ពុម្ព​អក្សរ Archive

គន្លឹះ​ក្នុង​ការ​ធ្វើ​ពុម្ព​អក្សរ​យូនីកូដ​ខ្មែរ (បទ​បង្ហាញ​ក្នុង ព្រឹត្តិការណ៍​បើក​ទូលាយ)

អ្នក​ប្រាកដ​ជា​ដឹង​រួច​មក​ហើយ​អំពី ព្រឹត្តិការណ៍​បើកទូលាយ ដែល​ត្រូវ​បាន​រៀប​ចំ​ដោយ​ក្រុម ចែក​គ្នា​និយាយ​អាយធី ដែល​មាន​ទីតាំង​នៅ​ក្នុង​គេហទំព័រ​បណ្ដាញ​សង្គម Facebok ។ ក្នុង​ថ្ងៃ​កម្មវិធី​នោះ (១៩-កុម្ភៈ-២០១២) ខ្ញុំ (ទេព សុវិចិត្រ) ក៏​បាន​ធ្វើ​បទ​បង្ហាញ​មួយ​ស្ដី​អំពី គន្លឹះ​ធ្វើ​ពុម្ព​អក្សរ​យូនីកូដ​ខ្មែរ ផង​ដែរ។ ខាង​ក្រោម​នេះ​គឺ​ជា​បទ​បង្ហាញ​របស់​ខ្ញុំ ដែល​យក​ទៅ​បង្ហាញ​នៅ​ថ្ងៃ​នោះ។ ឯកសារ​បទ​បង្ហាញ​នេះ ពុំ​មាន​ការ​ពន្យល់​ច្រើន​ទេ ដោយ​គ្រាន់​តែ​បង្ហាញ​ពី​ចំណុច​តាម​ផ្នែក​និមួយៗ​ប៉ុណ្ណោះ។

“ព្រឹត្តិការណ៍​បើក​ទូលាយ” ត្រូវ​បាន​បញ្ចប់​ដោយ​ជោគជ័យ

កាល​ពី​សប្ដាហ៍​មុន IT4U បាន​ផ្សព្វផ្សាយ​អំពី​កម្មវិធី​ចែក​រំលែក​ចំណេះ​ដឹង​ផ្នែក​ព័ត៌មាន​វិទ្យា​មួយ ក្រោម​ប្រធាន​បទ “ព្រឹត្តិការណ៍​បើក​ទូលាយ” ដែល​មាន​ការ​ចូលរួម​ធ្វើ​បទ​បង្ហាញ​ដោយ​អ្នក​មាន​ជំនាញ​លើ​ផ្នែក​ផ្សេងៗ ហើយ​ត្រូវ​បាន​ប្រារព្ធ​ឡើង​នៅ​ថ្ងៃ​ទី១៩ ខែ​កុម្ភៈ ឆ្នាំ​២០១២ កន្លង​ទៅ​នេះ នៅ​ឯ សាកលវិទ្យាល័យ​ហ្សាម៉ាន់។ តាម​ស្ថិតិ​កន្លង​មក បាន​ឲ្យ​ដឹង​ថា អ្នក​ចូលរួម​មាន​ចំនួន​សុរប​ជាង ២០០នាក់ រួម​មាន​ដូច​ជា ព្រះ​សង្ឃ សាស្ត្រាចារ្យ បុគ្គលិក និស្សិត និង សិស្សានុសិស្ស ជា​ច្រើន​ផង​ដែរ។ គួរ​បញ្ជាក់​ឡើង​វិញ​ផង​ដែរ ក្នុង​កម្មវិធី​នា​ថ្ងៃ​នោះ​មាន​ប្រធាន​បទ​ចំនួន ៩ ដែល​ត្រូវ​បាន​ធ្វើ​បទ​បង្ហាញ មាន​ដូច​ជា៖ សារៈ​សំខាន់​នៃ​សន្តិសុខ​ព័ត៌មាន (ដោយ៖ លោក អ៊ូ-ផាន់ណារិទ្ធិ) វិគីភីឌា ភាសា​ខ្មែរ (ដោយ៖ ទេព សុវិចិត្រ) កូដ​បើក​ចំហ ឬ Open Source (ដោយ៖ លោក អ៊ូច-សារ៉ាត់) ការ​ដំឡើង WordPress ឯកជន (ដោយ៖ លោក ឡាវ-សុភ័ក្ត្រ និង​លោក ធលធឿន-ចាន់​សុវណ្ណ) ការ​រចនា និង​បង្កើត​ពុម្ព​អក្សរ​យូនីកូដ​ខ្មែរ

LibreOffice ចេញ​កំណែ​ថ្មី 3.5

នៅ​ពេល​ថ្មីៗ​កន្លង​ទៅ​នេះ ក្រុម​ស្ថាបនិក​កម្មវិធី​ការិយាល័យ LibreOffice បាន​ដាក់​ចេញ​ឲ្យ​ប្រើ​ប្រាស់​នូវ​កំណែ​ថ្មី 3.5 ដែល​មាន​ការ​កែ​កំហុស និង​បញ្ហា​ជា​ច្រើន ហើយ​ម្យ៉ាង​ទៀត​ក៏​មាន​បន្ថែម​លក្ខណៈ​ពិសេស​ថ្មីៗ​មួយ​ចំនួន​ទៀត​ដែរ។ កំណែ​ប្រែ​ទាំង​នោះ​មាន​ស្ថិត​នៅ​គ្រប់​កម្មវិធី​ទាំង​អស់ ដូច​ជា៖ Writer, Impress, Calc, Draw និង Base ។ កំណែ​ប្រែ​ទាំង​នោះ​មាន​ដូច​ជា៖ អភិវឌ្ឍន៍​បន្ថែម​ទៅ​លើ​ការ​ពិនិត្យ​រក​ការ​ធ្វើ​បច្ចុប្បន្នកម្ម របស់​កម្មវិធី រូបរាង​ថ្មី​នៃ បឋមកថា បាតកថា បំបែក​ទំព័រ (Writer) ភ្ជាប់​មក​ជាមួយ​ឧបករណ៍​ពិនិត្យ​វេយ្យាករណ៍​អង់គ្លេស (Writer) អន្តរកម្ម​នៃ​ផ្ទាំង​រាប់​ចំនួន​ពាក្យ៖ វា​នឹង​ធ្វើ​ការ​កែ​ប្រែ​ស្ថិតិ​ចំនួន​បាន​ភ្លាមៗ នៅ​ពេល​អ្នក​វាយ​ពាក្យ​ថ្មី (Writer) បាន​អភិវឌ្ឍ​បន្ថែម​លើ​ការ​បង្ហាញ​ពុម្ព​អក្សរ​ឲ្យ​បាន​ល្អ​ជាង​មុន សម្រាប់​ឯកសារ​គុណភាព​ខ្ពស់ (Writer) របារ​បញ្ចូល​ពហុ​បន្ទាត់ (Calc) ការ​បង្កប់ (embed) នូវ​ឯកសារ​មេឌា ឬ​ពណ៌​គំរូ​នានា (Impress) បាន​បញ្ចូល​រូប​ទ្រង់​ទ្រាយ​ថ្មីៗ (Impress) លក្ខណៈ​នាំ​ចូល​ថ្មី​សម្រាប់​ការ​គូរ​ក្នុង Microsoft Viso (Draw) តម្រង (filter) ថ្មី​សម្រាប់​មូលដ្ឋាន​ទិន្នន័យ PostgreSQL (Base) និង​កំណែ​ប្រែ​ផ្សេងៗ​ទៀត ដែល​អ្នក​អាច​រក​បាន​នៅ​ទំព័រ​មួយ​នេះ៖ http://www.libreoffice.org/download/3-5-new-features-and-fixes/ តើ​នៅ​រង់​ចាំ​អ្វី​ទៀត

Selapa.net – គេហទំព័រ​បង្ហាញ​ពុម្ព​អក្សរ​ខ្មែរ​គ្រប់​ប្រភេទ សម្រាប់​ប្រើ​ក្នុង​កុំព្យូទ័រ

ពុម្ព​អក្សរ​ខ្មែរ​បច្ចុប្បន្ន ត្រូវ​បាន​គេ​រចនា​ឡើង​ជា​ច្រើន​បែប​ច្រើនយ៉ាង ដែល​មាន​តាំង​ពី​ឆ្នាំ ១៩៩៣ មក​ម្ល៉េះ។ មក​ដល់​សព្វ​ថ្ងៃ​នេះ​មាន​ពុម្ព​អក្សរ​ជា​ច្រើន ដែល​បាន​ដាក់​ឲ្យ​ប្រើ​ប្រាស់​ដោយ​សេរី និង​ខ្លះ​ទៀត​សម្រាប់​ឯកជន ហើយ​ខ្លះ​ទៀត​សម្រាប់​លក់។ តែ​តើ​អ្នក​ដឹង​ទេ​ថា ពុម្ព​អក្សរ​ទាំង​នោះ សរុប​មាន​ប៉ុន្មាន​ហើយ បើ​រាប់​ទាំង​ប្រភេទ លីមូន, អេប៊ីស៊ី និង យូនីកូដ? ប្រសិន​​បើ​អ្នក​ចង់​បាន​ពុម្ព​អក្សរ​ខ្មែរ​ផ្សេងៗ​ទៀត​ជា​ច្រើន​នោះ ថ្ងៃ​នេះ IT4U សូម​បង្ហាញនូវ​គេហទំព័រ​មួយ​ដែល​មាន​រាយ​ឈ្មោះ និង​បង្ហាញ​រូប​រាង​នៃ​ពុម្ព​អក្សរ​ខ្មែរ​ស្ទើរ​តែ​ទាំង​អស់ ដែល​មាន​រួម​បញ្ចូល​ទាំង​យូនីកូដ​ខ្មែរ និង​ប្រភេទ​អក្សរ​ចាស់ៗ (លីមូន, អេប៊ីស៊ី) ។ល។ គេហទំព័រ​នោះ​មាន​ឈ្មោះ​ថា Selapa.net (http://selapa.net/khmerfonts/) នៅ​ទីនោះ ​បាន​រៀប​ចំ​ពុម្ព​អក្សរ​និមួយៗ​តាម​ឈ្មោះ​អ្នក​រចនា និង​មាន​ការ​បង្ហាញ​លម្អិត​នៃ​អក្សរ​និមួយៗ បាន​យ៉ាង​ហ្មត់​ចត់​ថែម​ទៀត​ផង។ មាន​អក្សរ​យូនីកូដ​ខ្មែរ​ជា​ច្រើន ដែល​យើង​មិន​ធ្លាប់​ជួប ឬ​ក៏​ធ្លាប់​ជួប​ដែរ តែ​មិន​ដឹង​ថា​ទាញ​យក​នៅ​ទីណា។ តែ​នៅ​ពេល​នេះ លោក​អ្នក​អាច​ទាញ​យក​បាន​យ៉ាង​ងាយ​ស្រួល​នៅ​ក្នុង​គេហទំព័រ Selapa.net ក៏​ប៉ុន្តែ​មាន​អក្សរ​មួយ​ចំនួន​ទៀត​ត្រូវ​បាន​រក្សា​សិទ្ធិ ដោយ​មិន​អាច​ទាញ​យក​បាន​ឡើយ មាន​តែ​រូប​បង្ហាញ​តែ​ប៉ុណ្ណោះ។ តើ​នៅ​ចាំ​អី​ទៀត? តោះ! នាំ​គ្នា​ទាញ​យក​ពុម្ព​អក្សរ​ខ្មែរ​ជា​ច្រើន ពី​ទីនោះ ហើយ​ចែក​រំលែក​ទៅ​មិត្ត​របស់​អ្នក។

បាន​កែ​សម្រួល​អក្សរ «មិត្ត​សាលាបាលី» ឲ្យ​ប្រើ​បាន​ជាមួយ MS Office 2010

ដោយ​កាល​ពី​កំណែ​មុន​នោះ​មាន​បញ្ហា​ជាមួយ MS Office 2010 ទើប​ខ្ញុំ​បាន​កែ​សម្រួល​វា​ឲ្យ​ប្រើ​បាន​ស្រួល​វិញ។ (សូម​ពិនិត្យ​មើល​រូប​ខាង​ក្រោម)   ប្រសិន​បើអ្នក​ជួប​ប្រទះ​បញ្ហា​ផ្សេងៗ​ទៀត សូម​មេត្តា​ទាក់​ទង​មកខ្ញុំ​ដើម្បី​ឲ្យ​ខ្ញុំ​បាន​កែ​សម្រួល​ចំណុច​ខ្វះខាត​នោះ។ អរគុណ! ទាញ​យក​ពុម្ព​អក្សរ «មិត្ត​សាលាបាលី» កំណែ​ថ្មី ២.០

ពុម្ព​អក្សរ​យូនីកូដ​ខ្មែរ៖ មិត្ត​សាលា​បាលី

ដើម្បី​អបអរ​ឆ្នាំ​២០១២​នេះ ខ្ញុំ​បាន​ព្យាយាម​ធ្វើ​ពុម្ព​អក្សរ​យូនីកូដ​ខ្មែរ​ថ្មី​មួយ​ទៀត ដែល​បាន​ផ្ដើម​ធ្វើ​កាល​ពី​ថ្ងៃ​ទី១ ខែ​មករា ឆ្នាំ​២០១២។ ពុម្ព​អក្សរ​នេះ​បាន​ចាប់​ផ្ដើម​ធ្វើ​ចាប់​តាំង​ពី​ថ្ងៃ​ទី១ ខែ​មករា ឆ្នាំ​២០១១ មក​ម្ល៉េះ។ ម្ដេច​ក៏​ខ្ញុំ​ដាក់​ឈ្មោះ​ដូច្នេះ? បាទ! មិត្ត​សាលាបាលី គឺ​ជា​ឈ្មោះ​សៀវភៅ​ទស្សនាវដ្ដី​មួយ ដែល​មាន​ការ​ផ្សព្វផ្សាយ​តាំង​ពី​ទសវត្សរ៍​ឆ្នាំ ១៩៥០ មក​ម្ល៉េះ។ ទស្សនាវដ្ដី​នេះ មាន​សរសេរ​អំពី​វប្បធម៌ អរិយធម៌ ប្រពៃណី សាសនា និង​អក្សរ​សាស្ត្រ​ខ្មែរ។ ដោយ​សារ​តែ​ខ្ញុំ​ពេញ​ចិត្ត ទៅ​នឹង​អក្សរ​លើ​ក្រប​សៀវភៅ​នេះ ក៏​ធ្វើ​ឲ្យ​ខ្ញុំ​មាន​ចិត្ត​ចង់​ធ្វើ​ពុម្ព​អក្សរ​នេះ​ឡើង។ ការ​ដាក់​ឈ្មោះ​បែប​នេះ ក៏​ព្រោះ​ខ្ញុំ​ចង់​រំឭក​នូវ​ការ​ចំណាយពេល និង​កម្លាំង​របស់​បុព្វបុរស​យើង ក្នុង​ការ​លើក​តម្កើង​អក្សរ​សាស្ត្រ ផ្សព្វផ្សាយ​វប្បធម៌ ប្រពៃណី បាន​យ៉ាង​ទូលំទូលាយ និង​សុះសាយ។ សម្រាប់​សមិទ្ធិផល​នេះ ខ្ញុំ​សូម​ឧទ្ទិស​ជូន​ដល់​ក្រុម​គណៈកម្មការ​រៀប​ចំ ព្រម​ទាំង​សមាជិក​នៃ ទស្សនាវដ្ដី​មិត្ត​សាលាបាលី​ទាំង​អស់ ដែល​បាន​ចែក​ឋាន​ទៅ​ឆ្ងាយ​ហើយ​នោះ។ ពុម្ព​អក្សរ​នេះ​ខ្ញុំ​ចំណាយ​ពេល​ធ្វើ​ប្រហែល ១ សប្ដាហ៍ ដោយ​ផ្អែក​ទៅ​លើ​តួ​អក្សរ​បួន​ដប់​តួ ដែល​មាន​នៅ​លើ​ក្រប​សៀវភៅ​ដើម ហើយ​និង​តួ​អក្សរ​ផ្សេងៗ​ទៀត​កើត​ចេញ​ពី​ការ​ច្នៃប្រឌិត ដើម្បី​ឲ្យ​សម​រូបរាង​នៃ​អក្សរ​ដើម។ ប្រសិន​បើ​មាន​កំហុស​ឆ្គង​ត្រង់​អក្សរ​ណា​មួយ សូម​មេត្តា​ខន្តីអភ័យទោស​ដល់​រូប​ខ្ញុំ​ផង​បាទ។ អរគុណ​សម្រាប់​ការ​គាំទ្រ! សូម​ឲ្យ​ទទួល​បាន​ភាព​សប្បាយ​រីករាយ ក្នុង​ការ​ប្រើ​ប្រាស់​ពុម្ព​អក្សរ​យូនីកូដ​ខ្មែរ​ថ្មី នៅដើម​ឆ្នាំ ២០១២ នេះ។ បាន​កែ​សម្រួល៖ សូម​ទាញ​យក​កំណែ

គន្លឹះ​ធ្វើ​ឲ្យ​ពុម្ព​អក្សរ​យូនីកូដ​ខ្មែរ Kh ដើរ​បាន​ល្អ​នៅ​លើ​កំណែ CS5 នៃ Photoshop, Illustrator និង InDesign

ពុម្ពអក្សរ យូនីកូដ​ខ្មែរ ជា​ប្រភេទ​ពុម្ពអក្សរ​ Open Type ដែល​អាច​ដើរ​បាន​ក្នុង​កម្មវិធី​រចនា​មួយចំនួន​ដែល​​ស្គាល់​ប្រភេទ​អក្សរ Open Type ដូច​ជា Photoshop, Illustrator និង InDesign ជាដើម។ ម្យ៉ាង​វិញ​ទៀត​កម្មវិធី​ទាំង​បី​នេះ Photoshop, Illustrator និង InDesign ក្នុង​កំណែ CS5នេះ មាន​បញ្ហា​ជាមួយ​ដំណើរ​ការ​អក្សរ​យូនីកូដ​ខ្មែរ គ្រួសារ Kh។ ដូច្នេះ​ដើម្បី​ដោះ​ស្រាយ​នោះ សូមអនុវត្ត​តាម​ការ​ណែនាំ​ដូច​ខាង​ក្រោម​នេះ។

របៀប root, ដំឡើង xRecovery និង ដំឡើង​យូនីកូដ​ខ្មែរ​លើ​ទូរស័ព្ទ X8

ប្រុង​ប្រយ័ត្ន៖ សូម​ទទួល​ខុស​ត្រូវ និង រ៉ាប់​រង ទៅ​លើ​បញ្ហា​នានា​ដោយ​ខ្លួន​ឯង នៅ​ពេល​កំពុង​ធ្វើ។ ការ Root ទូរស័ព្ទ X8 តម្រូវ​ការ​ក្នុង​ការ​ប្រតិបត្តិ៖ xRecovery 0.1 RootExplorer SuperOneClick ជំហ៊ានទី១គឺ root សិន៖ លា​បញ្ចេញ SuperOneClickv1.6.5-ShortFuse.zip ភ្ជាប់​ទូរស័ព្ទ​ទៅ​កុំព្យូទ័រ ដោយ​មិន​រើស​យក mount (ដោតធម្មតា) បើក USB Debugging mode លើទូស័ព្ទ ដោយចូលទៅ Settings => Application => Development  ហើយ​ធីក USB Debugging បើក Unknown source ដោយចូល​ទៅ setting => application ហើយធីក Unknow source (អាច​ឲ្យតំលើង​កម្មវិធីផ្សេងៗ ដោយ​មិនបាច់​ចូលផ្សារ) បើកកម្មវិធី SuperOneClick ក្នុង​កុំព្យូទ័រ​ហើយចុចលើប៊ូតុង Root រង់ចាំ​មួយ​សំទុះ វានឹង​មាន​សារ​មួយ​ប្រាប់​ថា ”not successful – is your