Google Archive

ព្រឹត្តិការណ៍ DevFest Phnom Penh 2013

នៅ​ថ្ងៃ​ទី២ ខែ​វិច្ឆិកា ឆ្នាំ​២០១៣ ខាង​មុខ​នេះ, ក្រុម GDG (Google Developer Group) Phnom Penh បាន​រៀបចំ​ព្រឹត្តិការណ៍ DevFest ជា​លើក​ដំបូង​នៅ​ក្នុង​ទីក្រុង​ភ្នំពេញ នៅ​សាកលវិទ្យាល័យ​ន័រតុន (ត្រើយ​ម្ខាង) ចាប់​ពី​ម៉ោង ៨ព្រឹក ដល់ ៦ល្ងាច។ តើ DevFest ជា​អ្វី? DevFest ត្រូវ​បាន​បង្កើត​ឡើង​កាល​ពី​ឆ្នាំ​២០០៨ នៅ​សហរដ្ឋ​អាមេរិក ដោយ​ក្រុម​ហ៊ុន Google Inc. ក្នុង​គោល​បំណង​ជួប​ជុំ​ជាមួយ​នឹង​អ្នក​អភិវឌ្ឍ​ក្នុង​តំបន់ (Local Developer) និង​អ្នក​ចូល​ចិត្ត​បច្ចេកវិទ្យា មក​សិក្សា បង្រៀន បង្កើត​ទំនាក់​ទំនង ជាមួយ​គ្នា​ទៅ​វិញ​ទៅមក។ ព្រឹត្តិការណ៍​នេះ​ត្រូវ​បាន​ផ្ដោត​ចម្បង​លើ​បច្ចេកវិទ្យា​នានា​របស់ Google មាន​ដូច​ជា Android, App Engine, Google Maps, Drive ។ល។ DevFest ត្រូវ​បាន​ប្រារព្ធ​ធ្វើ​ឡើង​នៅ​តាម​ប្រទេស​ជា​ច្រើន (១០០​ប្រទេស​ជាង) នៅ​ទូទាំង​ពិភព​លោក ដោយ​មាន​កិច្ច​សហការ​និង​ឧបត្ថម្ភ​ពី​ក្រុមហ៊ុន Google ។ សម្រាប់​ការ​ចុះឈ្មោះ​និង​ព័ត៌មាន​បន្ថែម

ផែន​ទី Google ថ្មី

នៅ​ក្នុង​ព្រឹត្តិការណ៍ Google I/O ជា​រៀង​រាល់​ឆ្នាំ ក្រុមហ៊ុន Google តែង​តែ​ផ្សព្វផ្សាយ​និង​បង្ហាញ​ពី​អ្វី​ដែលថ្មីៗ​ទាក់​ទង​ទៅ​នឹង​ផលិតផល​របស់​ខ្លួន​ដែល​កំពុង​អភិវឌ្ឍ។ នៅ​ក្នុង​ឆ្នាំ​នេះ​ផង​ដែរ ផែនទី Google ត្រូវ​បាន​ដាក់​ប្រកាស​ជា​ផ្លូវ​ការ​អំពី​ការ​រចនា​ទ្រង់​ទ្រាយ​ថ្មី និង​លក្ខណៈ​ពិសេស​ថ្មីៗ​ជា​ច្រើន​ទៀត​ដែល​ពិត​ជា​ប្លែក​និង​មាន​ភាព​ប្រសើរ​ជាង​មុន​ទៅទៀត។ ការ​រចនា​ទ្រង់​ទ្រាយ​ថ្មី ផ្ដល់​នូវ​ភាព​ទាក់​ទាញ​ជាង​មុន ព្រម​ទាំង​ការ​បង្ហាញ​លទ្ធផល​កាន់​តែ​ល្អ​ជាង​មុន ហើយ​ការ​ស្វែង​រក​ក៏​កាន់​តែ​ងាយ​ស្រួល​ជាង​មុន​ថែម​ទៀត ម្យ៉ាង​វិញ​ទៀត​នោះ ផែនទី​មាន​ទំហំ​ពេញ​អេក្រង់​កុំព្យូទ័រ។ កាត​ព័ត៌មាន (Info Card) នៅ​ពេល​ដែល​អ្នក​ចុច​លើ​ចំណុច​ទីកន្លែង​ណា​មួយ នោះ​កាត​ព័ត៌មាន​ដែល​បង្ហាញ​លម្អិត​អំពី​ទី​កន្លែង​នោះ​នឹង​លេច​ឡើង​នៅ​ពីក្រោម​ប្រអប់​ស្វែង​រក។ លក្ខណៈ​ថ្មីៗ​ដទៃ​ទៀត នៅ​ពេល​ដែល​អ្នក​ចុច​ទីតាំង​ណា​មួយ​នៅ​លើ​ផែន​ទី នោះ​កាត​ព័ត៌មាន​នឹង​បង្ហាញ​នៅ​ខាង​ក្រោម​ប្រអប់​ស្វែង​រក ដែល​ក្នុង​នោះ​មាន​បង្ហាញ​ឈ្មោះ​ទីតាំង​កន្លែង​នោះ, ភ្ជាប់​ទិសដៅ ឬ​ក៏​ចូល​ទៅ​កាន់ Street View ។ Earth View ជា​លក្ខណៈ​ពិសេស​ថ្មី​មួយ​បន្ថែម​ទៀត ដែល​ត្រូវ​បាន​អភិវឌ្ឍ​កាន់​តែ​ប្រសើរ​នៅ​ក្នុង​ផែន​ទី Google ។ Earth View គឺ​ជា​ការ​បង្ហាញ​ដោយ​ប្រើ​ប្រាស់​បច្ចេកវិទ្យា 3D ដូច្នេះ​រូបភាព​ទាំង​ឡាយ​ក្នុង​នោះ​នឹង​ត្រូវ​បាន​បង្ហាញ​លម្អិត​ល្អ។ តើ​អ្នក​ចង់​ប្រើផែន​ទី Google ថ្មី​នេះ​ដែរ​ឬទេ? សូម​ចូល​ទៅ​កាន់ http://maps.google.com/help/maps/helloworld/desktop/preview/ ដើម្បី​ដាក់​សំណើ​ទៅ​កាន់ Google ។ វីដេអូ​ព័ត៌មាន​អំពីផែន​ទី Google ថ្មី

Google Reader នឹង​ត្រូវ​បិទ​នៅ​ខែ​កក្កដា​ខាង​មុខ​នេះ

Google Reader គឺ​ជា​សេវាកម្ម​មួយ​របស់ Google ផ្ដល់​ភាព​ងាយ​ស្រួល​ដល់​អ្នក​ប្រើ​ប្រាស់​ទាំង​ឡាយ ក្នុង​ការ​តាម​ដាន​ព័ត៌មាន​ពី​គេហទំព័រ​នានា (RSS Feed reader) ។ ក៏​ប៉ុន្តែ​កាល​ពីម្សិល​មិញ​នេះ Google បាន​ចេញ​សេចក្ដី​ប្រកាស​ក្នុង​ដំណើរ​ប្រតិបត្តិការណ៍ Spring of Cleaning លើក​ទី២ ដែល​ត្រូវ​ធ្វើ​ឡើង​ក្នុង​គោល​បំណង​ដក​ចេញ​នូវ​សេវាកម្ម​មួយ​ចំនួន ហើយ​ក្នុង​នោះ​ក៏​មាន​រាប់​បញ្ចូល​ទាំង Google Reader ផង​ដែរ។ សេវាកម្ម​មួយ​នេះ​នឹង​ត្រូវ​បិទ​ជា​ស្ថាបពរ​នៅ​ថ្ងៃ​ទី១ ខែ​កក្កដា ឆ្នាំ​២០១៣ គឺ​នៅ​សល់​រយៈ​ពេល​ប្រហែល៣​ខែ​ទៀត​តែ​ប៉ុណ្ណោះ។ Google ក៏​បាន​អនុញ្ញាត​ឲ្យ​អ្នក​ប្រើប្រាស់ អាច​យក​ទិន្នន័យ​របស់​ខ្លួន​ចេញ​ពី Google Reader តាម​រយៈ Google Takeout ។ គួរ​បញ្ជាក់​ផង​ដែរ​ថា Google Reader ត្រូវ​បាន​ចាប់​ផ្ដើម​ដំណើរ​ការ​ដំបូង​នៅ​ក្នុង​ឆ្នាំ​២០០៥។

មាន​អ្វី​ប្លែក​ទៀត​ហើយ​នៅ​ក្នុង Google Maps?

កាល​ពីពេល​ថ្មីៗ​នេះ Google ទើប​តែ​ដាក់​ឲ្យ​ប្រើ​នូវ​បច្ចេកវិទ្យា​ថ្មី​របស់​ខ្លួន​គឺ MapsGL តែ​នៅ​ពេល​នេះ Google បញ្ចេញ​របស់​ប្លែក​មក​ទៀត​ហើយ ពិត​ជា​ចម្លែក​និង​មិន​ធ្លាប់​មាន​ពីមុន​មក។ 8-bit Quest Maps ជា​បច្ចេកវិទ្យា​ផែន​ទី​ថ្មី​មួយ​ទៀត​ដែល​ទើប​នឹង​ដាក់​ក្នុង​ស្ថានភាព​សាក​ល្បង​នៅ​ឡើយ។ ហើយ​អ្នក​អាច​មើល​វា​បាន​នៅ​លើ​គណិតូបករណ៍​មាន​សណ្ឋាន 8-bit (ឥឡូវ​នៅ​មាន​អ្នក​ប្រើ 8-bit ដែរ​ទៀត​ទេ?) ។ មើល​សណ្ឋាន​ដី​ក្នុង​បែប 8-bit ក្លាយ​ជា​វីរបុរស ដើរ​រុករក​ពិភព​លោក ស្វែង​រក​បិសាច​អាថ៌កំបាំង http://maps.google/com

Tab for Google+ បើក​មើល Google Plus លើ​របារ​ម៉ឺនុយ Mac របស់​អ្នក

Tab for Google+ ជា​កម្មវិធី​មួយ​ដែល​អ្នក​អាច​បើក​មើល​ការ​បន្ទាន់​សម័យ​នានា​នៅ​ក្នុង Google+ របស់​អ្នក​បាន ដោយ​មិន​បាច់​បើក​គេហទំព័រ​ឡើយ។ កម្មវិធី​នេះអាច​ជួយ​ឲ្យ​អ្នក​មើល​ការ​ផ្សាយ​នានា ក្នុង Google Plus បាន​ឆាប់​រហ័ស​ទៀត​ដែរ។ កម្មវិធី​នេះ​ត្រូវ​បាន​រចនា​ឡើង​តាម​កម្មវិធី Google+ នៅ​លើ​ទូរស័ព្ទ ហើយ​មាន​រួម​ផ្សំ​លក្ខណៈ​ពិសេស​ដូច​ជា៖ Stream, រូប​ភាព, រង្វង់, ទំព័រ​ផ្ទាល់​ខ្លួន (Profile), ដំណឹង (Notification) ។ នៅ​ពេល​ដែល​អ្នក​ដំឡើង​កម្មវិធី​នេះ​រួច អ្នក​នឹង​ទទួល​បាន​រូប g មួយ​ស្ថិត​នៅ​របារ​ខាង​លើ តែ​មុន​នឹង​អ្នក​អាច​ប្រើ​បាន​លុះ​ត្រ​តែ​វាយ​បញ្ចូល​ព័ត៌មាន​គណនី Google អ្នក​ជា​មុន​សិន។ រូប​ភាពនៃ​ផ្ទាំង​ខាង​មុខ​នៃ​ប្រអប់​កម្មវិធី ដែល​មាន​នូវ​លក្ខណៈ​ពិសេស​មួយ​ចំនួន ដែល​បាន​រៀប​រាប់​មក​ពី​ខាង​លើ។ អ្នក​អាច​ទាញ​យក​កម្មវិធី​នេះ​បាន​រយៈ តំណ​ភ្ជាប់​នេះ។ កម្មវិធី​នេះ​ដើរ​បាន​ស្រួល​នៅ​លើ Mac OS X 10.6.6 និង​ខ្ពស់​ជាង​នេះ។ [ប្រភព​ព័ត៌មាន៖ Addictive Tips]

Google ដាក់​សាក​ល្បង​ទំព័រ​ភ្ជាប់​ចូល​ថ្មី​សម្រាប់ Gmail និង គណនី Google

ចាប់​តាំង​ពី Google ដាក់​ឲ្យ​ប្រើ​ប្រាស់ និង​ផ្សព្វផ្សាយ​អំពី Google+ មក​នោះ មាន​ការ​ផ្លាស់​ប្ដូរ​រូបរាង​ជា​ច្រើន ជា​ពិសេស​លើ​សេវាកម្ម Google ដែល​មាន​ប្រជាប្រិយ​ភាព​មួយ​ចំនួន​ដូច​ជា Web Search, Image Search, Gmail Theme ជា​ដើម។ ហើយ​នៅ​ពេល​នេះ Google កំពុង​តែ​និង​សាក​ល្បង​ដាក់​ឲ្យ​ប្រើ​ប្រាស់​នូវ​ទំព័រ​ភ្ជាប់​ចូល (login) Gmail និង​គណនី Google ថ្មី​របស់​ខ្លួន ដែល​កាន់​តែ​មាន​ភាព​ស្រស់​ស្អាត បើ​ប្រៀប​ទៅ​នឹង​រូបរាង​ចាស់។ ខាង​ក្រោម​នេះ​គឺ​ជា​រូបរាង​ថ្មី​នៃ​ទំព័រ​ភ្ជាប់​ចូល​របស់​គណនី Google និង Gmail អ្នក​អាច​ធ្វើ​ការ​សាក​ល្បង​បាន​ដោយ​ចូល​ទៅ​តាម​តំណ​ខាង​ក្រោម៖ https://www.google.com/accounts/OptInToNewSignInUI ហើយ​អ្នក​ក៏​អាច​ត្រឡប់​មក​ប្រើ​រូបរាង​ចាស់​បាន​វិញដែរ ដោយ​ចូល​ទៅ​តាម​តំណ​ខាង​ក្រោម៖ https://www.google.com/accounts/OptInToNewSignInUI?optout=1 [ប្រភព​ព័ត៌មាន៖ Digitizor.com]

ពុម្ព​រូបរាង Google+ សម្រាប់ Windows 7

នេះ​គឺ​ជា​ពុម្ព​រូបរាង (theme) Google+ សម្រាប់ Windows 7 ដែល​មាន​ភ្ជាប់​មក​ជាមួយ​នឹង​រូប​ផ្ទៃ​ក្រោយ​២០ជាង ប្រកប​ដោយ​គុណ​ភាព​ខ្ពស់ ច្បាស់, មាន​រូប​សញ្ញាណ (icon) នានា, មាន​សម្លេង​ថ្មីៗ និង ទ្រនិច​ចង្អុល (cursor) ជា​ច្រើន​និង​ស្អាតៗ។ អ្នក​អាច​ទាញ​យក​តាម​តំណ​ខាង​ក្រោម​នេះ។់ ទាញ​យក [ប្រភព​ដើម៖ VIKITECH]

បម្រុង​ទុក​ទិន្នន័យ Google+ របស់​អ្នក​ដោយ​ប្រើ Google Takeout

ដើម្បី​បម្រុងទុក​ទិន្នន័យ (Backup) ទិន្នន័យ Google+ របស់​អ្នក អ្នក​អាច​ធ្វើ​បាន​ជាមួយ​នឹង Google Takeout។ Google Takeout អាច​ឲ្យ​អ្នក​បម្រុង​ទុក​ទិន្នន័យ​ដែល​មាន​ប្រើ​នៅ​ក្នុង Google+ របស់​អ្នក មាន​ដូច​ជា៖ +1s Buzz ឈ្មោះ​ទាក់​ទង (Contacts) និង រង្វង់ (Circles) Picasa Web Albums Profile Stream ក្នុង​ចំណោម​ចំណុច​ខាង​លើ​នោះ អ្នក​អាច​ធ្វើ​ការ​រើស​យក​តែ​អ្វី​ខ្លះ ដែល​អ្នក​ចង់​បាន​ក៏​បាន​ដែរ ដោយ​មិន​បាច់​រើស​យក​ទាំង​អស់​ឡើយ។ របៀប​បម្រុង​ទុក ១. ជា​ដំបូង​សូម​ចូល​ទៅ​កាន់​គេហទំព័រ Google Takeout ២. នៅ​ផ្នែក​ខាង​លើ​នៃ​ទំព័រ អ្នក​នឹង​ឃើញ​ប៊ូតុង ៣​គឺ៖ All of your data (ទាញ​យក​គ្រប់​ប្រភេទ​ទិន្នន័យ) Choose service (ទាញ​យក​ប្រភេទ​ទិន្នន័យ ជាក់​លាក់​ណា​មួយ) Downloads (ទាញ​យក​កញ្ចប់​បម្រុង​ទុក តាម​កាលបរិច្ឆេទ​ដែល​អ្នក​បាន​ខ្ចប់) ៣. ពេល​ដែល​អ្នក​រើស​ប្រភេទ​ទិន្នន័យ​រួច​ហើយ សូម​ចុច​លើ​ប៊ូតុង CREATE