moonOS Archive

របៀបដំឡើង Keyboard Layout ខ្មែរយូនីកូដលើ Ubuntu 11.10

យើង​ធ្លាប់​បាន​បង្ហាញ អំពីរបៀបបន្ថែម Keyboard Khmer Unicode លើ moonOS/ Ubuntu 11.04 ពេលនេះ​យើង​និង​បង្ហាញ របៀបដំឡើង Keyboard Layout ខ្មែរយូនីកូដលើ Ubuntu 11.10 ៖ របៀបអនុវត្តន៍៖ ចុចលើ Turn Off Menu > System setting > Keyboard Layout ៖ នេះនឹងចេញផ្ទាំងដូចខាង​ក្រោម៖ សូមចុចលើប៊ូតុងរូបសញ្ញា + នៅខាង​ឆ្វេង​ផ្នែកខាង​ក្រោម៖ សូមជ្រើសរើស Keyboard ដោយគ្រន់តែវាយពាក្យ Khmer នៅប្រអប់ស្វែងរក ឬអ្នកស្វែងរកដោយផ្ទាល់ នៃ Keyboard Khmer : Khmer (Cambodia ) រួច​ហើយ​ចុច​លើ ប៊ូតុង Add ការតំណត់​បញ្ជាកាត់ (Short Cut)៖ ដូចខាងក្រោមមាន keyboard Layout

ទាញ​យក​កញ្ចប់​រូបភាព​ខាងក្រោយរបស់ moonOS 4

ដូចយើង​បានដឹងថា moonOS ជាប្រព័ន្ធ​ប្រតិបត្តិការណ៍​នៃខ្សែ​ស្រលាយ Linux ។ moonOS ជាប្រព័ន្ធ​ប្រតិបត្តិការណ៍ដែល​មាន ធឹម ច៍ន្ធឬទ្ថី ជាស្ថាប​និក​ដែល​ជាកូនខ្មែរដំបូងគេបង្អស់​ដែល​បានធ្វើវាឡើង ហើយ​ moonOS មកដល់ពេលនេះ​មាន ៤ ជំនាន់ហើយ ជំនាន់ចុងក្រោយ​គឺ moonOS 4 Neak ហើយ​ខាង​មុនឆាប់នេះ​ ធឹម ច័ន្ធឬទ្ធី និងចេញ moonOS 5 ។ ខាងក្រោមនេះជារូបផ្ទៃខាងក្រោយ​របស់ moonOS 4 ហើយអ្នកក៏អាច​ទាញ​យក​ទៅដាក់លើកុំព្យូទ័រអ្នកដែរ ៖ ទាញយករូបភាពទាំងអស់ ទីនេះ moonOS 4Wallpaper

GNOME 3.2 ត្រូវ​បាន​ចេញ​ផ្សាយ

GNOME គឺ​ជា​រូបរាង​អេក្រង់​ខាង​មុខ (Desktop Environment) ដែល​ត្រូវ​បាន​ដាក់​ឲ្យ​ប្រើ​បាន​យ៉ាង​ទូលាយ​នៅ​ក្នុង​ប្រព័ន្ធ​ប្រតិបត្តិការ​លីនុច​មួយ​ចំនួន​​ធំ ដូច​ជា Ubuntu, moonOS, Fedora ជាដើម។ ហើយ​នៅ​ពេល​ថ្មីៗ​នេះ GNOME បាន​ផ្សាយ​កំណែ​ថ្មី​របស់​ខ្លួន​គឺ កំណែ​៣.២។ តើ​ក្នុង​កំណែ​ថ្មី​នេះ មាន​លក្ខណៈ​ពិសេស​អ្វី​ខ្លះ​ទៅ? តើ​មាន​អ្វី​ថ្មី​នៅ​ក្នុង GNOME 3.2? -គណនី​លើ​បណ្ដាញ (Online Account): ជា​ទី​កន្លែង​មួយ​ដែល​អ្នក​អាច​គ្រប់​គ្រង​គណនី​នៅ​លើ​បណ្ដាញ​អ៊ីនធ័រណិត។ ក្នុង​នោះ​រួម​មាន​ដូច​ជា Google Mail, ប្រតិទិន, បញ្ជី​ឈ្មោះ​ទាក់​ទង (Contacts), ការ​ជជែក, និង សំណុំ​ឯកសារ (Documents) ដែល​មាន​ភ្ជាប់​មក​ជាមួយ GNOME 3.2 UI។ -GNOME សំណុំ​ឯកសារ (GNOME Documents): សំណុំ​ឯកសារ (Documents) ជា​ផ្នែក​ថ្មី​មួយ​របស់ GNOME ដែល​អនុញ្ញាត​ឲ្យ​អ្នក​អាច​គ្រប់​គ្រង​ឯកសារ​អត្ថបទ​នានា​របស់​អ្នក ទាំង​នៅ​លើ​អ៊ីនធ័រណិត (ដូច​ជា Google Docs) និង​ក្នុង​កុំព្យូទ័រ។ -GNOME បញ្ជី​ឈ្មោះ​ទំនាក់​ទំនង (GNOME Contacts):

ល្បែង​កម្សាន្ត៖ 0 A.D ចេញ​កំណែ​ថ្មី ០.៧

0 A.D គឺ​ជា​ប្រភេទ​ល្បែង​កម្សាន្ត​ម្យ៉ាង ដែល​យើង​លេង​ក្នុង​ការ​បញ្ជា​ទ័ព។ ល្បែង​នេះ​មាន​ភាព​ប្រហាក់​ប្រហែល​ទៅ​នឹង Age Of Empire ដែរ តែ​ល្បែង​នេះ​មិន​មែន​លេង​បាន​តែ​ត្រឹម​ក្នុង Windows ប៉ុណ្ណោះទេ តែ​អាច​លេង​បាន​ទាំង​៣ប្រព័ន្ធ​ប្រតិបត្តិការ​ដូច​ជា៖ Linux, Mac OS, Windows។ ល្បែង​នេះ​ជា​ល្បែង​កូដ​បើក​ចំហ (Open Source) ដែល​អ្នក​អាច​ទាញ​យក​កូដ​ដើម​ទៅ​មើល ឬ សរសេរ​បន្ថែម​ពី​លើ​ទៀត​បើ​អ្នក​អាច​ធ្វើ​បាន។ ហើយ​អ្នក​ក៏​អាច​លេង​ហ្គេម​នេះ​បាន​ដោយ​គិត​ប្រាក់​ដែរ។ លក្ខណៈ​ពិសេស​នៃ​ល្បែង​នេះ ក្នុង​ល្បែង​នេះ​មាន​ក្រុមអារ្យធម៌ ៦ ផ្សេងៗ​ពីគ្នា ធ្វើ​ឡើង​ដោយ​ផ្អែក​លើ​ប្រវត្តិសាស្ត្រ​ពិត មាន​ចែក​ជា​ខែត្រ និង​តំបន់ មាន​កង​ទ័ព​ជើង​ទឹក និង​ជើង​គោក អាច​លេង​បាន​ច្រើន​គ្នា ជា​ប្រភេទ​ល្បែងរូបរាង 3D ស្អាត អាច​លេង​បាន​លើ​ប្រព័ន្ធ​ប្រតិបត្តិការ​ទាំង​៣ ម្យ៉ាង​វិញទៀត នា​ពេល​ថ្មីៗ​នេះ​ផ្នែក​ស្ថាបនិក​បាន​ចេញ​ផ្សាយ​ឲ្យ​ដឹង​ថា ល្បែង 0 A.D បាន​ចេញ​ដល់​កំណែ ០.៧ ហើយ​ថែម​ទាំង​បាន​ផ្លាស់​ប្ដូរ​រូបរាង​ម៉ឺនុយ​ថ្មី, មាន​ថែម​ផែន​ទីថ្មី, ថែម​សម្លេង​ថ្មី, មាន​បន្ថែម​ក្រុម​អារ្យធម៌​ថ្មី​ឈ្មោះ Carthaginian, ។ល។ រូប​ភាព​នៃ​ក្រុម​អារ្យធម៌​ថ្មី ទាញ​យក​ អ្នក​អាច​ធ្វើ​ការ​ទាញ​យក​ល្បែង​នេះ​បាន​តាម​រយៈ http://wildfiregames.com/0ad/ ។ ចំណែក​អ្នក​ប្រើ Ubuntu

របៀប​ចែករំលែក Wi-Fi Connection ជាមួយម៉ាស៊ីនដែលគ្មាន Wi-Fi Card [Ubunu/moonOS]

ពេលខ្លះអ្នក​ចង់​ចែក​រំលែក​ អ៊ីនធឺណិត​អោយមិត្ត​ភ័ក្រ តែមិត្តភ័កអ្នក​គ្មាន WiFi Card ដូចនេះ ព្រឹកនេះ​យើង​បានលើក​យកអត្ថ​បទមួយ ស្ដី​អំពី របៀប​ចែករំលែក Wi-Fi Connection ជាមួយម៉ាស៊ីនដែលគ្មាន Wi-Fi Card ដែលអាច​អោយ​អ្នក​អាចចែករំលែក​អ៊ីនធឺណិត​អោយមិត្តភ័ក្រ​អ្នក​បានយ៉ាងស្រួល ។ ខាងក្រោម​នេះជា​របៀប​នៃ​ការ​អនុវត្តន៍​៖ សូមចុចលើ connection icon នៅលើ system tray ហើយជ្រើសរើស Edit Connections (មើលរូប) សូមចុច​លើ Wired tab ហើយរើសយក Auto eth0 រួចចុចប៊ូតុង Edit ត្រង់ IPv4 Settings tab សូមជ្រើសរើស Share to other computersហើយចុច Apply (មើលរូប ) អ្នក​ពិតជាអាចចែក​រំលែកពីកំព្យូទ័រដែលមានភ្ជាប់ Wi-Fi អាចភ្ជាប់​ទៅម៉ាស៊ីន ដែលប្រើ ប្រើLAN cable បានយ៉ាង​ប្រើសើរ [addictivetips]

របៀបបន្ថែម Keyboard ខ្មែរយូនីកូដក្នុង Ubuntu/ moonOS

នៅក្នុង Ubuntu និង moonOS បានភ្ជាប់ជាមួយខ្មែរយូនីកូដស្រាប់មកតែម្ដង ដើម្បីសរសេខ្មែរយូនីកូដបាន​យើង​គ្រាន់​តែ បន្ថែម Keyboard ជាកាស្រេច ខាងក្រោមនេះ​ជារបៀប​នៃការបន្ដែម​ Keyboard ខ្មែរយូនីកូដក្នុង Ubuntu/ moonOS ៖ សូមចូលទៅក្នុងទីតាំង System Menu > Preference > Keyboard > Layout បន្ទាប់មកចុចលើ Add រូចចេញផ្ទាំងដូចខាងក្រោមរួចត្រង់កន្លែង Country រើសយក Cambodia ដើម្បីងាយស្រួលក្នុងប្ដូរ Keyboard សរសេរខ្មែរនិងអង់គ្លេសសូមកំណត់ដូចខាងក្រោម៖ ចូលទៅ System Menu > Preference > Keyboard > Layout សូមចុចលើប៊ូតុង Option នោះចេញផ្ទាំងដូចខាងក្រោម៖ ត្រង់កន្លែង ” Key(s) to Change layout សូមជ្រើរើស Key បញ្ញា ឧទាហរណ៍៖ រើស​យក Alt+Shift

អីយ៉ា! អក្សរ​យូនីកូដ​ខ្មែរ​ថ្មី​ចេញ​ទៀត​ហើយ មាន​ឈ្មោះ​ថា ខ្មែរ​ទូរគមនាគមន៍

ពុម្ព​អក្សរ​នេះ ខ្ញុំ​បាន​ប្រើ​កម្មវិធី Font Forge ដើម្បី​គូរ​រាល់​អក្សរ​ទាំង​ឡាយ​ឡើង កម្មវិធី​នោះ​ប្រើ​ដោយ​ឥត​គិត​ថ្លៃ ហើយ​មាន​ដំណើរ​ការ​បាន​យ៉ាង​ល្អ​នៅ​លើ Linux (រាល់​ថ្ងៃ​ខ្ញុំ​ប្រើលើ moonOS) ។ ដូច្នេះ​អក្សរ​នេះ​ជា​អក្សរ​ចែក​ជូន​ដោយ​ឥត​គិត​ប្រាក់ ចឹង​ប្រើ​កម្មវិធី​ឥត​គិត​ប្រាក់​ថែម​ទៀត​ទៅ រឹត​តែ​ប្រសើរ។ មូល​ហេតុ​ដែល​ខ្ញុំ​ធ្វើ និង​ដាក់​ឈ្មោះ ពុម្ព​អក្សរ​មួយ​នេះ រូបរាង​នៃ​អក្សរ​នេះ​ខ្ញុំ​បាន​ប្រទះ​ឃើញ​ដំបូង​នៅ​ក្នុង​ខិតប័ណ្ណ​មួយ កាល​ពី​ឆ្នាំ​១៩៦៣ ស្ដី​ពី​ប្រៃសណីយ៍​និង​ទូរគមនាគមន៍។ ដោយ​ហេតុ​ឃើញ​ថា​អក្សរ​នោះ​ងាយ​ស្រួល​ធ្វើ ហើយ​មាន​រូប​រាង​ស្អាត​ផង​នោះ ខ្ញូំ​ក៏​បាន​សម្រេច​ចិត្ត​ថា​ត្រូវ​ធ្វើ​អក្សរ​នេះ​ឲ្យ​បាន​រួច។ ចំណែក​ឈ្មោះ​វិញ​នោះ ខ្ញុំ​គិត​ថា​ខ្ញូំ​យក​ចេញ​ពី​ខិត​ប័ណ្ណ​នោះ ដូច្នេះ​ដាក់​ថា ខ្មែរ​ទូរគមនាគមន៍ បែប​នេះ​តែ​ម្ដង​ទៅ ឈ្មោះ​នេះ​ក៏​ល្អ​ម្យ៉ាង​ដែរ។ ដំណើរ​ការ​បង្កើត​ពុម្ព​អក្សរ ពុម្ព​អក្សរ​នេះ​ខ្ញុំ​បាន​ចំណាយ​ពេល​ជាង​១សប្ដាហ៍​ដើម្បី​ធ្វើ​ឲ្យ​បាន​ចប់​រួច​រាល់។ ខ្ញុំ​ក៏​មិន​បាន​ធ្វើ​ពេញៗ​មួយ​ថ្ងៃ​ដែរ ធ្វើ​ពេល​ខ្លះ​បាន ២ម៉ោង ពេល​ខ្លះ​បាន ៤ ទៅ ៦ ម៉ោង​ជា​ដើម។ ហើយ​ចំពោះ​ការ​រចនា​ពុម្ព​អក្សរ​វិញ​នោះ នៅ​ក្នុង​រូប​ដើម​មាន​អក្សរ​ត្រឹម​តែ​ប្រហែល ១០%​ប៉ុណ្ណោះ ដូច្នេះ​៩០% ខ្ញុំ​ត្រូវ​តែ​រិះគិត​ច្នៃ​ប្រឌិត​ឡើង​វិញ​ទាំង​អស់។ ហើយ​អក្សរ​ដើម​ដែល​មាន​ប្រហែល ១០%​នោះ ខ្ញុំ​ក៏​បាន​យក​មក​កែ​ច្នៃ​ថែម​ឡើង​វិញ​ដែរ ព្រោះ​អក្សរ​ដើម​គេ​នោះ មិន​ស្មើ​សាច់​គ្នា​ទេ។ ដូច្នេះ​ទោះ​បី​ជា​យក​គម្រូ​ពី​អក្សរ​ពី​ដើម​មក​ធ្វើ​មែន តែ​ក៏​ប្រឈម​មុខ​នឹង​បញ្ហា​មួយ​ចំនួន​ដែរ ព្រោះ​យើង​មិន​អាច​ថា​អក្សរ​ពីដើម​មាន​គ្រប់​តួ​ឡើយ អក្សរ​ខ្លះ​មាន​តែ​បីបួន​តួ ហើយ​ត្រូវ​យក​មក​គិត​ច្នៃ​ប្រឌិត​បន្ថែម​ទៀត​ឲ្យ​មាន​ភាព​ប្រហាក់​ប្រហែល​គ្នា។ ពុម្ព​អក្សរ​នេះ​ខ្ញុំ​បាន​ធ្វើ​រួច​កាល​ពី​ល្ងាច​ថ្ងៃ ៣០

គន្លឹះ​ខ្លីៗ៖ លាក់​ឯកសារ ឬ​ថត​ឯកសារ នៅ​ក្នុង Ubuntu

នៅ​ក្នុង Windows មាន​វិធី​លាក់​ឯកសារ ឬ​ថត​ឯកសារ​ណា​មួយ​ដោយ​គ្រាន់​តែ​ចុច​ស្ដាំ​លើ​ឯកសារ​នោះ ហើយ​រើស​យក Properties -> ក្នុង​ផ្ទាំង General -> ធីក​លើ​ប្រអប់ Hidden តែ​ចំណែក​ឯ​នៅ​ក្នុង Ubuntu វិញ មិន​មាន​ការ​ធ្វើ​ដោយ​ចុច​លើ Properties អ្វី​ឡើយ។ ដូច្នេះ​ថ្ងៃ​នេះ IT4U សូម​នាំ​យក​គន្លឹះ​ខ្លីៗ​ទាក់​ទង​នឹង Ubuntu មក​បង្ហាញ​អ្នក​ទាំង​អស់​គ្នា។ ដើម្បី​លាក់​ឯកសារ ឬ​ថត​ឯកសារ​ណា​មួយ​នោះ​យើង​មាន​វិធី​ដ៏​ងាយ​ស្រួល​មួយ​គឺ​គ្រាន់​តែ ចុច​លើ​របស់​នោះ​ហើយ​ចុច​ប្ដូរ​ឈ្មោះ​ដោយ​ថែម​សញ្ញា « . » (ចុច) ពី​ខាង​មុខ​ឈ្មោះ​ដើម។ ពេល​ថែម​សញ្ញា​ចុច ពី​មុខ​ឈ្មោះ​ឯកសារ​ដើម​ហើយ​នោះ សូម​ធ្វើ​ការ​សម្រួល (Refresh) ដោយ​ចុច​លើ​គ្រាប់ F5។ ពេល​នោះ​ឯកសារ​ដែល​យើង​បាន​ថែម​សញ្ញា ចុច មុន​នេះ​នឹង​ត្រូវ​លាក់​បាត់។ ដើម្បី​បើក​មើល​ឯកសារ​កំបាំង​ទាំង​នោះ​សូម​ចុច​លើ Ctrl+H ជា​ការ​ស្រេច។