រូវ​បាន​បង្កើត​តាំង​ពី​ឆ្នាំ ២០០៨ ដោយ​យក Ubuntu មក​ធ្វើ​ជា​មូលដ្ឋាន​ក្នុង​ការ​បង្កើត។ moonOS គឺ​កូដ​ចំហ​និង​ឥត​គិត​ថ្លៃ ដូច្នេះ​អ្នក​ទាំង​អស់​គ្នា​អាច​ប្រើ​ប្រាស​វា​បាន​ដោយ​សេរី និង​ស្រប​ច្បាប់។ នៅ​ចុង​ឆ្នាំ ២០០៨ moonOS 1.0 បាន​ចាប់​ផ្ដើម​ឡើង។ នៅ​ខែ កុម្ភៈ ឆ្នាំ ២០០៩ moonOS 2.0 បាន​ចេញ​ផ្សាយ​ហើយ​វា​ទទួល​បាន​ការ​គាំទ្រ​យ៉ាង​ខ្លាំង​នៅ​ក្រៅ​ប្រទេស ហើយ​ព្រម​ទាំង​បាន​ចុះ​ក្នុង​បញ្ជី​លីនុច ឌីស្ត្រូ​ផ្លូវ​ការ​ទៀត​ផង។ បច្ចុប្បន្ន​នេះ moonOS មាន​កំណែ 4.0 ដែល​មាន​លក្ខណសម្បត្តិ​ថ្មីៗ​ជា​ច្រើន។ ជំនាន់ moonOS ជំនាន់​ទី១៖ moonOS 1 (Bopha) បាន​ដាក់​ចេញ​ឲ្យ​ប្រើ​នៅ ចុង​ឆ្នាំ​២០០៨ ជំនាន់​ទី២៖ moonOS 2 (Kachana) បាន​ដាក់​ចេញឲ្យ​ប្រើ​នៅ ខែ​កុម្ភៈ ឆ្នាំ​២០០៩ ជំនាន់​ទី៣៖ moonOS 3 (Makara) បាន​ដាក់​ចេញឲ្យ​ប្រើ​នៅ

របៀប​ធ្វើ​ឲ្យ Ubuntu មាន​រូបរាង​ដូច Mac OS X

ដើម្បី​ធ្វើ​ឲ្យ Ubuntu មាន​រូបរាង​ដូច Mac OS X យើង​ត្រូវ​ប្រើ Macbuntu ដើម្បី​ផ្លាស់​ប្ដូរ​រូប​រាង។ ហើយ Macbuntu ជា​ប្រភេទ​កម្មវិធី​កូដ​បើក​ចំហ​ផង​ដែរ។ សូម​ចូល​ទៅ​ទាញ​យក Macbuntu តាម​រយៈ​អាសយដ្ឋាន​នេះ៖ http://sourceforge.net/projects/macbuntu/files/ បន្ទាប់​មក​សូម​រើស​យក​នូវ​កំណែ​នៃ Ubuntu របស់​អ្នក (10.10 ឬ 10.04)។ ក្រោយ​ពី​ទាញ​យក​ហើយ សូម​ពន្លា​ឯកសារ​នោះ​ចេញ​មក​ក្រៅ បន្ទាប់​មក​សូម​ចូល​ទៅ​ក្នុង​ថត​ដែល​ទើប​ពន្លា​រួច​នោះ ហើយ​ចុច​លើ​ឯកសារ “Install.sh” ហើយវា​នឹង​លោត​ផ្ទាំង​មួយ​មក រួច​ចុច​លើ​ពាក្យ Run In Terminal បន្ទាប់​មក​វា​នឹង​លោត​ចូល​ទៅ​ក្នុង Terminal ហើយ​វា​នឹង​សួរ​សំនួរ​មួយ តែ​មិន​បាច់​ខ្វល់​ទេ សូម​វាយ​អក្សរ y ហើយ​ចុច Enter ដើម្បី​បន្ត​ការ​ដំឡើង​ទៅ​មុខ​ទៀត លោក​អ្នក​នឹង​ត្រូវ​ឆ្លើយ​សំនួរ​ប៉ុន្មាន​ចំណុច​ទៀត។ ខាង​ក្រោម​នេះ​ជា​ការ​សួរ​អំពី​ពុម្ព​អក្សរ​ដែល​ត្រូវ​ដំឡើង បើ​អ្នក​មិន​ដឹង ឬ មិន​ចង់​រើស​នោះ គ្រាន់​តែ​ចុច Enter នោះ​ការ​ដំឡើង​នឹង​បន្ត​ទៅ​មុខ​ទៀត​ហើយ។ នៅ​ពេ​ល​កំពុង​ដំឡើងវា​ត្រូវ​ការ​ទាញ​យក​ឯកសារ​មួយ​ចំនួន​ពី​អ៊ីនធឺណិត ទើប​វា​មាន​រូប​រាង​ពេញ​លេញ សូម​យល់​ព្រម នៅ​ពេល​ឃើញ​សំនួរ​នោះ។ នៅ​ពេល​ដំឡើង​រួច​រាល់​ហើយ វា​នឹង​ស្នើ​ឲ្យ​ធ្វើ​ការ​ចាប់​ផ្ដើម​ម៉ាស៊ីន​កុំព្យូទ័រ​ឡើង​វិញ។ ដូច្នេះ​សូម​វាយអក្សរ

ឈុត​កម្មវិធីការិយាល័យ LibreOffice

LibreOffice គឺ​ជា​ឈុត​កម្មវិធី​ការិយាល័យ​មួយ ដែល​ជា​កំណែ​ក្រោយ និង​ជា​ឈ្មោះ​ថ្មី​របស់​កម្មវិធី OpenOffice.org ។ ហើយ LibreOffice គឺ​ជា​គម្រោង​របស់ The Document Foundation ដែល​ជា​គម្រោង​ថ្មី​បន្ទាប់​ពី​គម្រោង OpenOffice.org ដែល​ត្រូវ​បាន Oracle ទិញ​ផ្ដាច់​មុខ។ នៅ​ពេល​បច្ចុប្បន្ន ក្រុម​អ្នក​អភិវឌ្ឍន៍គម្រោង OpenOffice.org នានា​បាន​នាំ​គ្នា​មកអភិវឌ្ឍ​លើ LibreOffice ជំនួស​វិញ។ LibreOffice ក៏​ជា​ប្រភេទ​កម្មវិធី​កូដ​បើក​ចំហ​ផង​ដែរ។ នៅ​ពេល​នេះ LibreOffice បាន​ចេញ​ដល់​កំណែ​ទី ៣.៣.២ (នៅ​ថ្ងៃ​ទី២២ ខែមិនា ឆ្នាំ​២០១១)។ យើង​អាច​ចូល​ទៅ​ទាញ​យក​បាន​តាម http://www.libreoffice.org/download/ ដែល​មាន​សម្រាប់ Windows, Linux និង Mac OS X។   នៅ​ក្នុង Linux (Ubuntu ជា​ដើម) យើង​គួរ​តែ​ដំឡើង​តាម​រយៈ​ទីតាំង​ផ្ទុក (PPA)។ ខាង​ក្រោម​នេះ​ជា​របៀប​ដំឡើង​សម្រាប់ Ubuntu 10.10៖ សូមវាយ​ក្នុង Terminal ៖ sudo gedit /etc/apt/sources.list