Android Archive

សទ្ទានុក្រម​ពាក្យ​កុំព្យូទ័រ អង់គ្លេស-ខ្មែរ សម្រាប់ WP, Android និង iOS

តាម​ការ​ផ្សាយ​អត្ថបទ​មួយ​នៅ​ក្នុង​ប្លក់ KhmerType របស់​លោកដាញ់ ហុង (អ្នក​ជំនាញ​ធ្វើ​ពុម្ព​អក្សរ​ខ្មែរ​យូនីកូដ) បាន​ឲ្យ​ដឹង​ថា កម្មវិធី​សទ្ទានុក្រម​ពាក្យ​កុំព្យូទ័រ អង់គ្លេស-ខ្មែរ សម្រាប់ Windows Phone នឹង​ដាក់ឲ្យ​ទាញ​យក​នៅ​ពេល​ឆាប់ៗ​ខាង​មុខ​នេះ។ តែ​លោក​ក៏​បាន​បញ្ជាក់​ផង​ដែរ​ថា​កំណែ​សម្រាប់ iOS និង Android កំពុង​ស្ថិត​នៅ​ក្នុង​ការ​ស្ថាបនា​ហើយ​ក៏​នឹង​ចេញ​តាម​ក្រោយ​ដែរ។ កម្មវិធី​សទ្ទានុក្រម​មួយ​នេះ នឹង​ជួយ​ឲ្យ​អ្នក​ងាយ​ស្រួល​ក្នុង​ការ​បក​ប្រែ​ពាក្យ​បច្ចេកទេស​កុំព្យូទ័រ​ជា​ភាសា​អង់គ្លេស ទៅ​ជា​ភាសា​ខ្មែរ​បាន​យ៉ាង​ងាយ​ស្រួល ហើយ​នេះ​ក៏​ជា​ចំណែក​មួយ​ក្នុង​ការ​លើក​កម្ពស់​អក្សរ​និង​ភាសា​ខ្មែរ​នៅ​ក្នុង​ផ្នែក​បច្ចេកវិទ្យា​ព័ត៌មាន​នា​ពេល​បច្ចុប្បន្ន​នេះ។

Snapseed – កម្មវិធី​កែ​រូបថត​បាន​យ៉ាង​ល្អ​និង​ងាយ​ស្រួល នៅ​លើ Android

កម្មវិធី​កែ​រូប​ភាព​ជា​ច្រើន​បាន​និង​កំពុង​ចរាចរ​នៅ​ក្នុង​ទី​ប្រជុំ​កម្មវិធី Android ។ Camera 360, PicsArt និង Photowonder សុទ្ធ​តែ​ជា​កម្មវិធី​ដែល​មាន​ប្រជាប្រិយភាព​យ៉ាង​ខ្លាំង​នៅ​ក្នុង​ពិភព Android ក្នុង​មុខងារ​កែ​ច្នៃ​រូបថត។ តែ​នៅ​ពេល​នេះ កម្មវិធី Snapseed ក៏​មាន​វត្តមាន​ដែរ។ Snapseed មាន​រូបរាង​សាមញ្ញ ងាយ​ប្រើ​ប្រាស់ ហើយ​ប្រកប​ទៅ​ដោយ​ឧបករណ៍​កែ​រូប​ថត​បាន​យ៉ាង​ល្អ។ លក្ខណៈ​ពិសេស​ដែល Snapseed អាច​ធ្វើ​បាន​មាន​ដូច​ជា៖ កែ​សម្រួល​ដោយ​ស្វ័យ​ប្រវត្តិ Selective Adjust Tune Image តម្រង់​រូប​ភាព ច្រឹប​រូប Details ស និង ខ្មៅ Vintage Drama Grunge Center Focus ដាក់ស៊ុម Tilt-Shift ប៉ុន្មាន​ខាង​លើ​នេះ​គឺ​ជា​មុខ​ងារ​ដែល Snapseed អាច​ធ្វើ​បាន។ ខ្ញុំ​ពុំ​ហ៊ាន​និយាយ​ថា​កម្មវិធី​មួយ​ណា​ល្អ​ជាង​ទេ តែ​សូម​ឲ្យ​អ្នក​ទាំង​អស់​គ្នា​សាក​ប្រើ ហើយ​ជ្រើស​រើស​យក​កម្មវិធី​ណា​មួយ​ដែល​អ្នក​ពេញ​ចិត្ត។ សម្រាប់ Android ខ្ញុំ​សុំ​បញ្ជាក់​ផង​ថា Snapseed អាច​ប្រើ​បាន​ចំពោះ​តែ​ជំនាន់ ICS ឡើង​លើ​តែ​ប៉ុណ្ណោះ។ ទិដ្ឋភាព​របស់​កម្មវិធី  

ទាញ​យក​រូប​ភាព​របស់​អ្នក​ពី Instagram ទាំង​អស់​ជា​កញ្ចប់ ZIP

Instagram ជា​កម្មវិធី​មួយ​ដ៏​ល្បី​ល្បាញ ឬ​ក៏​អាច​ហៅ​ថា​ជា​សហគមន៍​មួយ​ដ៏​ធំ ក្នុង​ការ​ចែក​រំលែក​រូបថត​របស់​អ្នក​បាន​ភ្លាម ទៅ​កាន់​មនុស្ស​នៅ​ជុំ​វិញ​ខ្លួន​អ្នក ព្រម​ទាំង​ទៅ​ក្នុង​គណនី Facebook និង​បណ្ដាញ​សង្គម​នានា​ដែរ។ អ្នក​អាច​ឆ្លើយ​ឆ្លង ជជែក​កម្សាន្ត និង​ចូល​ចិត្ត​រូប​ណា​មួយ​ដែល​មនុស្ស​ទាំង​ឡាយ​បាន​ដាក់​ផ្សាយ។ ដោយ​សារ​តែ​ភាព​ល្បី​ល្បាញ​និង​ងាយ​ស្រួល​នេះ​ហើយ ទើប Facebook បាន​ចំណាយ​ប្រាក់​ទិញ Instagram ក្នុង​តម្លៃ​ជាង ១ពាន់​លាន​ដុល្លារ។ ម្យ៉ាង​វិញ​ទៀត ពី​មួយ​ថ្ងៃ​ទៅ​មួយ​ថ្ងៃ អ្នក​ដែល​ចូល​ចិត្ត​ប្រើ​ប្រាស់ Instagram តែង​តែ​ថត​រូប​ដាក់​ជា​ញឹកញាប់ តែ​មិន​ប្រាកដ​ថា រូប​ដែល​ដាក់​ក្នុង Instagram រួច​ហើយ​លុប​រូប​ក្នុង​ទូរសព្ទ​ចោល​នោះ​ទេ។ ដូច្នេះ​ប្រសិន​បើ​សិន​អ្នក​បាន​លុប​រូប​ទាំង​អស់​ក្នុង​ទូរស័ព្ទ​ហើយ (រូប​ដែល​ដាក់​ក្នុង Instagram) អ្នក​មិន​បាច់​បារម្ភ​ក្នុង​ការ​ស្វែង​រក​វា​ឡើយ។ អ្នក​អាច​ប្រើ​បាន​ជាមួយ​កម្មវិធី Instarchive ដែល​ជួយ​ឲ្យ​អ្នក​ទាញ​យក​រូប​ទាំង​ឡាយ ដែល​បាន​ដាក់​ក្នុង Instagram មក​ក្រៅ​ទាំង​អស់។ ដើម្បី​ទាញ​យក​បាន អ្នក​ពុំ​បាច់​ត្រូវ​ការ​អ្វី​ច្រើន​នោះ​ឡើយ។ ដូច្នេះ​ដើម្បី​ឲ្យ​ច្បាស់​ថែម​ទៀត ធ្វើ​តាម​ដំណាក់​កាល​ខាង​ក្រោម៖ ១. សូម​ចូល​ទៅ​កាន់​គេហទំព័រ Instarchive ហើយ​ចុច​លើ​ពាក្យ Connect with Instagram ២. សូម​បំពេញ​ព័ត៌មាន​គណនី​របស់​អ្នក ៣. ចុច​លើ​ប៊ូតុង Authorize ដើម្បី​អនុញ្ញាត​ឲ្យ​ភ្ជាប់​ទៅ Instagram ៤. នៅ​ពេល​នេះ​អ្នក​អាច​ទាញ​យក​រូប​ភាព​របស់​អ្នក​បាន​ហើយ!

តើ Ubuntu អាច​ប្រកួត​ប្រជែង​នឹង iOS និង Android ក្នុង​វិស័យ​បច្ចេកវិទ្យា Tablet ដែរ​ឬទេ?

នៅ​ពេល​បច្ចុប្បន្ន​នេះ Canonical ដែល​ជា​អ្នក​ផ្គត់​ផ្គង់ Ubuntu បាន​ប្រឹង​ប្រែង​ពង្រីក​ទី​ផ្សារ និងសមត្ថភាព​នៃ Ubuntu ឲ្យ​មាន​ការ​រីក​ចម្រើន​កាន់​តែ​ធំ​ទៅៗ ក្នុង​នោះ​មាន​ដូច​ជា​ផ្នែក៖ កុំព្យូទ័រ, ទូរស័ព្ទ (ជា​ការ​គ្រោង​ទុក), ទូរទស្សន៍ (Ubuntu TV) ។ ហើយ​នៅ​ពេល​ថ្មីៗ​នេះ តាម​រយៈ​គេហទំព័រ OMG! Ubuntu! បាន​ឲ្យ​ដឹង​ថា Ubuntu មាន​គម្រោង​ដាក់​ប្រព័ន្ធ​ប្រតិបត្តិការ​របស់​ខ្លួន​ទៅ​ក្នុង Tablet ។ សកម្មភាព​បែប​នេះ នឹង​បង្ក​ឲ្យ​មាន​ការ​ប្រកួត​ប្រជែង​ថែម​ទៀត រវាង Ubuntu និង Android ព្រម​ទាំង iOS។ តាម​សម្ដី​របស់​អ្នក​ស្រី Jane Silber ដែល​ជា​នាយក​ប្រធាន​ប្រតិបត្តិនៃ Canonical បាន​ឲ្យ​ដឹង​ថា៖ “ពួក​យើង​ដឹង​ថា​ យើង​យឺត, រី​ឯប្រកួត​ប្រជែង​មិន​ទាន់​ត្រូវ​បាន​បញ្ចប់​ទេ ហើយ​យើង​ចង់​ចូលរួម​ក្នុង​ការ​ប្រកួត​ប្រជែង​នេះ។” Ubuntu គឺ​ជា​ប្រព័ន្ធ​ប្រតិបត្តិការ (ប្រព័ន្ធ​ដំណើរ​ការ) ដែល​ត្រូវ​បាន​ដាក់​ឲ្យ​ប្រើ​ដំបូង​នៅ​ថ្ងៃ​ទី២០ ខែ​តុលា ឆ្នាំ​២០០៤។ វា​ត្រូវ​បាន​ទទួល​ការ​ពេញ​និយម​ខ្លាំងក្លា ហើយ​មាន​ការ​ប្រើ​ប្រាស់​យ៉ាង​ច្រើន ជា​ពិសេស​នៅ​ទ្វីប​អឺរ៉ុប។ Ubuntu ត្រូវ​បាន​ដាក់​ឲ្យ​ប្រើ​ប្រាស់​ដោយ​ឥត​គិត​ថ្លៃ ហើយ​មាន​ក្រុម​ហ៊ុន

បន្ថយ​ពន្លឺ​អេក្រង់​ទូរស័ព្ទ​របស់​អ្នក​ជាមួយ Screen Filter [Android]

តើ​អ្នក​ឧស្សាហ៍​ប្រើ​ទូរស័ព្ទ (Android) នៅ​ពេល​យប់ៗ​បិទ​ភ្លើង​ដែរ​ឬទេ? ពេល​អ្នក​ប្រឹង​សម្លឹង​មើល អ្នក​នឹង​មាន​អារម្មណ៍​ថា​ឈឺ​ភ្នែក និង​ចាំង​ភ្នែក​ណាស់។ ដូច្នេះ​ដើម្បី​បង្កា​រ​សភាព​ទាំង​នោះ អ្នក​អាច​ដំឡើង​កម្មវិធី Screen Filter ប្រើ​បាន។ កម្មវិធី​នេះ​មាន​លក្ខណៈ​ពិសេស​ដូច​ជា៖ បន្ថយ​ពន្លឺ​អេក្រង់​ទូរស័ព្ទ ជួយ​សន្សំ​សំចៃ​ថ្ម បញ្ជាក់​សួរ នៅ​ពេល​កំណត់​ពន្លឺ​ទាប​មែន​ទែន កំណត់ Widget នៃ​កម្មវិធី​នេះ​នៅ​លើ​អេក្រង់​ខាង​មុខ (desktop) ជាមួយ​នឹង​ចំនួន​ភាគ​រយ​នៃ​ពន្លឺ​អេក្រង់ ដើម្បី​ចុច​បិទ​បើក​កម្មវិធី​នេះ​មិន​ពិបាក​ទេ គ្រាន់​តែ​ទាញ​រូប​តំណាង​កម្មវិធី មក​ដាក់​នៅ​លើ​អេក្រង់​ខាង​មុខ (desktop) បន្ទាប់​មក​ចុច​លើក​ទី១ គឺ​បើក ហើយ​ចុច​លើក​ទី២ គឺ​បិទ។ តើ​អ្នក​ពេញ​ចិត្ត​នឹង​កម្មវិធី​នេះ​ដែរ​ឬទេ? បើ​ពេញ​ចិត្ត​សូម​ចុច​លើ​តំណ​ខាង​ក្រោម​ដើម្បី​ចូល​ទៅ​ទាញ​យក​កម្មវិធី​នេះ។ ទាញ​យក​កម្មវិធី Screen Filter

កម្មវិធី Android៖ រៀន​បត់​យន្តហោះ​ក្រដាស

កម្មវិធី​នេះ​នឹង​បង្រៀន​អ្នក​ឲ្យ​ចេះ​អំពី​របៀប​បត់​យន្តហោះ​ក្រដាស ជាមួយនឹង​នឹង​ចលនា 3D ដែលអ្នក​ងាយ​ស្រួល​ក្នុង​ការ​រៀន​តាម បាន​ភ្លាមៗតាម​រយៈ​ទូរស័ព្ទ Android របស់​អ្នក។ នៅ​ក្នុង​នោះ​មាន​ប្រភេទ​យន្តហោះ​មួយ​ចំនួន​ដូច​ជា យន្តហោះ​ចម្បាំង​ជាដើម។ តើ​អ្នក​ចូល​ចិត្ត​បត់​យន្តហោះក្រដាស​ដែរ​ឬទេ? បើ​ចូល​ចិត្ត កុំ​ភ្លេច​ទាញ​យក​កម្មវិធី​នេះ​ទៅ​បញ្ចូល​ក្នុង​ទូរស័ព្ទ Android របស់អ្នក។ ទាញ​យក​កម្មវិធី How to make Paper Airplane

ភូមិ វចនានុក្រម អង់គ្លេស – ខ្មែរ សម្រាប់​ទូរស័ព្ទ Android

ភូមិ គឺ​ជា​វចនានុក្រម​អេឡិកត្រូនិក​ភាសា អង់គ្លេស – ខ្មែរ ដ៏​ល្អ​មួយ​សម្រាប់​ទូរស័ព្ទ Android របស់​អ្នក។ វចនានុក្រម​នេះ​មាន​ភាព​រហ័ស​រហួន​ក្នុង​ការ​ស្វែង​រក​ពាក្យ, ប្រើ​បាន​ដោយ​ឥត​គិត​ប្រាក់​សម្រាប់​អ្នក​ប្រើ​ប្រាស់ Android គ្រប់ៗ​គ្នា។ កម្មវិធី​នេះ​ស្ថិត​នៅ​ក្នុង​កំណែ ១.០ នៅ​ឡើយ តែ​តាម​រយៈ​ព័ត៌មាន​បាន​ឲ្យ​ដឹង​ថា​នៅ​ក្នុង​កំណែ ២.០ នឹង​មាន​ដាក់​បញ្ចូល​វចនានុក្រម ខ្មែរ – អង់គ្លេស មួយ​ថែម​ទៀត។ ទាញ​យក​កម្មវិធី​វចនានុក្រម ភូមិ ពី​ផ្សារ​កម្មវិធី កម្មវិធី​វចនានុក្រម​មួយ​នេះ​ត្រូវ​បាន​ឧបត្ថម្ភ​ដោយ៖ GGear Co., LTD.

របៀប root, ដំឡើង xRecovery និង ដំឡើង​យូនីកូដ​ខ្មែរ​លើ​ទូរស័ព្ទ X8

ប្រុង​ប្រយ័ត្ន៖ សូម​ទទួល​ខុស​ត្រូវ និង រ៉ាប់​រង ទៅ​លើ​បញ្ហា​នានា​ដោយ​ខ្លួន​ឯង នៅ​ពេល​កំពុង​ធ្វើ។ ការ Root ទូរស័ព្ទ X8 តម្រូវ​ការ​ក្នុង​ការ​ប្រតិបត្តិ៖ xRecovery 0.1 RootExplorer SuperOneClick ជំហ៊ានទី១គឺ root សិន៖ លា​បញ្ចេញ SuperOneClickv1.6.5-ShortFuse.zip ភ្ជាប់​ទូរស័ព្ទ​ទៅ​កុំព្យូទ័រ ដោយ​មិន​រើស​យក mount (ដោតធម្មតា) បើក USB Debugging mode លើទូស័ព្ទ ដោយចូលទៅ Settings => Application => Development  ហើយ​ធីក USB Debugging បើក Unknown source ដោយចូល​ទៅ setting => application ហើយធីក Unknow source (អាច​ឲ្យតំលើង​កម្មវិធីផ្សេងៗ ដោយ​មិនបាច់​ចូលផ្សារ) បើកកម្មវិធី SuperOneClick ក្នុង​កុំព្យូទ័រ​ហើយចុចលើប៊ូតុង Root រង់ចាំ​មួយ​សំទុះ វានឹង​មាន​សារ​មួយ​ប្រាប់​ថា ”not successful – is your