Joomla! Archive

ដើម្បី​បង្កើត​គេហទំព័រ​មួយ តើ​ចាំ​បាច់​ត្រូវ​ដឹង​អំពី​អ្វី​ខ្លះ?

សួស្ដី​ប្រិយ​មិត្ត​គេហទំព័រ IT4Ug.net ។ តើ​សុខ​សប្បាយ​ដែរ​ឬទេ? គេហទំព័រ​នេះ​មិន​សូវ​មាន​ការ​ផ្សាយ​អត្ថបទ​ញឹក​ញាប់​ដូច​មុន​ទេ តាម​តែ​អ្នក​ដឹង​រួច​មក​ហើយ ក៏​ព្រោះ​តែ​យើង​ខ្ញុំ​រវល់​ជាមួយ​កិច្ច​ការ​ផ្ទាល់​ខ្លួន និង​កិច្ច​ការ​សិក្សា​ផង​ដែរ។ ដូច្នេះ​នៅ​ថ្ងៃ​នេះ ខ្ញុំ​មាន​អត្ថបទ​មួយ ជូន​ដល់​អ្នក​ទាំង​អស់​គ្នា ដែល​មាន​បំណង​ចង់​រៀន​បង្កើត​គេហទំព័រ។ អត្ថបទ​នេះ ខ្ញុំ​សរសេរ​ឡើង​តាម​គំនិត និង​បទពិសោធន៍​ដែល​ខ្ញុំ​ធ្លាប់​ឆ្លង​កាត់​រួច​មក​ហើយ ដូច្នេះ​ប្រសិន​បើ​មាន​ចំណុច​ខ្វះខាត​ត្រង់​ណា សូម​មេត្តា​អភ័យទោស និង​ជួយ​កែ​តម្រូវ​ផង។ ជា​ទូទៅ​ហើយ អ្នក​ប្រើ​អ៊ីនធឺណិត​ទាំង​អស់​សុទ្ធ​សឹង​តែ​បាន​ស្គាល់​ថា អ្វី​ទៅ​គឺ​ជា​គេហទំព័រ។ គេហទំព័រ ប្រៀប​បាន​ទៅ​នឹង​ផ្ទះ, ការិយាល័យ​ព័ត៌មាន, ទី​ផ្សារ, ក្រុម​ហ៊ុន ។ល។ រី​ឯ​ការ​បង្កើត​គេហទំព័រ​នេះ​ទៀត​សោត ត្រូវ​បាន​ស្ថាបនិក​ជ្រើស​រើស​មធ្យោបាយ​ស្ថាបនា​តាម​តែ​ពួក​គេ​ចង់​បាន ដូច​ជា​ការ​ប្រើ​ប្រាស់ ប្រព័ន្ធ​គ្រប់​គ្រង​មាតិកា​អត្ថបទ (CMS) , ការ​សរសេរ​កូដ​ផ្ដើម​ពី​បន្ទាត់​ទី១ ហើយ​ពេល​ខ្លះ​ក៏​មាន​ការ​បង្កើត​ដោយ​ប្រើ​ប្រាស់​ត្រឹម​តែ​រូប​ភាព​ដែរ។ ក៏​ប៉ុន្តែ​ដើម្បី​ចូល​ទៅ​ដល់​ការ​បង្កើត​គេហទំព័រ​មួយ​បាន​យ៉ាង​ល្អ យើង​ចាំ​បាច់​ត្រូវ​ធ្វើ​ការ​សិក្សា​តាម​ដំណាក់​កាល។ អត្ថបទ​នេះ​នឹង​បង្ហាញ​អ្នក​តាំង​ពី​ចំណុច​ដំបូង រហូត​ដល់​ចំណុច​កម្រិត​ខ្ពស់។ ដូច្នេះ​តើ​ចំណុច​ដំបូង​បំផុត ដែល​យើង​គួរ​ដឹង​នោះ​ជា​អ្វី​ដែរ​ទៅ? ១. ប្រភេទ​នៃ​គេហទំព័រ និង​ផ្នែក​បង្កើត​គេហទំព័រ គេហទំព័រ​មាន​ពីរ​ប្រភេទ​ធំៗ​គឺ គេហទំព័រ Static គេហទំព័រ Dynamic អាន​បន្ថែម​នៅ​ទីនេះ រីឯ​ផ្នែក​បង្កើត​គេហទំព័រ ជា​ទូទៅ​ត្រូវ​បាន​គេ​ចែក​ចេញ​ជា​ពីរ​បន្ថែម​ទៀត​គឺ៖ អ្នក​រចនា​គេហទំព័រ (Web Designer)

រូប​ក្រាហ្វិក៖ WordPress vs Drupal vs Joomla!

WordPress, Drupal និង Joomla! គឺ​ជា​ប្រព័ន្ធ​គ្រប់​គ្រង​មាតិកា​គេហទំព័រ ដែល​មាន​ឈ្មោះ​ល្បី​ល្បាញ​នៅ​លើ​ពិភព​អ៊ីនធ័រណិត។ តើ​អ្នក​បាន​ដឹង​ទេ​ថា ប្រព័ន្ធ​គ្រប់​គ្រង​មាតិកា​ទាំង​បី​នេះ មួយ​ណា​ដែល​ស័ក្ដិ​សម​នឹង​អ្នក? ម្យ៉ាង​វិញ​ទៀត តើ​ក្នុង​ចំណោម​ប្រព័ន្ធ​ទាំង​បី​នេះ មួយ​ណា​ដែល​មាន​ប្រជាប្រិយភាព​ខ្លាំង​ជាង​គេ? ក្នុង​រូប​ក្រាហ្វិក​ខាង​ក្រោម​នេះ​នឹង​បង្ហាញ​អ្នក ពី​ការ​ប្រៀប​ធៀប​រវាង​ប្រព័ន្ធ WordPress, Drupal និង Joomla! ប្រភព​ដើម៖ deviousmedia

របៀប​កំណត់​ពាក្យ​សម្ងាត់​គណនី​អ្នក​គ្រប់​គ្រង Joomla! 1.5 តាម​រយៈ Database

ជួយ​ផង! ខ្ញុំ​បាត់​ពាក្យ​សម្ងាត់ គណនី​អ្នក​គ្រប់​គ្រង ក្នុង​គេហទំព័រ​របស់​ខ្ញុំ​ដែល​ប្រើ Joomla! 1.5 ហើយ! តើ​ខ្ញុំ​ត្រូវ​ធ្វើ​ដូច​ម្ដេច​ទៅ? Joomla! គឺ​ជា​ប្រព័ន្ធ​គ្រប់​គ្រង​មាតិកា​គេហទំព័រ ដែល​មាន​កេរ្តិ៍​ឈ្មោះ​បោះ​សម្លេង​មួយ​ក្នុង​ចំណោម ប្រព័ន្ធ​គ្រប់​គ្រង​មាតិកា​ផ្សេងៗ​ទៀត។ (ព័ត៌មាន​បន្ថែម៖ ប្រព័ន្ធ​គ្រប់​គ្រង​មាតិកា​គេហទំព័រ)។ ហើយ Joomla! មាន​ទំព័រ​សម្រាប់​គ្រប់​គ្រង គេហទំព័រ​ដែល​ប្រើ​វា ទាំង​មូល​តែ​ម្ដង។ ចុះ​បើអ្នក​ភ្លេច​ពាក្យ​សម្ងាត់ គណនី​អ្នក​គ្រប់​គ្រង​នោះ តើ​អ្នក​ត្រូវ​ធ្វើ​ដូច​ម្ដេច?? អ្នក​អាច​ធ្វើ​ការ​កំណត់​ពាក្យ​សម្ងាត់​ឡើង​វិញ តាម​រយៈ មូលដ្ឋាន​ទិន្នន័យ (Database)។ នេះ​គឺ​ជា​គន្លឹះ​មួយ​ទៀត ក្រៅ​ពី​ការ​កំណត់​ពាក្យ​សម្ងាត់​ឡើង​វិញ តាម​រយៈ Email។ ១. សូម​ភ្ជាប់​ចូល​ទៅ​កាន់​មូលដ្ឋាន​ទិន្នន័យ Joomla! របស់​អ្នក ដោយ​ប្រើ phpMyAdmin ឬ MySQL Query Browser។ ២. សូម​ចូល​ទៅ​កាន់​តារាង “jos_users” (ឬ “បុព្វបទ​ដើម​របស់​អ្នក_users”) ៣. សូម​ស្វែង​រកជួរ​ណា​ដែល​មាន​ផ្ទុក គណនី​អ្នក​គ្រប់​គ្រង។ តាម​លំនាំ​ដើម​គឺ​នៅ​ជួរ​ទី ៦២។ ជួរ​នោះ​អ្នក​នឹង​ឃើញ​មាន​ឈ្មោះ​សមាជិក​អ្នក​គ្រង់​គ្រង (admin username) និង ពាក្យ​សម្ងាត់ តែ​ពាក្យ​សម្ងាត់​នោះ​គឺ​ជា​អក្សរ​មួយ​ដ៏​វែង​ដែល​គេ​បាន

អ្វី​ទៅ​ជា និង របៀប​ដំឡើង Apache, MySQL, PHP5?

១. Apache (Web Server ឬ បណ្ដាញ​បម្រើ) សម្រាប់​អ្នក​ដែល​ចង់​ដំឡើង ឬ អភិវឌ្ឍ​គេហទំព័រ​នៅ​លើ ប្រព័ន្ធ​ប្រតិបត្តិការ លីនុច​នោះ អ្នក​ប្រាកដ​ជា​ត្រូវ​ការ​ដំឡើង​នូវ Server ដែល​ភាសា​ខ្មែរ​ហៅ​ថា ម៉ាស៊ីន​បម្រើ ឬ បណ្ដាញ​បម្រើ ដែល​វា​ប្រតិបត្តិ​រាល់​កូដ​ទាំង​ឡាយ បន្ទាប់​មក​វា​បក​ប្រែ ដើម្បី​ឲ្យ​អាច​ដំណើរ​ការ​នៅ​លើ​កម្មវិធី​រុករក​អ៊ីនធឺណិត​របស់​អ្នក។ បណ្ដាញ​បម្រើ ទាំង​នោះ​មាន​ដូច​ជា៖ Apache និង IIS (របស់ Microsoft) …។ ២. MySQL MySQL គឺ​ជា​បណ្ដុំ​ទិន្នន័យ (Database) ដែល​គេ​ប្រើ​ក្នុង​ការ​រក្សា​ទិន្នន័យ​របស់​គេហទំព័រ។ ទិន្នន័យ​ទាំង​នោះ​មាន​ដូច​ជា៖ គណនី​ប្រើ​ប្រាស់,  មាតិកា​អត្ថបទ, និង ផ្សេងៗ​ទៀត ដែល​ភាគ​ច្រើន​ត្រូវ​បាន​គេ MySQL ជា​ឃ្លាំង​សម្រាប់​ទុក​នូវ​រាល់​ទិន្នន័យ​ទាំង​នោះ។ ក្រៅ​ពី MySQL នៅ​មាន​បណ្ដុំ​ទិន្នន័យ​ផ្សេងៗ​ទៀត​ដូច​ជា៖ MariaDB (ជា​កំណែ​ក្រោយ និង ថ្មី​ស្រឡាង នៃ MySQL), Oracle, Microsoft SQL Server

របៀប​ដំឡើង​កម្មវិធី Joomla ក្នុង​កុំព្យូទ័រ​ឱ្យ​បាន​ត្រឹម​ត្រូវ

ជា​ការ​ពិត​ណាស់​ Joomla គឺ​ជា​ប្រព័ន្ធ​គ្រប់​គ្រង​អត្ថបទ​ហៅ​កាត់​ថា CMS ( Content Management System) ហើយ​ប្រសិន​បើ​​​យើង​​ទើបតែ​​ចាប់​ផ្ដើម​រៀន​ប្រើ​ប្រាស់​ Joomla នោះ​ចាំ​បាច់​ត្រូវ​​ដំឡើង​​វា​នេះ​ជាមួយ​នឹង​កម្មវិធី​​មួយ​ដែល​មាន​ឈ្មោះ​ថា Wamp Server ដូច​នេះ​ខ្ញុំ​សូម​ធ្វើ​ការ​ណែនាំ​សង្ខេបៗ​ដូច​តទៅ៖ ជំហាន​ទី​១ ត្រូវ​ដំឡើង​កម្មវិធី​ Wamp server ដំឡើង​ធម្មតា​តាម​ទ្រង់​ទ្រាយ​ដើម​ (default configuration) ជំហាន​ទី​២ អ្នក​ត្រូវ​ពន្លា (Unzip) កញ្ចប់​ Joomla ទៅ​កាន់​ទី​តាំង C:\wamp\www\joomla ហើយ​ចាំ​ផ្ដើម​ដំណើរ​ការ (enable) កម្មវិធី​ Wamp server ( ដែល​វា​នឹង​បង្ហាញ​នៅ​​លើ​ system tray ស្ថិត​នៅ​ខាង​ស្ដាំ​នៃ Taskbar) ជំហាន​ទី​៣ សូម​បើក​​កម្មវិធី​រុក​រក​ (browser) រួច​វាយ​ពាក្យ​ថា​ http://localhost/joomla នោះ​វា​នឹង​បង្ហាញ​ផ្ទាំង​​ដំណើរ​ការ​នៃ​ការ​ដំឡើង​ Joomla (Process of installation) បន្ទាប់​មក​ទៀត​​​យើង​ត្រូវ​​ធ្វើ​តាម​ការ​ណែ​នាំ​​ដោយ​ចុច Next រហូត​មក​ដល់​ចំណុច​ដែល​តម្រូវ​អោយ​យើង​បំពេញ​ក្នុង​ចន្លោះ​នោះ​សូម​បំពេញ​​​តាម​របៀប​​ដូច​ខាង​ក្រោម​៖ -Host Name =

ប្រព័ន្ធ​គ្រប់​គ្រង​មាតិកា​គេហទំព័រ

មាតិកា​អត្ថបទ៖ តើ​អ្វី​ទៅ​ជា ប្រព័ន្ធ​គ្រប់​គ្រង​មាតិកា​គេហទំព័រ? អំពី Joomla! អំពី WordPress អំពី TYPO3 អំពី Drupal តើ​អ្វី​ទៅ​ជា ប្រព័ន្ធ​គ្រប់​គ្រង​មាតិកា​គេហទំព័រ? នៅ​ពេល​បច្ចុប្បន្ន គេហទំព័រ​ទាំង​ធំ ទាំង​តូច គឺ​គេ​ពេញ​និយម​បំផុត​ការ​ប្រើ ប្រព័ន្ធ​គ្រប់​គ្រង​មាតិកា​គេហទំព័រ (ប.គ.ម.គ)។ ប្រព័ន្ធ​គ្រប់​គ្រង​មាតិកា​គេហទំព័រ គឺ​មាន​ន័យ​ជា​អង់គ្លេស​ថា Content Management System (CMS)។ ប្រព័ន្ធ​គ្រប​គ្រង​មាតិកា​គេហទំព័រ គឺ​ជា​កម្មវិធី​វិប​មួយ​ដែល​គេ​ប្រើ​សម្រាប់​គ្រង់​គ្រង​គេហទំព័រ​របស់​យើង ហើយ​ងាយ​ស្រួល​ក្នុង​ការ​ប្រើ​ប្រាស់ ទោះ​បី​អ្នក​ពុំ​សូវ​ចេះ​កូដ​ច្រើន​ក៏​ដោយ។ ប្រសិន​បើ​អ្នក​មិន​ចេះ​កូដ​សោះ​តែ​ម្ដង ប្រាកដ​ជា​មិន​អាច​ប្រើ​បាន​ងាយ​ស្រួល​នោះ​ទេ។ នៅ​សព្វ​ថ្ងៃ​ប្រព័ន្ធ​បែប​នេះ មាន​ច្រើន​ណាស់ តែ​ប្រព័ន្ធ​ដែល​មាន​ប្រជាប្រិយ​ភាព និង​ទទួល​ការ​ពេញ​និយម​ប្រើ​ជាង​គេ​មាន​តែ​មួយ​ចំនួន​ប៉ុណ្ណោះ ដូច​ជា៖ Joomla!, TYPO3, WordPress, Drupal។ ប្រព័ន្ធ​និមួយៗ​មាន​លក្ខណៈ​ពិសេស និង រូប​រាង​ខុសៗ​គ្នា ហើយ​ក៏​មានមុខ​ងារ​ផ្សេងៗ​គ្នា​ដែរ។ ខ្ញុំ​នឹង​បង្ហាញ​នូវ​លក្ខណៈ​ពិសេស​របស់​ប្រព័ន្ធ​និមួយៗ ដោយ​សេចក្ដី​សង្ខេប។ ១. Joomla! Joomla! គឺ​ជា ប្រព័ន្ធ​គ្រប់​គ្រង​មាតិកា​គេហទំព័រ ដែល​បាន​វាយ​លុក​ទី​ផ្សារ​នៅ​ប្រទេស​កម្ពុជា​មុន​គេ។ វា​មាន​លក្ខណៈ​ងាយ​ស្រួល​ប្រើ ផ្នែក​គ្រប់​គ្រង(back-end) មាន​ទំហំ​ស្រឡះ។