ពុម្ព​អក្សរ Archive

ពុម្ពអក្សរជ្រុងលក្ខណៈក្បាច់ Kheang 01 ជាពុម្ពអក្សរលីម៉ូន

ពុម្ពអក្សរជ្រុងលក្ខណៈក្បាច់នេះ ជាការបង្កើតដោយខ្ញុំបាទផ្ទាល់ ប៉ុន្តែជាពុម្ពអក្សរលីម៉ូន ។ ចំពោះការបង្កើតពុម្ពអក្សរនេះ ខ្ញុំឆ្លាក់រូបជាអក្សរមួយៗសិន រួចខ្ញុំបាទយកទៅស្គែនចូលទៅក្នុងកុំព្យូទ័រ ហើយក៏ប្រើកម្មវិធី CorelDraw ដើម្បីគូរជាពុម្ពអក្សរបន្ត ហើយក៏ទៅធ្វើក្នុងកម្មវិធី FontCreator ដើម្បីបង្កើតពុម្ពអក្សរនេះ ។ ពុម្ពអក្សរជ្រុងលក្ខណៈក្បាច់នេះ គឺនឹងអភិវឌ្ឍន៍ជាពុម្ពអក្សរយូនីកូដឆាប់នេះហើយ ។ ទាញយក យើងធ្វើអ្វីដើម្បីខ្មែរ ពិតជាការប្រសើរមែន ។

ពុម្ព​អក្សរ Kh MPS Jrung ដោយ ម៉ៅ ពិសិដ្ឋ

កាល​ពី​ថ្ងៃ​ទី​២៨ ខែ​កុម្ភៈ ឆ្នាំ២០១១ បង​ប្រុស ម៉ៅ ពិសិដ្ឋ បាន​ចេញ​ផ្សាយ​ដាក់​ឲ្យ​ប្រើ​នូវ​ពុម្ព​អក្សរដៃ​ខ្វៀក ហើយ​មាន​ការ​ពេញ​និយម​យ៉ាង​ច្រើន​ពី​សំណាក់​បង​ប្អូន​ជនជាតិ​ខ្មែរ។ ហើយ​កាល​ពី​ម្សិល​មិញ​នេះ គាត់​បាន​ចេញ​ផ្សាយ​នូវ​ពុម្ព​អក្សរ​ប្រភេទ​ថ្មី​របស់​គាត់​មួយ​ទៀត​គឺ Kh MPS Jrung ដែល​យើង​អាច​យក​ទៅ​ប្រើ​បាន​សម្រាប់​ធ្វើ​ជា​ចំណង​ជើង​អត្ថបទ ព្រោះ​តែ​ពុម្ព​អក្សរ​នេះ​ជា​ប្រភេទ​អក្សរ​ដិត។ ហើយ​អាច​ប្រើ​បាន​នៅ​ក្នុង Photoshop CS3+ ផង​ដែរ។ លោក​អ្នក​អាច​ធ្វើ​ការ​ទាញ​យក​បាន​នៅ ទីនេះ។ សម្រាប់​ព័ត៌មាន​បន្ថែម​សូម​ចូល mpsinfo.wordpress.com។ ពុម្ព​អក្សរ​ផ្សេងៗ៖ ពុម្ព​អក្សរ ខាវអ៊ីដាង ដោយ ទឹមបឿន ពុម្ព​អក្សរដៃ​ខ្វៀក ពុម្ព​អក្សរ​ខ្មែរ​ថ្មី ដោយ សុខ ចំរើន ពុម្ព​អក្សរ ខ្មែរ​រតនត្រ័យ ដោយ អាង រតនៈ

ការបកប្រែ Toolbar ដោយខ្លួនឯងក្នុង Ms word 2010

អ្នកប្រហែលជាបានស្គាល់​រួច​មក​ហើយ​អំពី Ms Office 2007 ភាសាខ្មែរ ដែលបានបកប្រែ និងបានដាក់អោយប្រើប្រាស់ដោយក្រុមហ៊ុន Microsoft ដែរ។ តែមកដល់ពេលនេះហើយ ក្រុមហ៊ុន Microsoft មិនទាន់បានផ្សាយថាមាន Ms Office 2010 ភាសាខ្មែរនៅឡើយទេ អ្នកទាំងអស់គ្នាប្រហែល​កំពុងរង់ចាំ​មែនទេ? បន្ដែយើងក៏អាចបកប្រែដោយខ្លួនឯងបានខ្លះដែរដូចជា Toolbar ហើយទុកគ្រាន់ប្រើខ្លួនឯងដែរ ទោះបីវាមិនពេញលេញក៏ដោយ៖ ដើម្បីកែពាក្យទាំងនេះ នៅលើ Toolbar ទៅជាភាសាខ្មែរបានសូមចូលទៅកម្មវិធី Ms word 2010៖ ចុច File —-> Option —> វាចេញផ្ទាំងមួយសូមចុចលើ Customize Ribbon វាចេញផ្ទាំងដូចខាងក្រោម៖ សូមជ្រើសរើស Menu ឬអ្វីដែលអ្នកចងកែភាសាខ្មែរ ចុច Rename ហើយវាយពាក្យថ្មីដែលអ្នកត្រូវសរសេរ —> Ok

ពុម្ព​អក្សរ​ខ្មែរ​ថ្មី​ឈ្មោះ ខ្មែរ​ខាវ​អ៊ីដាង

ពុម្ពអក្សរ ខ្មែរ​ខាវអ៊‍ីដាង​នេះ ខ្ញុំ​យក​គំរូ​តាម​សៀវភៅ​ថ្នាក់​ទី ១ សម្រាប់​បង្រៀន​កុមារ​នៅ​ជំរំ​ខាវអ៊‍ីដាង ដែល​ខ្ញុំ​បាន​​ពី​​ប្លក​ ហនុមាន ។ ពុម្ពអក្សរ​នេះ ជា​ប្រភេទ​អក្សរ​សរសេរ​ដោយ​​ដៃ ប៉ុន្តែ​មាន​រចនាបថ​ស្រដៀង​នឹង​អក្សរ​ពុម្ព​ដែរ ។ ដោយសារ​វា​ជា​ប្រភេទ​អក្សរដៃ ខ្ញុំ​នៅ​រក្សា​លក្ខណៈ​ដើម​របស់​វា​ដោយ​អន្លើ ដូច​ជា​ពពួក​អក្សរ ក គ ភ…  ដែល​គួរ​មាន​​ទំហំ​ប៉ុន​គ្នា និង សក់​ដូច​គ្នា តែ​ខ្ញុំ​ពុំ​បាន​ធ្វើ​ដូច្នោះ​ទេ គឺ​នៅ​​រក្សា​រចនាបថ​ដើម​ខ្លះៗ ។ [...] បច្ចុប្បន្ន​នេះ​អក្សរ​ខ្មែរ​យូនីកូដ ពិត​ជា​មាន​សំទុះ​អភិវឌ្ឍ​មែន។ ត្រឹម​តែ​ប៉ុន្មាន​ខែ មាន​ផ្សាយ​ចេញ​នូវ​ពុម្ព​អក្សរ​ថ្មីៗ ប្លែកៗ ជា​ច្រើន។ ​នេះ​ជា​ពុម្ព​អក្សរ​ថ្មី​របស់​លោក ទឹម បឿន ដែល​គាត់​បាន​គូស​ចេញ​ពី​សៀវភៅ ថ្នាក់​ទី១ សម្រាប់​បង្រៀន​កុមារ​នៅ​ជំរុំ ខាវ​អ៊ីដាង។ បើ​អ្នក​អ្នក​ចង់​បាន​ព័ត៌មា​ន​លម្អិត និង​ចង់​ទាញ​យក សូម​ចូល​ទៅ​កាន់ ទីនេះ។

ពុម្ព​អក្សរ Hanuman ធ្វើ​ឲ្យ​អក្សរ​យូនីកូដ​ខ្មែរ​លើ Mac OS X បង្ហាញ​បាន​យ៉ាង​ត្រឹម​ត្រូវ

ដំបូង​សូម​អរគុណ ភូធន ដែល​បាន​ផ្ដល់​ដំណឹង និង​ផ្ដល់​រូប​ភាព។ ដូច​ដែល​លោក​អ្នក​បាន​ដឹង​ស្រាប់​ហើយ Hanuman គឺ​ជា​ប្រភេទ​ពុម្ព​អក្សរ​ថ្មី ដែល​លោកពូ ដាញ់ ហុង បាន​បង្កើត​ឡើង​សម្រាប់​ប្រើ​ក្នុង Google Font API។ ហើយ​ពុម្ព​អក្សរ​ថ្មី​នេះ​មាន​ការ​កែ​សម្រួល​យ៉ាង​ច្រើន​ផង​ដែរ គឺ​ប្រព័ន្ធ​នៃ​ពុម្ព​អក្សរ​នេះ​ខុស​ពី Kh និង Khmer OS ស្ទើរ​តែ​ទាំង​ស្រុង។ ពុម្ព​អក្សរ​នេះ​មាន​កំពស់​ប៉ុន​អក្សរ​អង់គ្លេស ហើយ​ដើរ​លើ Windows, Linux អី​បានយ៉ាង​ស្រួល។ ក៏ប៉ុន្តែ​យើង​មិន​ទាន់​បាន​ដឹង​ថា តើ​ដើរ​លើ Mac OS X ស្រួល​ដែរ​ឬយ៉ាង​ណា​នោះ​ទេ។ ដូច្នេះ​ហើយ​ខ្ញុំ​នឹង​បង្ហាញនៅ​ខាង​ក្រោម​នេះ។ ពុម្ព​អក្សរប្រភេទ Kh និង Khmer OS ដើរ​មិន​ល្អ​ទាល់​តែ​សោះ​នៅ​លើ Mac OS X ក៏ប៉ុន្តែ​ចំពោះ Hanuman វិញ​គឺ​បង្ហាញ​អក្សរ​ខ្មែរ​លើ Mac OS X បាន​យ៉ាង​ល្អ។ សូម​មើល​រូប​ខាង​ក្រោម៖ ដូច្នេះ​លោក​អ្នក​នៅ​ពេល​នេះ​អាច​អាន​អក្សរ​ខ្មែរ បាន​យ៉ាង​ត្រឹម​ត្រូវ ហើយ​ស្អាត​ថែម​ទៀត​ផង លែង​ពិបាក​ចិត្តថា​អក្សរ​ដើរ​មិន​ត្រូវ និង​បាត់​ដៃ​ជើង​ដូច​មុន​ទេ។

អត្ថបទ​ចំនួន​១០ ដែល​មាន​ប្រជា​ប្រិយ​ភាព​ប្រចាំ​សប្ដាហ៍ (១៥/មេសា/២០១១)

ខាង​ក្រោម​នេះ​គឹ​ជា​អត្ថបទ​ទាំង​១០ ដែល​មាន​ប្រជា​ប្រិយ​ភាព​ប្រចាំ​សប្ដាហ៍​នេះ (១៥/មេសា/២០១១)៖ បក​ប្រែ​ពាក្យ​បរទេស​នៅ​លើ Firefox ភ្លាមៗ មក​ជា​ភាសា​ខ្មែរ WineHQ តើ​ប្រព័ន្ធ​ប្រតិបត្តិការ​ទូរស័ព្ទ​មួយ​ណា ដែល​ទទួល​ការ​ពេញ​និយម​ពី​សំណាក់​អ្នក​ប្រើ នៅ​កម្ពុជា? កំពូល​អ្នក​ប្រើ​កុំព្យូទ័រ គំនូស​តាង​លំហូរ ស្ដី​អំពី​ប្រភេទ​អាជ្ញាប័ណ្ណ ពុម្ព​អក្សរ​យូនីកូដ​ខ្មែរ​ថ្មី​ដោយ សុខ ចំរើន ស្វែង​រក​កម្មវិធី Jailbreak តាម​រយៈ Cydia Search លើ​គេហទំព័រ បង្ហាញ​ដំណើរ​ការ​ទាញ​យក​របស់ Firefox ក្នុង Launcher របស់ Unity (Ubuntu 11.04) PHP ភ្ជាប់ Connection ទៅកាន់ MySQL ដោយប្រើ MySQLi class អក្សរ​ខ្មែរ​ក្នុង Google Chrome/Chroimum លើ Ubuntu មាន​បញ្ហា​ឬ?

អក្សរ​ខ្មែរ​ក្នុង Google Chrome/Chroimum លើ Ubuntu មាន​បញ្ហា​ឬ?

កម្មវិធី​បើក​គេហទំព័រ Google Chrome និង Chromium ជា​កម្មវិធី​ដែល​ត្រូវ​បាន​អភិវឌ្ឍ​ដោយក្រុម​ហ៊ុន Google ហើយ​ត្រូវ​បាន​ដាក់​ឲ្យ​ប្រើ​ប្រាស់​ដោយ​សេរី យ៉ាង​ទូលំទូលាយ។ ហើយ​កម្មវិធី​នេះ​ទៀត​សោត មាន​ដំណើរ​ការ​នៅ​លើ MacOSX, Windows និង Linux។ ឃើញ​ថា​អក្សរ​ខ្មែរ​ដើរ​យ៉ាង​ល្អ​ក្នុង Google Chrome/Chromium ទាំង​ក្នុង MacOSX និង Windows។ តែ​ចម្លែក​តែ​ក្នុង Linux (ដូច​ជា Ubuntu ជា​ដើម) តើ​ហេតុ​អី​បាន​ជា​ដើរ​អក្សរ​ខ្មែរ​មិន​ស្រួល? នៅ​ក្នុង​កម្មវិធី​បើក​គេហទំព័រ​និមួយៗ គេ​បាន​បង្កើត​ប្រព័ន្ធ​បង្ហាញ​ពុម្ព​អក្សរ (អង់គ្លេស Font Rendering) រៀងៗខ្លួន ទាំង Firefox, Opera, Safari, Google Chrome/Chroimum។ ដូច្នេះ​ដើម្បី​ដោះ​ស្រាយ​បញ្ហា​នេះ ខ្ញុំ​សូម​ឲ្យ​អ្នក​រាល់​គ្នា​ដំឡើង​ពុម្ព​អក្សរ Hanuman ដែល​ជា​ពុម្ព​អក្សរ​បង្កើត​ដោយ​លោក​ពូ ដាញ់ ហុង ហើយ​បាន​ដាក់​ឲ្យ​ប្រើ​មុន​ដំបូង​គេ​ក្នុង Google Font API ខ្មែរ។ សូម​ចុច​ទាញ​​យក​ពុម្ព​អក្សរ Hanuman នៅ​ទីនេះ។ បន្ទាប់​ពី​ដំឡើង​រួច​សូម​បើក​កម្មវិធី

របៀប​បន្ថែម​ពុម្ព​អក្សរ​ថ្មី​ថែម​ទៀត​ក្នុង Ubuntu

នៅ​ពេល​បច្ចុប្បន្ន​នេះ ឃើញ​ថា​ប្រជាជន​ខ្មែរ​មួយ​ចំនួន មាន​ការ​ពេញ​និយម​ប្រើ Linux ណាស់ ជា​ពិសេស​គឺ​ប្រព័ន្ធ​ប្រតិបត្តិការ Ubuntu និង moonOS។ ហើយ​មាន​បង​ប្អូន​មួយ​ចំនួន គាត់​ជា​អ្នក​ប្រើ​ប្រាស់​ថ្មី ដូច្នេះ​គាត់​មិន​សូវ​ជា​យល់​ច្បាស់​អំពី​វា​ប៉ុន្មាន​ទេ។ ខ្ញុំ​នឹង​សរសេរ​អត្ថបទ​អំពី​ការ​ប្រើ Ubuntu ដើម្បី​ឲ្យ​ពួក​គាត់​បាន​យល់​ច្បាស់ ហើយ​ម្យ៉ាង​ទៀត​គឺ​លើក​យក​មេរៀន​ដែល​ស្រួលៗ និង​ងាយយល់។ ចំពោះ​ការ​បន្ថែម​ពុម្ព​អក្សរ​ក្នុង Ubuntu មាន​អ្នក​បាន​សួរ​ខ្ញុំ​ច្រើន​ដែរ ដូច្នេះ​ខ្ញុំ​សម្រេច​ថា​លើក​យក​មក​សរសេរ​ជា​មេរៀន ដើម្បី​ងាយ​ស្រួល​ចំពោះ​អ្នក​ប្រើ​ប្រាស់ Linux ក្រោយៗ​ទៀត។ ដូច្នេះ ខ្ញុំ​នឹង​ធ្វើ​ការ​បង្ហាញ​នៅ​ខាង​ក្រោម​នេះ៖ ១. សូម​ចូល​ទៅ​កាន់​ថត /home (ដែល​ជា​ឈ្មោះ​សមាជិក​របស់​យើង [username]) ២. ចុច Ctrl+h ដើម្បី​ឲ្យ​បង្ហាញ​នូវ​ថត​កំបាំង។ ហើយ​រក​មើល​ថត​មួយ​ឈ្មោះ​ថា .fonts ។ បើ​មិន​ទាន់​មាន​ទេ អាច​បង្កើត​មួយ​បាន ៣. បន្ទាប់​មក​ចម្លង​ពុម្ព​អក្សរ​ដែល​អ្នក​ចង់​ដំឡើង​ទៅ​ក្នុង .fonts ជា​ការ​ស្រេច វិធី​មួយ​យ៉ាង​ទៀត ដោយ​មិន​បាច់​ប្រើ ctrl+h នោះ គ្រាន់​តែ​បើក​ចូល​ក្នុង​ថត home បន្ទាប់​មក​ចុច ctrl+l រួច​វាយ .fonts ជា​ការ​ស្រេច។