moonOS Archive

TiltShiftGenerator កម្មវិធី​បន្ថែម​ភាព​ព្រិល​ទៅ​លើ​រូប

មាន​កម្មវិធី​កែ​សម្រួល​រូប​ភាព​ជា​ច្រើន ដែល​ដាក់​ឲ្យ​ប្រើ​ដោយ​សេរី តែ​កម្មវិធី​ទាំង​នោះ ភាគ​ច្រើនមាន​ត្រឹម​តែ​ការ​បន្ថែម​សភាព (effect) sepia, emboss, sketch ជាដើមប៉ុណ្ណោះ។ TiltShiftGenerator គឺ​ជា​កម្មវិធី​កែ​សម្រួល​រូប​ភាព​មួយ ដែល​អាច​ដាក់​នូវ​ភាព​ព្រិល ទៅ​លើ​ផ្នែក​ណា​មួយ (ជុំវិញ, សងខាង) នៃ​រូប​ភាព។ អ្នក​អាច​ប្រើ​កម្មវិធី​នេះ​ដោយ​ឥត​គិត​ថ្លៃ​នៅ​លើ កុំព្យូទ័រ និង ទូរស័ព្ទ iPhone។ អ្នក​អាច​ប្រើ​កម្មវិធី​នេះ​បាន លុះ​ត្រា​អ្នក​បាន​ដំឡើង Adobe Air ជា​មុន​សិន។ កម្មវិធី​នេះ​អាច​ប្រើ​បាន​នៅ​លើ​ប្រព័ន្ធ​ប្រតិបត្តិការកុំព្យូទ័រ​ទាំង​បី​គឺ៖ Windows, Linux, Mac OS ។ នៅ​ក្នុង​កម្មវិធី​នោះ​អ្នក​អាច​កែ​សម្រួល​បាន​ដូច​ជា៖ បន្ថែម​ភាព​ព្រិល​ជា​រង្វង់​ជុំ​វិញ​ផ្នែក​ណា​មួយ​នៃ​រូប (Radial) បន្ថែម​ភាព​ព្រឹល​ជា​បន្ទាត់​បណ្ដោយ លើ​ផ្នែក​ណា​មួយ​នៃ​រូប (Linear) Saturation Contrast គុណភាព (Quality) ហើយ​គ្រប់​រូប​ភាព​ត្រូវ​បាន​រក្សា​ទុក​ជា​ប្រភេទ JPEG។ បើ​អ្នក​ចង់​កែ​សម្រួល​លើ​រូប​ភាព​របស់​អ្នក​នោះ ជា​ដំបូង​គ្រាន់​តែ​ចុច​លើ​ប៊ូតុង​ក្រហម​ដែល​មាន​ពាក្យ​ថា “Open” បន្ទាប់​មក​រើស​យក​រូប​ភាព​ណា​មួយ​ដែល​អ្នក​ពេញ​ចិត្ត​នឹង​កែ​សម្រួល។ បន្ទាប់​ពី​បញ្ចប់​កិច្ច​ការ​ហើយ ចុច​លើ​ប៊ូតុង​ក្រហម​មាន​ពាក្យ​ថា “Save” ដើម្បី​រក្សា​ទុក​រូប​ភាព​នោះ។ ទាញ​យក TiltShiftGenerator [AdditiveTips]

Script សម្រាប់​បម្លែង​រូប​ភាព​នៅ​ក្នុង Nautilus

Nautilus គឺ​ជា​កម្មវិធី​គ្រប់​គ្រង​ថត​ឯកសារ មួយ​យ៉ាង​សំខាន់​សម្រាប់​ប្រើ​នៅ​លើ Linux Distribution ដែល​ជ្រើស​រើស​យក GNOME ធ្វើ​ជា​រូបរាង​អេក្រង់​ខាង​មុខ​លំនាំ​ដើម (Default Desktop Environment) ដូច​ជា៖ Ubuntu, moonOS, Fedora….។ តែ​ការ​លក្ខណៈ​របស់​វា​មិន​ទាន់​មាន​ភាព​ពេញ​លេញ​ឡើយ។ តួយ៉ាង​ដូច​ជា​ការ​បម្លែង​រូប​ភាព​ច្រើន​ក្នុង​ពេល​តែ​មួយ​ជា​ដើម, នៅ​ក្នុង Windows យើង​អាច​ធ្វើ​ការ​បម្លែង​បានយ៉ាង​ងាយ​ស្រួល នៅ​ក្នុង Windows Explorer ក្រោយ​ពេល​ដំឡើងរួច។ តែ​សម្រាប់ Nautilus វិញ​យើង​ត្រូវ​ការ​ដំឡើង Script មួយ​ផង​ដែរ សម្រាប់​បម្លែង​រូប​ច្រើន​ក្នុង​ពេល​តែ​មួយ។ ហើយ​ Script នេះ​ពិត​ជា​ប្រយោជន៍​ច្រើន​មែន។ ដូច្នេះ​ដើម្បី​កុំ​ឲ្យ​ចាំ​យូរ សូម​អនុវត្ត​តាម​ខាង​ក្រោម៖ ១. សូម​បើក​ស្ថានីយ​បញ្ជា (Terminal) ហើយ​វាយ​ពាក្យ​បញ្ជា៖ sudo apt-get install nautilus-image-converter ២. បន្ទាប់​មក​សូវ​ភ្ជាប់​ចេញ (Logout) ៣. នៅ​ពេល​អ្នក​ចូល​មក​ម្ដង​ទៀត សូម​បើក Nautilus ហើយចុច​ចង្អុល​ស្ដាំ​លើ​រូប​ណា​មួយ​នោះ​អ្នក​នឹង​ទទួល​បាន​ជម្រើស​ថ្មី​ចំនួន​ពីរ​ទៀត​គឺ Resize Images Rotate Images នៅ​ពេល​នេះ​អ្នក​អាច​ធ្វើ​ការ​ប្ដូរ​ទំហំ​រូប​ភាពបាន​ច្រើន​ក្នុង​ពេល​តែ​មួយ​ហើយ

Firefox 5 Beta Ubuntu PPA

នៅ​ពេល​នេះ​អ្នក​អាច​ធ្វើ​ការ​ទាញ​យក Firefox 5 Beta តាម​រយៈ​ទីតាំង​ផ្ទុក PPA មួយ​ឈ្មោះ​ថា Firefox-Next ដែល​ទីតាំង​នេះ ផ្ដល់​តែ​កំណែ Beta តែ​ប៉ុណ្ណោះ។ សូម​ប្រតិបត្តិ​ពាក្យ​បញ្ជា​ខាង​ក្រោម ដើម្បី​ដំឡើង៖ ១. sudo add-apt-repository ppa:mozillateam/firefox-next ២. sudo apt-get update ៣. sudo apt-get install firefox លោក​អ្នក​អាច​នឹង​ងាយ​រក​ឃើញ​នូវ​កំហុស (Bug) មួយ​ចំនួនក្នុង​កំណែ​សាក​ល្បង​មួយ​នេះ ហើយ​អ្នក​អាច​ធ្វើ​ការ​រាយការ​បាន​នៅ ទីនេះ។ ប្រភព​ដើម៖ http://www.webupd8.org/2011/05/firefox-5-beta-channel-ubuntu-ppa.html

ចម្លង​ឯកសារពី Ubuntu មកដាក់ក្នុង Windows ដោយប្រើ Ext2explore នៅក្នុង Windows 7

យើងបានដំឡើងប្រព័ន្ធប្រតិបត្តិការពីរ គឺ Ubuntu និង Windows ហើយយើងចង់ចម្លង​ឯកសារពី Ubuntu មកដាក់ក្នុង Windows ដោយកំពុងប្រើ Windows 7 ប៉ុន្តែមិនអាចនោះ ដោយសារ Windows 7 មិនអាចមើលឃើញ Drive និង File System របស់ Ubuntu ទេ ដូច្នេះ យើងអាចប្រើកម្មវិធីមួយគឺ Ext2explore។ សូមដំឡើកម្មវិធី Ext2explore ។ រួចបើកកម្មវិធី Ex2Explore របៀបចម្លងឯកសារនៅក្នុងកម្មវិធី Ex2Explore សូមជ្រើសរើសទីតាំងដែលចង់ចម្លងឯកសារ ដូចឧទាហរណ៍ខាងលើ រួចចុច Save វានឹងផ្ទាំងមួយដូចខាងក្រោម កំណត់ទីតាំងដែលត្រូវរក្សាទុក ហើយចុច Save ជាការស្រេច ។

ចង់​កែ​សម្រួល​ឯកសារ​ប្រព័ន្ធក្នុង Ubuntu? (File System)

Ubuntu ប្រើ​នូវ​កម្មវិធីមួយ​ឈ្មោះ Nautilus សម្រាប់​ធ្វើ​ការ​រុក​រក ស្រាវ​ជ្រាវ ឯកសារ​នានា​ដែល​មាន​នៅ​ក្នុង​ថាស​រឹង (Hard Disk) របស់​អ្នក។ នៅ​ពេល​យើង​បើក​កម្មវិធី​នេះ​ឡើង មើល​ទៅ​ផ្នែក​ខាង​ស្ដាំ យើង​នឹង​ឃើញ​ថត​មួយ​ឈ្មោះ​ថា “File System”។ យើង​អាច​ចូល​មើល​ក្នុង​ថត​នោះ​បាន ក៏​ប៉ុន្តែ​យើង​មិន​អាច​ធ្វើ​ការ​កែ​សម្រួល​ក្នុង​ថត​នោះ​បាន​ទេ។ ដូច្នេះ​តើ​ធ្វើ​ដូចម្ដេច​ដើម្បី​ចូល​កែ​សម្រួល​បាន​ទៅ? យើង​ត្រូវ​ប្រើ​ពាក្យ​បញ្ជា (command line) មួយ​គឺ gksu ។ សូម​អនុវត្ត​តាម​ខាង​ក្រោម៖ ១. សូម​ចុច alt+f2 ហើយ​វាយ “gksu nautilus” ២. សូម​វាយ​ពាក្យ​សម្ងាត់ ៣. នៅ​ពេល​នេះ​អ្នក​អាច​ប្រើ​ប្រាស់​ថត File System បាន​ហើយ។ អ្នក​អាច​កែ​សម្រួល​បាន​តាម​ចិត្ត។ តែ​កុំ​ចេះ​តែ​លុប ឬ កែ​អី​ណា ប្រយ័ត្ន​ប្រព័ន្ធ​ទាំង​មូល​លែង​ដើរ។ អាន​ផង​ដែរ៖ Command-line សំខាន់ៗរបស់ Ubuntu

អក្សរ​ខ្មែរ​ក្នុង Google Chrome/Chroimum លើ Ubuntu មាន​បញ្ហា​ឬ?

កម្មវិធី​បើក​គេហទំព័រ Google Chrome និង Chromium ជា​កម្មវិធី​ដែល​ត្រូវ​បាន​អភិវឌ្ឍ​ដោយក្រុម​ហ៊ុន Google ហើយ​ត្រូវ​បាន​ដាក់​ឲ្យ​ប្រើ​ប្រាស់​ដោយ​សេរី យ៉ាង​ទូលំទូលាយ។ ហើយ​កម្មវិធី​នេះ​ទៀត​សោត មាន​ដំណើរ​ការ​នៅ​លើ MacOSX, Windows និង Linux។ ឃើញ​ថា​អក្សរ​ខ្មែរ​ដើរ​យ៉ាង​ល្អ​ក្នុង Google Chrome/Chromium ទាំង​ក្នុង MacOSX និង Windows។ តែ​ចម្លែក​តែ​ក្នុង Linux (ដូច​ជា Ubuntu ជា​ដើម) តើ​ហេតុ​អី​បាន​ជា​ដើរ​អក្សរ​ខ្មែរ​មិន​ស្រួល? នៅ​ក្នុង​កម្មវិធី​បើក​គេហទំព័រ​និមួយៗ គេ​បាន​បង្កើត​ប្រព័ន្ធ​បង្ហាញ​ពុម្ព​អក្សរ (អង់គ្លេស Font Rendering) រៀងៗខ្លួន ទាំង Firefox, Opera, Safari, Google Chrome/Chroimum។ ដូច្នេះ​ដើម្បី​ដោះ​ស្រាយ​បញ្ហា​នេះ ខ្ញុំ​សូម​ឲ្យ​អ្នក​រាល់​គ្នា​ដំឡើង​ពុម្ព​អក្សរ Hanuman ដែល​ជា​ពុម្ព​អក្សរ​បង្កើត​ដោយ​លោក​ពូ ដាញ់ ហុង ហើយ​បាន​ដាក់​ឲ្យ​ប្រើ​មុន​ដំបូង​គេ​ក្នុង Google Font API ខ្មែរ។ សូម​ចុច​ទាញ​​យក​ពុម្ព​អក្សរ Hanuman នៅ​ទីនេះ។ បន្ទាប់​ពី​ដំឡើង​រួច​សូម​បើក​កម្មវិធី

WineHQ

WineHQ គឺ​ជា​កម្មវិធី​មួយ​ដែល​ដំណើរ​ការ​នៅ​លើ​ប្រព័ន្ធ​ប្រតិបត្តិការ Linux, BSD, Solaris, Mac OS X។ ហើយ​មាន​សមត្ថភាព​អាច​ដំណើរ​ការ​កម្មវិធី​របស់​ប្រព័ន្ធ​ប្រតិបត្តិការ Windows នៅ​លើ Linux, BSD, Solaris, Mac OS X បាន​តែ​ម្ដង។ តែ​ទោះ​ជា​យ៉ាង​ណា ក៏​មិន​អាច​ដំណើរ​ការ​បាន​គ្រប់​កម្មវិធី​ដែរ ព្រោះ WineHQ ពេល​ដំឡើងភ្លាម​មក​មិន​បាន​ភ្ជាប់​នូវ​បណ្ណាល័យ​កូដ មក​គ្រប់​ឡើយ។ តែ​យ៉ាង​ណា WineHQ បាន​បង្កើត​ទំព័រ​មួយ​សម្រាប់​បង្ហាញ​ពី​ឈ្មោះ​កម្មវិធី​ដែល​អាច​ដំណើរ​ការ​បាន។ សូម​ចូល ទីនេះ ដើម្បី​មើល​ថា តើ​កម្មវិធី​ណា​ខ្លះ​ដែល​អាច​ដំណើរ​ការ​ជាមួយ Wine បាន​ស្រួល។ តែ​បើ​យើង​ប្រើ​កម្មវិធី​តាម Wine មាន​ល្បឿន​យឺត មិន​មាន​ល្បឿន​លឿន​ដូច​យើង​ប្រើ​នៅ​លើ Windows ផ្ទាល់​ឡើយ។ ដើម្បី​ដំឡើង​សូម​ចូល​ទៅ​កាន់ ទីនេះ ។ នៅ​ទំព័រ​នោះ​អ្នក​អាច​រក​ការ​ដំឡើង​សម្រាប់ Ubuntu, OpenSUSE, Solaris, BSD និង​ប្រព័ន្ធ​ផ្សេងៗ​ទៀត​បាន។

រូបរាង​គេហទំព័រ​នៅ​ពេល​ខាង​មុខ​របស់ moonOS

នៅ​ពេល​ថ្មីៗ​នេះ​ខ្ញុំ​បាន​រចនា​នូវ​រូបរាង​គេហទំព័រ​ថ្មី​របស់ moonOS ដែល​នឹង​ដាក់ប្រើ​ពេញ​លេញ​នៅ​ពេល​ខាង​មុខ។ ហើយ​នេះ​ជា​ការ​បង្កើត​ដោយ​ស្ម័គ្រ​ចិត្ត។ ចូល​មើល៖ http://moonos-demo.it4ug.net/