Firefox Archive

Firefox 12.0 Beta មាន​ជា​ភាសា​ខ្មែរ​ហើយ

យោង​តាម​ប្រកាស​ផ្សាយ​របស់​គេហទំព័រ សហគមន៍ Mozilla ខ្មែរ បាន​ឲ្យ​ដឹង​ថា «នៅ​ពេល​នេះ​កម្មវិធី Firefox ជំនាន់ 12.0 Beta មាន​ជា​ភាសា​ខ្មែរ​ហើយ» យើង​អាច​ធ្វើ​ការ​ទាញ​យក​ទៅ​ប្រើ​ប្រាស់​បាន​ដោយ​សេរី និង​ឥត​គិត​ថ្លៃ​ផង​ដែរ។ នៅ​ក្នុង​អត្ថបទ​ដើម ឯ​គេហទំព័រ​សហគមន៍​នោះ ក៏​មាន​ការ​សំណូម​ពរ​ឲ្យ​អ្នក​ប្រើ​ប្រាស់​ទាំង​អស់​គ្នា មេត្តា​សហការ​គ្នា​ជួយ​ផ្ដល់​មតិ​កែ​លម្អ​ការ​បក​ប្រែ ឲ្យ​កាន់​តែ​មាន​ភាព​ច្បាស់​លាស់ និង​ល្អ​ថែម​ទៀត។ តើ​អ្នកបាន​ត្រៀម​ខ្លួន​ក្នុង​ការ​ប្រើ​ប្រាស់ Firefox 12.0 Beta ជា​ភាសា​ខ្មែរ​ហើយឬនៅ? ចូលរួម​ទាំង​អស់​គ្នា ប្រើ​កម្មវិធី​ជា​ភាសា​ខ្មែរ ដើម្បី​លើក​តម្កើង​ភាសា​ខ្មែរ​ក្នុង​វិស័យ​បច្ចេកវិទ្យា​ព័ត៌មានវិទ្យា ឲ្យ​កាន់​តែ​រីក​ចម្រើន​ឡើង​ទៀត។ ប្រភព​ព័ត៌មាន | ទាញ​យក Firefox 12.0 Beta ជា​ភាសា​ខ្មែរ

គេហទំព័រ​ចំនួន ៤ ផ្ដល់​ឧបករណ៍​ផលិត​កូដ CSS3

អ្នក​ទាំង​អស់​គ្នា​ប្រាកដ​ជា​ធ្លាប់​ដឹង ធ្លាប់​ឮ ធ្លាប់​ស្គាល់​រួច​មក​ហើយ​អំពី CSS3។ CSS3 មាន​ការ​សរសេរ​កូដ​ច្រើន ស្មុគស្មាញ និង​តម្រូវ​ទៅ​តាម​កម្មវិធី​រុក​រក (Browser) និមួយៗ​រួម​មាន៖ Firefox, Google Chrome, Safari, Opera, IE ជាដើម។

រចនា​អក្សរ 3D ជាមួយ CSS3

នេះ​កាន់​តែ​ពិសេស​ថែម​ទៀត​ហើយ ដែល​យើង​អាច​រចនា​អក្សរ​ឲ្យ​ទៅ​ជា​លក្ខណៈ 3D ដោយ​ការ​ប្រើ​ប្រាស់ CSS3។ ចង់​ដឹង​ថា​ធ្វើម្ដេច​ដែរ​ឬទេ?

អក្សរ​យូនីកូដ​ខ្មែរ បង្ហាញ​បាន​យ៉ាង​ត្រឹម​ត្រូវ​នៅ​ក្នុង Google Maps

ផែន​ទី​គឺ​ជា​របស់​ដ៏​សំខាន់​មួយ​សម្រាប់​អ្នក ក្នុង​ការ​ធ្វើ​ដំណើរ​ទៅ​កាន់​ទី​កន្លែង​ណា​មួយ ដែល​ពុំ​ស្គាល់​ទីតាំង​ភូមិសាស្ត្រ​នោះ​មិន​សូវ​ច្បាស់។ ផែន​ទី​អាច​ជា​ក្រដាស​មួយ​ផ្ទាំង​ធំ ឬ​ជា​ក្រដាស​តូចៗ​ក៏​មាន តែ​សម័យ​នេះ​ជា​សម័យកុំព្យូទ័រ វិវឌ្ឍនភាព​នៃ​បច្ចេកវិទ្យា​នេះ​ចេះ​តែ​រីក​ចម្រើន​ទៅ​មុន បាន​បង្កើត​ឲ្យ​មាន​របស់​ថ្មីៗ​នៅ​ក្នុង​ពិភព​ឌីជីថល សម្រាប់​ឲ្យ​មនុស្ស​ប្រើ​ប្រាស់​បង្ក​នូវ​លក្ខណៈ​ងាយ​ស្រួល។ តួ​យ៉ាង​ដូច​ជា Google បាន​បង្កើត​សេវាកម្ម​ជា​ច្រើន​អនេក ក្នុង​នោះ​មាន Google Maps ជា​បច្ចេកវិទ្យា​ដ៏​ល្អ​អស្ចារ្យ​មួយ​ផ្ដល់​ផែន​ទី​សម្រាប់​មើល​ទីតាំង​ភូមិសាស្ត្រ​នៅ​លើ​ពិភព​លោក​យើង​នេះ។ នៅ​តាម​តំបន់​និមួយៗ ត្រូវ​បាន​ផ្ដល់​ឈ្មោះ​ជា​ភាសា​អង់គ្លេស និង​ជា​ភាសា​នៅ​តំបន់​នោះ ឧទាហរណ៍​ដូច​ជា​នៅ​ប្រទេស​ថៃ, វៀតណាម ជាដើម។ ដោយ​ឡែក​ផែន​ទី​នៅ​ប្រទេស​កម្ពុជា​យើង ក៏​មាន​ការ​បញ្ចូល​ឈ្មោះ​ជា​ភាសា​ជាតិ​ខ្មែរ​ដែរ ក៏​ប៉ុន្តែ​ផែន​ទី Google ពុំ​អាច​បង្ហាញ​អក្សរ​យើង​បាន​សោះ បែរ​ជា​ឃើញ​ជ្រុងៗ​ទៅ​វិញ (ដូច​រូប​ខាង​ក្រោម)។ តែ​នៅ​ពេល​បច្ចុប្បន្ន បញ្ហា​នេះ​ត្រូវ​បាន​កែ​សម្រួល​រួច​ហើយ ដោយសារ Google បាន​ប្រើ​ប្រាស់​បច្ចេកវិទ្យា​ថ្មី​ឈ្មោះ​ថា MapsGL ដែល​មាន​បង្អែក​ទៅ​លើ WebGL*។ *WebGL ជា​បច្ចេកវិទ្យា​មួយ​សម្រាប់​កម្មវិធី​រុក​រក (Web Browser) ក្នុង​ការ​បង្ហាញ​រូប 3D ដោយ​ពុំ​ត្រូវ​ការ​កម្មវិធី​ជំនួយ​ពី​ខាង​ក្រៅ​ទៀត​ឡើយ។ WebGL ត្រូវ​បាន​អភិវឌ្ឍ​ដោយ Mozilla។ WebGL ត្រូវ​បាន​ដាក់​បញ្ចូល​ក្នុង៖ Firefox – 4.0+ Google Chrome –

Flash នឹង​លែង​មាន​លើ Linux

លោក​អ្នក​ប្រាកដ​ជា​ដឹង​ហើយ​ថា Flash ជា​បច្ចេកវិទ្យា​មួយ​របស់​ក្រុម​ហ៊ុន Adobe ក្នុង​ការ​បង្កើត​កម្មវិធី (វីដេអូ, គំនូរ​ជីវចល, ហ្គេម…..) ដែល​អាច​បើក​បាន​ស្ទើរ​តែ​គ្រប់​ប្រព័ន្ធ​ប្រតិបត្តិការ (កុំព្យូទ័រ, ទូរស័ព្ទ)។ ទោះ​បី​ជា HTML5 ចេញ​មក អាច​ជំនួស Flash បាន​ច្រើន​អន្លើ​ក្ដី ក៏ Flash នៅ​តែ​ទទួល​ការ​ពេញ​និយម​ក្នុង​ការ​ប្រើ​ប្រាស់​ដែរ។ តាម​អត្ថបទ​ផ្សាយ​ថ្មី​មួយ​របស់​ក្រុម​ហ៊ុន Adobe បាន​ឲ្យ​ដឹង​ថា ខ្លួន និង Google កំពុង​ធ្វើ​ការ​នៅ​លើ​បច្ចេកវិទ្យា​ថ្មី​មួយ​ទៀត ដែល​មាន​ឈ្មោះ​ថា PEPPER ផ្អែក​ទៅ​លើ Flash របស់​ក្រុម​ហ៊ុន Adobe ដើម្បី​ប្រើ​នៅ​ក្នុង​កម្មវិធី​រុក​រក (Browser) នៅ​គ្រប់​ប្រព័ន្ធ​ប្រតិបត្តិការ​កុំព្យូទ័រ រួម​មាន Linux ជាដើម។ ប្រហែល​ជា​នៅ​ចុង​ឆ្នាំ​នេះ Google នឹង​ធ្វើ​ការ​ចែក​ចាយ​កម្មវិធី (plugin) ថ្មី​មួយ​នេះ​ទៅ​គ្រប់​កម្មវិធី Chrome របស់​ខ្លួន​ដែល​មាន​នៅ​គ្រប់​ប្រព័ន្ធ​ប្រតិបត្តិការ​កុំព្យូទ័រ រួម​មាន Linux ដែរ​នោះ។ ក្នុង​សេចក្ដី​ប្រកាស​ផ្សាយ​របស់ Adobe ដដែល​នោះ​ក៏​បាន​ឲ្យ​ដឹង​ដែរ​ថា៖ «សម្រាប់​ជំនាន់ Flash Player ដែល​ចេញ​ក្រោយ

“ព្រឹត្តិការណ៍​បើក​ទូលាយ” ត្រូវ​បាន​បញ្ចប់​ដោយ​ជោគជ័យ

កាល​ពី​សប្ដាហ៍​មុន IT4U បាន​ផ្សព្វផ្សាយ​អំពី​កម្មវិធី​ចែក​រំលែក​ចំណេះ​ដឹង​ផ្នែក​ព័ត៌មាន​វិទ្យា​មួយ ក្រោម​ប្រធាន​បទ “ព្រឹត្តិការណ៍​បើក​ទូលាយ” ដែល​មាន​ការ​ចូលរួម​ធ្វើ​បទ​បង្ហាញ​ដោយ​អ្នក​មាន​ជំនាញ​លើ​ផ្នែក​ផ្សេងៗ ហើយ​ត្រូវ​បាន​ប្រារព្ធ​ឡើង​នៅ​ថ្ងៃ​ទី១៩ ខែ​កុម្ភៈ ឆ្នាំ​២០១២ កន្លង​ទៅ​នេះ នៅ​ឯ សាកលវិទ្យាល័យ​ហ្សាម៉ាន់។ តាម​ស្ថិតិ​កន្លង​មក បាន​ឲ្យ​ដឹង​ថា អ្នក​ចូលរួម​មាន​ចំនួន​សុរប​ជាង ២០០នាក់ រួម​មាន​ដូច​ជា ព្រះ​សង្ឃ សាស្ត្រាចារ្យ បុគ្គលិក និស្សិត និង សិស្សានុសិស្ស ជា​ច្រើន​ផង​ដែរ។ គួរ​បញ្ជាក់​ឡើង​វិញ​ផង​ដែរ ក្នុង​កម្មវិធី​នា​ថ្ងៃ​នោះ​មាន​ប្រធាន​បទ​ចំនួន ៩ ដែល​ត្រូវ​បាន​ធ្វើ​បទ​បង្ហាញ មាន​ដូច​ជា៖ សារៈ​សំខាន់​នៃ​សន្តិសុខ​ព័ត៌មាន (ដោយ៖ លោក អ៊ូ-ផាន់ណារិទ្ធិ) វិគីភីឌា ភាសា​ខ្មែរ (ដោយ៖ ទេព សុវិចិត្រ) កូដ​បើក​ចំហ ឬ Open Source (ដោយ៖ លោក អ៊ូច-សារ៉ាត់) ការ​ដំឡើង WordPress ឯកជន (ដោយ៖ លោក ឡាវ-សុភ័ក្ត្រ និង​លោក ធលធឿន-ចាន់​សុវណ្ណ) ការ​រចនា និង​បង្កើត​ពុម្ព​អក្សរ​យូនីកូដ​ខ្មែរ

Ubuntu កំណែ ១១.១០ ចេញ​ផ្សាយ​ជា​ផ្លូវ​ការ​ហើយ – តើ​មាន​អ្វី​ថ្មី​ខ្លះ?

ក្រោយ​ពី​ការ​អភិវឌ្ឍ​ចំនួន ៦ ខែ​កន្លង​មក​នេះ ទីបំផុត​កំណែ​ថ្មី​របស់ Ubuntu គឺ ១១.១០ ត្រូវ​បាន​ដាក់​ឲ្យ​ប្រើ​ជា​ផ្លូវ​ការ​ហើយ ដែល​មាន​ល្បឿន​បើក​ដំណើរ​ការ (boot) លឿន​ជាង​មុន​ថែម​ទៀត​ផង។ ខាង​ក្រោម​នេះ​គឺ​ជាបន្លាស់​ប្ដូរ​ថ្មីៗ​នៅ​ក្នុង​កំណែ​មួយ​នេះ ដោយ​រៀប​រាប់​ជា​ត្រួសៗ។ បន្លាស់​ប្ដូរ Unity Unity គឺ​ជា​រូបរាង​អេក្រង់​ខាង​មុខ (Desktop Environment) ត្រូវ​បាន​អភិវឌ្ឍ​ឲ្យ​មាន​ទិដ្ឋភាព​ថ្មី ព្រម​ទាំង​បង្កើន​ល្បឿន​តម្រង​ឯកសារ (Filter) និង រយៈ​ពេល​ផ្ទុក (Loading Time) ជា​ដើម ដែល​ជា​ហេតុ​នាំ​ឲ្យ​អ្នក​ងាយ​ស្រួល​ក្នុង​ការ​ស្វែង​រក​កម្មវិធី និង​ឯកសារទាំង​ឡាយ។ រូបរាង ក្នុង​បន្លាស់​ប្ដូរ​ថ្មី​នេះ​ផង​ដែរ Ubuntu 11.10 ក៏​ត្រូវ​បាន​អភិវឌ្ឍ​បន្ថែម​ទៅ​លើ​រូបរាង​ផ្ទាំង​កម្មវិធី ឲ្យ​ភាព​រលោង និង​ស្អាត​ជាង​មុន ព្រម​ទាំង​បាន​ភ្ជាប់​មក​នូវ​រូប​ផ្ទៃ​ក្រោយ (Background Image) ថ្មីៗ​ចំនួន​១៤​ទៀត។ ផ្ទាំង​ភ្ជាប់​ចូល​ថ្មី (New Login Screen) ផ្ទាំង​ភ្ជាប់​ចូល​ថ្មី​នេះ​គឺ​ជា​កម្មវិធី​បន្ថែម​មួយ​ដែល​មាន​ឈ្មោះ​ថា LightDM , ផ្ទាំង​នេះ​មាន​សភាព​ស្រឡះ​ជាង​មុន និង​មាន​សភាព​លឿន​រហ័ស​ជាង​មុន​ដែរ ព្រោះ​តែ LightDM ជា​កម្មវិធី​ផ្នែក​បន្ថែម​ដែល​មាន​ទំហំ​តូច។ កម្មវិធី​អនុវត្ត​ដែល​ភ្ជាប់​មក​ជាមួយ (មួយ​ចំនួន) -Firefox

GNOME 3.2 ត្រូវ​បាន​ចេញ​ផ្សាយ

GNOME គឺ​ជា​រូបរាង​អេក្រង់​ខាង​មុខ (Desktop Environment) ដែល​ត្រូវ​បាន​ដាក់​ឲ្យ​ប្រើ​បាន​យ៉ាង​ទូលាយ​នៅ​ក្នុង​ប្រព័ន្ធ​ប្រតិបត្តិការ​លីនុច​មួយ​ចំនួន​​ធំ ដូច​ជា Ubuntu, moonOS, Fedora ជាដើម។ ហើយ​នៅ​ពេល​ថ្មីៗ​នេះ GNOME បាន​ផ្សាយ​កំណែ​ថ្មី​របស់​ខ្លួន​គឺ កំណែ​៣.២។ តើ​ក្នុង​កំណែ​ថ្មី​នេះ មាន​លក្ខណៈ​ពិសេស​អ្វី​ខ្លះ​ទៅ? តើ​មាន​អ្វី​ថ្មី​នៅ​ក្នុង GNOME 3.2? -គណនី​លើ​បណ្ដាញ (Online Account): ជា​ទី​កន្លែង​មួយ​ដែល​អ្នក​អាច​គ្រប់​គ្រង​គណនី​នៅ​លើ​បណ្ដាញ​អ៊ីនធ័រណិត។ ក្នុង​នោះ​រួម​មាន​ដូច​ជា Google Mail, ប្រតិទិន, បញ្ជី​ឈ្មោះ​ទាក់​ទង (Contacts), ការ​ជជែក, និង សំណុំ​ឯកសារ (Documents) ដែល​មាន​ភ្ជាប់​មក​ជាមួយ GNOME 3.2 UI។ -GNOME សំណុំ​ឯកសារ (GNOME Documents): សំណុំ​ឯកសារ (Documents) ជា​ផ្នែក​ថ្មី​មួយ​របស់ GNOME ដែល​អនុញ្ញាត​ឲ្យ​អ្នក​អាច​គ្រប់​គ្រង​ឯកសារ​អត្ថបទ​នានា​របស់​អ្នក ទាំង​នៅ​លើ​អ៊ីនធ័រណិត (ដូច​ជា Google Docs) និង​ក្នុង​កុំព្យូទ័រ។ -GNOME បញ្ជី​ឈ្មោះ​ទំនាក់​ទំនង (GNOME Contacts):