Open Source Archive

sourceforge.net ប្រភព​កម្មវិធីកូដ​ចំហមិន​ចេះរីងស្ងួត

www.sourceforget.net គឺជា គេហទំព័រ​មួយ​ដែល​​ផ្តល់​កម្មវិធី​កូដ​ចំហ ដោយ​ឥត​គិត​ថ្លៃ ដោយ​មាន​ជា​ប្រភេទ​នីមួយៗផងដែរ។ យើង​​អាច​​ធ្វើ​ការ ស្វែង​រក​កម្មវិធី​កូដ​ចំហ បាន​យ៉ាង​ស្រួល។ កម្មវិធី​​កូដ​ចំហ ទាំង​នោះ​ភាគ​ច្រើន​​ជា​គម្រោង (Project) របស់​អ្នក​អភិវឌ្ឍន៍​កម្មវិធី (Developer) ល្បីៗ​ខាង Open Source។ រូបរាងនៃគេហទំព័រនេះ យើងសង្កេតឃើញថា ប្រភេទនីមួយៗនៃកម្មវិធីកូដចំហ បានបែងចែកយ៉ាងងាយស្រួល ។

របៀប​កំណត់​ពាក្យ​សម្ងាត់​សម្រាប់ឯកសារ PDF ពេល​នាំ​ចេញ​ពី OpenOffice.org

នៅ​ក្នុង​កម្មវិធី OpenOffice.org និង LibreOffice មាន​ភ្ជាប់​មក​ស្រេច​ជាមួយ​នឹង​ឧបករណ៍​សម្រាប់​នាំ​អត្ថបទ​ចេញ​ជាឯកសារ PDF។ កម្មវិធី​ការិយាល័យ​នេះ ស្គាល់​ប្រភេទ​ពាក្យ​សម្ងាត់​ចំនួន​ពីរ៖ ពាក្យ​សម្ងាត់​បើក​ចំហ (Open Password) ពាក្យ​សម្ងាត់​សិទ្ធិ (Permission Password) របៀប​កំណត់៖ ១. នៅ​ពេល​អ្នក​សរសេរ​អត្ថបទ​រួច​ហើយ សូម​ចុច File -> Export as PDF.. (ឯកសារ -> នាំ​ចេញ​ជា PDF…) ២. បន្ទាប់​មកចុច​លើ​ផ្ទាំង Security (សុវត្ថិភាព) ៣. នៅ​ក្នុង​ទីនោះ​អ្នក​នឹង​ឃើញ​ប៊ូតុង Set open password… (កំណត់​ពាក្យ​សម្ងាត់​បើក​ចំហ) និង Set permission password… (កំណត់​ពាក្យ​សម្ងាត់​សិទ្ធិ) អ្នក​អាច​កំណត់​តែ​មួយ ឬទាំង​ពីរ​ក៏បាន។ ៤. នៅ​ពេល​កំណត់​រួច អ្នក​អាច​ធ្វើ​ការ​នាំ​ចេញ​ឯកសារ​របស់​អ្នក​មក​ខាង​ក្រៅ ហើយ​សូម​សាក​ល្បង​បើក អ្នក​នឹង​ឃើញ​លោត​ផ្ទាំង​មួយ​មក សម្រាប់​បញ្ចូល​ពាក្យ​សម្ងាត់ ដើម្បី​បើក​អាន។

Firefox 5 Beta Ubuntu PPA

នៅ​ពេល​នេះ​អ្នក​អាច​ធ្វើ​ការ​ទាញ​យក Firefox 5 Beta តាម​រយៈ​ទីតាំង​ផ្ទុក PPA មួយ​ឈ្មោះ​ថា Firefox-Next ដែល​ទីតាំង​នេះ ផ្ដល់​តែ​កំណែ Beta តែ​ប៉ុណ្ណោះ។ សូម​ប្រតិបត្តិ​ពាក្យ​បញ្ជា​ខាង​ក្រោម ដើម្បី​ដំឡើង៖ ១. sudo add-apt-repository ppa:mozillateam/firefox-next ២. sudo apt-get update ៣. sudo apt-get install firefox លោក​អ្នក​អាច​នឹង​ងាយ​រក​ឃើញ​នូវ​កំហុស (Bug) មួយ​ចំនួនក្នុង​កំណែ​សាក​ល្បង​មួយ​នេះ ហើយ​អ្នក​អាច​ធ្វើ​ការ​រាយការ​បាន​នៅ ទីនេះ។ ប្រភព​ដើម៖ http://www.webupd8.org/2011/05/firefox-5-beta-channel-ubuntu-ppa.html

អក្សរ​ខ្មែរ​ក្នុង Google Chrome/Chroimum លើ Ubuntu មាន​បញ្ហា​ឬ?

កម្មវិធី​បើក​គេហទំព័រ Google Chrome និង Chromium ជា​កម្មវិធី​ដែល​ត្រូវ​បាន​អភិវឌ្ឍ​ដោយក្រុម​ហ៊ុន Google ហើយ​ត្រូវ​បាន​ដាក់​ឲ្យ​ប្រើ​ប្រាស់​ដោយ​សេរី យ៉ាង​ទូលំទូលាយ។ ហើយ​កម្មវិធី​នេះ​ទៀត​សោត មាន​ដំណើរ​ការ​នៅ​លើ MacOSX, Windows និង Linux។ ឃើញ​ថា​អក្សរ​ខ្មែរ​ដើរ​យ៉ាង​ល្អ​ក្នុង Google Chrome/Chromium ទាំង​ក្នុង MacOSX និង Windows។ តែ​ចម្លែក​តែ​ក្នុង Linux (ដូច​ជា Ubuntu ជា​ដើម) តើ​ហេតុ​អី​បាន​ជា​ដើរ​អក្សរ​ខ្មែរ​មិន​ស្រួល? នៅ​ក្នុង​កម្មវិធី​បើក​គេហទំព័រ​និមួយៗ គេ​បាន​បង្កើត​ប្រព័ន្ធ​បង្ហាញ​ពុម្ព​អក្សរ (អង់គ្លេស Font Rendering) រៀងៗខ្លួន ទាំង Firefox, Opera, Safari, Google Chrome/Chroimum។ ដូច្នេះ​ដើម្បី​ដោះ​ស្រាយ​បញ្ហា​នេះ ខ្ញុំ​សូម​ឲ្យ​អ្នក​រាល់​គ្នា​ដំឡើង​ពុម្ព​អក្សរ Hanuman ដែល​ជា​ពុម្ព​អក្សរ​បង្កើត​ដោយ​លោក​ពូ ដាញ់ ហុង ហើយ​បាន​ដាក់​ឲ្យ​ប្រើ​មុន​ដំបូង​គេ​ក្នុង Google Font API ខ្មែរ។ សូម​ចុច​ទាញ​​យក​ពុម្ព​អក្សរ Hanuman នៅ​ទីនេះ។ បន្ទាប់​ពី​ដំឡើង​រួច​សូម​បើក​កម្មវិធី

ដំឡើង LibreOffice ទៅ​ក្នុង Ubuntu ដោយ​ប្រើ apt-get

រហូត​មក​ទល់​ពេល​នេះ LibreOffice មិន​ទាន់​ត្រូវ​បាន​បញ្ចូល​ទៅ​ក្នុង​ថត​ទីតាំង (repository) នៅ​ឡើយ​ទេ ទោះ​បី​ជា​ឥឡូ​វ Ubuntu ចេញ​ដល់​កំណែ​ទី ១១.០៤ ក៏ដោយ។ ដូច្នេះ​ដើម្បី​ដំឡើង LibreOffice ដោយ​ប្រើ apt-get នោះ​យើង​អាច​ប្រើ ទីតាំង​ផ្ទុក​របស់ NW Linux។ សូម​អនុវត្ត​កូដ​ដូច​ខាង​ក្រោម៖ លុប OpenOffice.org (OOo) sudo apt-get remove openoffice*.* ដំឡើង LibreOffice សូម​បើក​បញ្ជី​ប្រភព​កម្មវិធី (source list) ដោយ​ប្រើ​កូដ៖ sudo gedit /etc/apt/sources.list ហើយ​ចម្លង deb http://libreoffice.nwlinux.us lucid main ទៅ​ដាក់​ក្នុង​នោះ។ ធ្វើ​បច្ចុប្បន្នកម្ម៖ sudo apt-get update បន្ថែម​សោរ៖ sudo apt-key adv –keyserver keyserver.ubuntu.com –recv-keys 1378B444 ដំឡើង៖ sudo apt-get install libreoffice-common

Cairo Dock បាន​ផ្សាយ​ចេញនូវ​កំណែ​ទី ២.៣.០

Cairo Dock គឺ​ជា​របារ​ម៉ឺនុយ​ដ៏​ទាន់​សម័យ​មួយ ដែល​ដំណើរ​ការ​នៅ​ក្នុង​ប្រព័ន្ធ​ប្រតិបត្តិការ លីនុច ដូច​ទៅ​នឹង Docky និង Avant ផង​ដែរ។ របស់​របរ​ដែល​មាន​ក្នុង Cairo Dock ស្រាប់ៗ​នោះ មាន​ដូច​ជា៖ កន្លែង​ផ្ដល់​ដំណឹង (Notification Area) ល្បឿន​បណ្ដាញ (Netspeed) ឧបករណ៍​ត្រួត​ពិនិត្យ​បណ្ដាញ (Network monitor) ឧបករណ៍​គ្រង់​គ្រង​ថាមពល (Power Manager) អាកាស​ធាតុ សីតុណ្ហភាព ឧបករណ៍​ត្រួត​ពិនិត្យ​ប្រព័ន្ធ ទ្រនិច​បង្ហាញ​បន្ទះ​វាយ​អក្សរ (Keyboard indicator) ស្ថានីយ​បញ្ជា (Terminal) និង​ជា​ច្រើន​ផ្សេង​ទៀត   នៅ​ពេល​ថ្មីៗ​នេះ Cairo Dock បាន​ផ្សាយ​ចេញ​នូវ​កំណែ​ទី ២.៣.០ ដែល​ជា​កំណែ​ថ្មី​ភ្ជាប់​មក​ជាមួយ​នឹង​លក្ខណៈ​ពិសេស​ថ្មីៗ​ជា​ច្រើន​ទៀត​ដូច​ជា៖ System-Monitor ជា​លក្ខណៈ​ពិសេស​មួយ​ដែល​អ្នក​អាច​ត្រួត​ពិនិត្យ​នូវ សីតុណ្ហភាព​CPU និង ល្បឿន​កង្ហារ មាន​នូវ Applet ថ្មីៗ​ដូច​ជា៖ Transmission, Deluge, MintMenu, Translator, Quote of

GetDeb.net

GetDeb.net គឺ​ជា​គេហទំព័រ​មួយ​ដែល​ផ្ដល់​នូវ​រាល់​កម្មវិធី​កូដ​បើក​ចំហ និង ឥត​គិត​ថ្លៃ​ សម្រាប់​ប្រព័ន្ធ​ប្រតិបត្តិការ Ubuntu។ ហើយ​ទី​នោះ​ក៏​ជា​ទី​តាំង​ផ្ទុក (Repository) មួយ​ផង​ដែរ។ ហើយ​នៅ​ទី​នោះ​មាន​នូវ​កម្មវិធី​ល្អៗ​ជា​ច្រើន ដូច​ជា៖ ផ្នែក​អ៊ីនធឺណិត ផ្នែក​រចនា​រូប​ភាព ផ្នែកការ​អប់​រំ ផ្នែក​សោតទស្សន៍ ផ្នែក​ការិយាល័យ រដ្ឋបាល ផ្នែក​បង្កើត​កម្មវិធី​កុំព្យូទ័រ ផ្នែក​វិទ្យសាស្ត្រ ឧបករណ៍​ផ្សេងៗ ផ្នែក​វីដេអូ ហើយ​រាល់​កម្មវិធី​នៅ​ទី​នោះ មាន​រៀប​ចំ​សម្រាប់​កំណែ​នៃ Ubuntu និមួយៗ (ចាប់​ពី ៩.១០ ឡើង​ទៅ)។ ហើយ​យើង​ក៏​អាច​ធ្វើ​ការ​ដំឡើង​កម្មវិធី​ពី​គេហទំព័រ GetDeb.net តាម​រយៈ PPAs ក្នុង​មជ្ឈមណ្ឌល​កម្មវិធី​របស់ Ubuntu បាន​ផង​ដែរ។ ដូច្នេះ​យើង​នឹង​ទទួល​បាន​ភាព​ងាយ​ស្រួល​ដោយ​មិន​បាច់​បើក​គេហទំព័រ​នេះ​ទៀត​ទេ គឺ​គ្រាន​តែ​បើក​មជ្ឈមណ្ឌល​កម្មវិធី​របស់ Ubuntuមក កម្មវិធី​ដែល​មាន​នៅ​ក្នុង GetDeb.net នឹង​បង្ហាញ​នៅ​ក្នុង​នោះ។ សង្ឃឹម​ថា លោក​អ្នក​នឹង​ស្វែង​រក​បាន​នូវ​កម្មវិធី​ដែល​លោក​អ្នក​ចង់​បាន នៅ​ទី​នោះ។

តោះ! នាំ​គ្នា​រាប់​ថយ​ក្រោយ

នៅ​ពេល​នេះ​សហគមន៍ Ubuntu បាន​ផ្សាយ​នូវ​ផ្ទាំង​រូប​រាប់​ថយ​ក្រោយចំនួន​ថ្ងៃ រហូត​ដល់​ថ្ងៃ​ដែល Ubuntu 11.04 Natty ដាក់​ចេញ​ឲ្យ​ប្រើ​ជា​សាធារណៈ។ ប្រសិន​បើ​អ្នក​ជា​អ្នក​ស្រលាញ់​ប្រព័ន្ធ​ប្រតិបត្តិការ​មួយ​នេះ នាំ​គ្នា​ដាក់​នូវ​រូប​ដែល​ដូច​នៅ​ផ្នែក​ខាង​ស្ដាំ​ទំព័រ ​ទៅ​ក្នុង​គេហទំព័រ​របស់​អ្នក ដើម្បី​ឲ្យ​អ្នក​ដទៃ​បាន​ស្គាល់​អំពី Ubuntu និង ដឹង​អំពី​ថ្ងៃ​ដែល Ubuntu 11.04 Natty ដាក់​ចេញ​ឲ្យ​ប្រើ​ជា​សាធារណៈ និង ឥត​គិត​ថ្លៃ។ អាច​ចូល​ទៅ​រក​កូដ​ដាក់​បាន​នៅ​ក្នុង៖ http://www.ubuntu.com/community/countdown