moonOS Archive

របៀប​បន្ថែម​ពុម្ព​អក្សរ​ថ្មី​ថែម​ទៀត​ក្នុង Ubuntu

នៅ​ពេល​បច្ចុប្បន្ន​នេះ ឃើញ​ថា​ប្រជាជន​ខ្មែរ​មួយ​ចំនួន មាន​ការ​ពេញ​និយម​ប្រើ Linux ណាស់ ជា​ពិសេស​គឺ​ប្រព័ន្ធ​ប្រតិបត្តិការ Ubuntu និង moonOS។ ហើយ​មាន​បង​ប្អូន​មួយ​ចំនួន គាត់​ជា​អ្នក​ប្រើ​ប្រាស់​ថ្មី ដូច្នេះ​គាត់​មិន​សូវ​ជា​យល់​ច្បាស់​អំពី​វា​ប៉ុន្មាន​ទេ។ ខ្ញុំ​នឹង​សរសេរ​អត្ថបទ​អំពី​ការ​ប្រើ Ubuntu ដើម្បី​ឲ្យ​ពួក​គាត់​បាន​យល់​ច្បាស់ ហើយ​ម្យ៉ាង​ទៀត​គឺ​លើក​យក​មេរៀន​ដែល​ស្រួលៗ និង​ងាយយល់។ ចំពោះ​ការ​បន្ថែម​ពុម្ព​អក្សរ​ក្នុង Ubuntu មាន​អ្នក​បាន​សួរ​ខ្ញុំ​ច្រើន​ដែរ ដូច្នេះ​ខ្ញុំ​សម្រេច​ថា​លើក​យក​មក​សរសេរ​ជា​មេរៀន ដើម្បី​ងាយ​ស្រួល​ចំពោះ​អ្នក​ប្រើ​ប្រាស់ Linux ក្រោយៗ​ទៀត។ ដូច្នេះ ខ្ញុំ​នឹង​ធ្វើ​ការ​បង្ហាញ​នៅ​ខាង​ក្រោម​នេះ៖ ១. សូម​ចូល​ទៅ​កាន់​ថត /home (ដែល​ជា​ឈ្មោះ​សមាជិក​របស់​យើង [username]) ២. ចុច Ctrl+h ដើម្បី​ឲ្យ​បង្ហាញ​នូវ​ថត​កំបាំង។ ហើយ​រក​មើល​ថត​មួយ​ឈ្មោះ​ថា .fonts ។ បើ​មិន​ទាន់​មាន​ទេ អាច​បង្កើត​មួយ​បាន ៣. បន្ទាប់​មក​ចម្លង​ពុម្ព​អក្សរ​ដែល​អ្នក​ចង់​ដំឡើង​ទៅ​ក្នុង .fonts ជា​ការ​ស្រេច វិធី​មួយ​យ៉ាង​ទៀត ដោយ​មិន​បាច់​ប្រើ ctrl+h នោះ គ្រាន់​តែ​បើក​ចូល​ក្នុង​ថត home បន្ទាប់​មក​ចុច ctrl+l រួច​វាយ .fonts ជា​ការ​ស្រេច។

បើក​ឯកសារ Flash ក្នុង Ubuntu/moonOS

តាម​បទពិសោធន៍​ដែល​ខ្ញុំ​ធ្លាប់ជួប​កន្លង​មក នៅ​ក្នុង Ubuntu ដើម្បី​បើក​ឯកសារ Flash នោះ​យើង​ចាំ​បាច់​ត្រូវ​បើក​ជាមួយ​កម្មវិធី​រុករក​អ៊ីនធើណិត។ តែ​ខ្ញុំ​បាន​ស្រាវ​ជ្រាវ​ឃើញ​ឯកសារ​កម្មវិធី​មួយ ដែល​អាច​ឲ្យ​យើង​បើក​ឯកសារ Flash បាន​យ៉ាង​ល្អ ដូច​ពេល​បើក​ក្នុង​កម្មវិធី​រុករក​អ៊ីនធើណិត​ដែរ។ សូម​ទាញ​យក​ឯកសារ​កម្មវិធី​ពី ទីនេះ ទៅ។ ខ្ញុំ​នឹង​ប្រាប់​វិធី​ចំនួន​ពីរ ក្នុង​ការ​ប្រើ​ប្រាស់។ វិធី​ទី១ ១. ក្រោយ​ពី​ទាញ​យក សូម​ពន្លា​វា​ទៅ​ដាក់​ក្នុង​ថត​ឯកសារ​ណា​ដែល​អ្នក​ពេញ​ចិត្ត។ ២. ចុច​បើក​ឯកសារ​នោះ (ចុច​ពីរ​ដង) ហើយ​ចុច​លើ File -> Open ៣. រើស​យក​ឯកសារ .swf ដែល​អ្នក​ចង់​បើក ៤. ពេល​នោះ​អ្វីៗ​នឹង​ដំណើរ​ការ វិធី​ទី២ ក្នុង​វិធី​នេះ​យើង​ប្រើ​តាម​ក្បួន Open With ។ បើ​អ្នក​ធ្វើ​តាម​វិធី​នេះ នៅ​ពេល​បើក​ឯកសារ .swf ក្រោយៗ​ទៀត មិន​បាច់​បើក​កម្មវិធី flashplayer ហើយ​ចុច​លើ File -> Open ទៀត​ទេ។ ១. សូម​ចុច​ខាង​ស្ដាំលើ​ឯកសារ .swf ណា​មួយ ហើយ​រើស​យក Open

ដំឡើង LibreOffice ទៅ​ក្នុង Ubuntu ដោយ​ប្រើ apt-get

រហូត​មក​ទល់​ពេល​នេះ LibreOffice មិន​ទាន់​ត្រូវ​បាន​បញ្ចូល​ទៅ​ក្នុង​ថត​ទីតាំង (repository) នៅ​ឡើយ​ទេ ទោះ​បី​ជា​ឥឡូ​វ Ubuntu ចេញ​ដល់​កំណែ​ទី ១១.០៤ ក៏ដោយ។ ដូច្នេះ​ដើម្បី​ដំឡើង LibreOffice ដោយ​ប្រើ apt-get នោះ​យើង​អាច​ប្រើ ទីតាំង​ផ្ទុក​របស់ NW Linux។ សូម​អនុវត្ត​កូដ​ដូច​ខាង​ក្រោម៖ លុប OpenOffice.org (OOo) sudo apt-get remove openoffice*.* ដំឡើង LibreOffice សូម​បើក​បញ្ជី​ប្រភព​កម្មវិធី (source list) ដោយ​ប្រើ​កូដ៖ sudo gedit /etc/apt/sources.list ហើយ​ចម្លង deb http://libreoffice.nwlinux.us lucid main ទៅ​ដាក់​ក្នុង​នោះ។ ធ្វើ​បច្ចុប្បន្នកម្ម៖ sudo apt-get update បន្ថែម​សោរ៖ sudo apt-key adv –keyserver keyserver.ubuntu.com –recv-keys 1378B444 ដំឡើង៖ sudo apt-get install libreoffice-common

Command-line សំខាន់ៗរបស់ Ubuntu

ls – list contents of a directory sudo – “super-user do” (grants administrator rights) cd – change directory aptitude – APT package management system (update, install, remove, search) clear – clear screen chmod – change file access permissions chown – change file and group ownership cp – copy mv – move rm – remove cat

ពុម្ព​រូបរាង Faenza បាន​បន្ថែម​រូប​តំណាង LibreOffice និង UbuntuOne

ពុម្ព​រូបរាង Faenza កំណែ ០.៩.២ បាន​បន្ថែម​រូបតំណាង​ថ្មីៗ​ចូល​ថែម​ទៀត ដែល​មាន​ដូច​ជា​រូប​តំណាង LibreOffice និង UbuntuOne និង​រូប​តំណាង​ផ្សេងៗ​ទៀត។ Faenza គឺ​ជា​ពុម្ព​រូបរាង​ដ៏​មាន​ប្រជាប្រិយ​​ភាព​មួយ ដែល​មាន​ភ្ជាប់​មក​ជា​មួយ​នឹង​រូបតំណាង​ស្អាត បាន​ធ្វើ​ឲ្យអ្នក​ប្រើ​ប្រាស់​ទាំង​ឡាយ​មាន​ស្រស់​ស្រាយ​ជាមួយ​នឹង Faenza។ Faenza ត្រូវ​បាន​ដាក់​បញ្ចូល​ជា​ពុម្ព​រូបរាង លំនាំ​ដើម​សម្រាប់ Ubuntu 11.04 Natty និង moonOS ផង​ដែរ។ លោក​អ្នក​អាច​ទាញ​យក​ Faenza បាន​ដោយ​ឥត​គិត​ថ្លៃ។ របៀប​ដំឡើង សូម​បើក​ស្ថានីយ៍​បញ្ជា (Terminal) ហើយ​វាយ​ពាក្យ​បញ្ជា​ដូច​ខាង​ក្រោម៖ [bash] sudo add-apt-repository ppa:tiheum/equinox sudo apt-get update sudo apt-get install faenza-icon-theme [/bash]

GetDeb.net

GetDeb.net គឺ​ជា​គេហទំព័រ​មួយ​ដែល​ផ្ដល់​នូវ​រាល់​កម្មវិធី​កូដ​បើក​ចំហ និង ឥត​គិត​ថ្លៃ​ សម្រាប់​ប្រព័ន្ធ​ប្រតិបត្តិការ Ubuntu។ ហើយ​ទី​នោះ​ក៏​ជា​ទី​តាំង​ផ្ទុក (Repository) មួយ​ផង​ដែរ។ ហើយ​នៅ​ទី​នោះ​មាន​នូវ​កម្មវិធី​ល្អៗ​ជា​ច្រើន ដូច​ជា៖ ផ្នែក​អ៊ីនធឺណិត ផ្នែក​រចនា​រូប​ភាព ផ្នែកការ​អប់​រំ ផ្នែក​សោតទស្សន៍ ផ្នែក​ការិយាល័យ រដ្ឋបាល ផ្នែក​បង្កើត​កម្មវិធី​កុំព្យូទ័រ ផ្នែក​វិទ្យសាស្ត្រ ឧបករណ៍​ផ្សេងៗ ផ្នែក​វីដេអូ ហើយ​រាល់​កម្មវិធី​នៅ​ទី​នោះ មាន​រៀប​ចំ​សម្រាប់​កំណែ​នៃ Ubuntu និមួយៗ (ចាប់​ពី ៩.១០ ឡើង​ទៅ)។ ហើយ​យើង​ក៏​អាច​ធ្វើ​ការ​ដំឡើង​កម្មវិធី​ពី​គេហទំព័រ GetDeb.net តាម​រយៈ PPAs ក្នុង​មជ្ឈមណ្ឌល​កម្មវិធី​របស់ Ubuntu បាន​ផង​ដែរ។ ដូច្នេះ​យើង​នឹង​ទទួល​បាន​ភាព​ងាយ​ស្រួល​ដោយ​មិន​បាច់​បើក​គេហទំព័រ​នេះ​ទៀត​ទេ គឺ​គ្រាន​តែ​បើក​មជ្ឈមណ្ឌល​កម្មវិធី​របស់ Ubuntuមក កម្មវិធី​ដែល​មាន​នៅ​ក្នុង GetDeb.net នឹង​បង្ហាញ​នៅ​ក្នុង​នោះ។ សង្ឃឹម​ថា លោក​អ្នក​នឹង​ស្វែង​រក​បាន​នូវ​កម្មវិធី​ដែល​លោក​អ្នក​ចង់​បាន នៅ​ទី​នោះ។

Skype កំណែ 2.2 Beta សម្រាប់​លីនុច

  អីយ៉ា! រង់​ចាំ​យូរ​មក​ហើយ​ទើប​តែ​ចេញ​នូវ​កំណែ​ថ្មី​នេះ។ នៅ​ក្នុង​កំណែ​ថ្មី​នេះ បាន​បង្កើន​នូវ​គុណ​ភាព​សម្លេង, រូបភាព​វីដេអូ, ការ​និយាយ​ទូរស័ព្ទ​បាន​ច្រើន (multiple call) ដូច​នៅ​ពេល​អ្នក​កំពុង​តែ​និយាយ​ទូរស័ព្ទ​ជាមួយ​នឹង​នរណា​ម្នាក់ ស្រាប់​តែ​មាន​ការ​ហៅ​ចូល​ថ្មី​មក ដូច្នេះ​យើង​ក៏​អាច​លើក​ការ​ហៅ​ចូល​នោះ​ក៏​បាន​ដែរ, ឬ យើង​អាច​ផ្អាក​ការ​ហៅ​ទី​១ ហើយ​លើក​ការ​ហៅ​ទី២, ឬ អាច​ឲ្យ​ការ​ហៅ​ទី២ ចូល​និយាយ​ជាមួយ​នឹង​ការ​ហៅ​ទី១​បាន​ផង​ដែរ។

វចនានុក្រម​អេឡិច​ត្រូនិក​ខ្មែរ ចេញ​ដល់​កំណែ​២.១ ហើយ

នៅ​ពេល​នេះ វចនានុក្រម​អេឡិចត្រូនិក​ខ្មែរ បាន​ចេញ​ដល់​កំណែ​ទី ២.១ ហើយ។ កំណែ​ថ្មី​នេះ​ពុំ​មាន​បន្ថែមនូវ​ពាក្យ​អ្វី​នោះ​ទេ គឺ​គេ​ធ្វើ​វា​ឡើង​ដើម្បី​ឲ្យ​អាច​ដំណើរ​ការ​ជាមួយ​កុំព្យូទ័រ​ប្រភេទ ៦៤ប៊ីត និង​នៅ​តាម​ប្រព័ន្ធ​ប្រតិបត្តិការ​ផ្សេងៗ​ទៀត​ដូច​ជា Linux ជា​ដើម។ ហើយ​កំណែ​ថ្មី​នេះ ត្រូវ​បាន​សរសេរ​ឡើង​ដោយ​ប្រើ​ភាសា Java ដូច្នេះ​ប្រសិន​បើ​អ្នក​ចង់​ប្រើ ត្រូវ​ប្រាកដ​ថា​ប្រព័ន្ធ​ប្រតិបត្តិការ​របស់​អ្នក​មាន​ដំឡើង Sun Java Runtime។ ខ្ញុំ​បាន​សាក​ល្បង​ដំណើរ​ការ​កម្មវិធី​នេះ​ជាមួយ moonOS រួច​មក​ហើយ គឺ​ថា​វា​ដំណើរ​ការ​បាន​ស្រួល តែ​ពុំ​សូវ​ជា​លឿន​ប៉ុន្មាន​នោះទេ។ យើង​អាច​ទាញ​យក​ទៅ​ប្រើ​បាន​តាម​រយៈ​តំណ​ភ្ជាប់​ខាង​ក្រោម​នេះ៖ ទាញ​យក http://www.box.net/shared/4d50v7doa4 (ប្រសិន​បើ​អ្នក​មាន​ដំឡើង Java រួច) http://www.box.net/shared/8mrhncoul4 (ប្រសិន​បើ​អ្នក​មិន​ទាន់​មាន​ដំឡើង Java) របៀប​ដំឡើង ប្រសិន​បើ​អ្នក​ប្រើ Windows ហើយ​មិន​ទាន់​មាន​ដំឡើង Java នោះ​សូម​ចុច​លើ​តំណ​ភ្ជាប់​ទី​២ ដែល​នៅ​ក្នុង​នោះ​មាន​ឯកសារ​សម្រាប់​ដំឡើង Java ស្រាប់​ហើយ។ ចំណែក​ឯ​អ្នក​ប្រើ លីនុច មួយ​ចំនួន​ដូច​ជា Ubuntu, moonOS ជា​ដើម យើង​ចាំ​បាច់​ត្រូវ​ដំឡើង​វា​ពី​មជ្ឈមណ្ឌល​កម្មវិធី។ សូម​បើក​មជ្ឈមណ្ឌល​កម្មវិធី បន្ទាប់​មក​វាយ​ពាក្យរក “sun java runtime” បន្ទាប់​មក​វា​នឹង​បង្ហាញ​លទ្ធផល​ប្រហែល​៣​ប៉ុណ្ណោះ