ឥត​គិត​ថ្លៃ Archive

TiltShiftGenerator កម្មវិធី​បន្ថែម​ភាព​ព្រិល​ទៅ​លើ​រូប

មាន​កម្មវិធី​កែ​សម្រួល​រូប​ភាព​ជា​ច្រើន ដែល​ដាក់​ឲ្យ​ប្រើ​ដោយ​សេរី តែ​កម្មវិធី​ទាំង​នោះ ភាគ​ច្រើនមាន​ត្រឹម​តែ​ការ​បន្ថែម​សភាព (effect) sepia, emboss, sketch ជាដើមប៉ុណ្ណោះ។ TiltShiftGenerator គឺ​ជា​កម្មវិធី​កែ​សម្រួល​រូប​ភាព​មួយ ដែល​អាច​ដាក់​នូវ​ភាព​ព្រិល ទៅ​លើ​ផ្នែក​ណា​មួយ (ជុំវិញ, សងខាង) នៃ​រូប​ភាព។ អ្នក​អាច​ប្រើ​កម្មវិធី​នេះ​ដោយ​ឥត​គិត​ថ្លៃ​នៅ​លើ កុំព្យូទ័រ និង ទូរស័ព្ទ iPhone។ អ្នក​អាច​ប្រើ​កម្មវិធី​នេះ​បាន លុះ​ត្រា​អ្នក​បាន​ដំឡើង Adobe Air ជា​មុន​សិន។ កម្មវិធី​នេះ​អាច​ប្រើ​បាន​នៅ​លើ​ប្រព័ន្ធ​ប្រតិបត្តិការកុំព្យូទ័រ​ទាំង​បី​គឺ៖ Windows, Linux, Mac OS ។ នៅ​ក្នុង​កម្មវិធី​នោះ​អ្នក​អាច​កែ​សម្រួល​បាន​ដូច​ជា៖ បន្ថែម​ភាព​ព្រិល​ជា​រង្វង់​ជុំ​វិញ​ផ្នែក​ណា​មួយ​នៃ​រូប (Radial) បន្ថែម​ភាព​ព្រឹល​ជា​បន្ទាត់​បណ្ដោយ លើ​ផ្នែក​ណា​មួយ​នៃ​រូប (Linear) Saturation Contrast គុណភាព (Quality) ហើយ​គ្រប់​រូប​ភាព​ត្រូវ​បាន​រក្សា​ទុក​ជា​ប្រភេទ JPEG។ បើ​អ្នក​ចង់​កែ​សម្រួល​លើ​រូប​ភាព​របស់​អ្នក​នោះ ជា​ដំបូង​គ្រាន់​តែ​ចុច​លើ​ប៊ូតុង​ក្រហម​ដែល​មាន​ពាក្យ​ថា “Open” បន្ទាប់​មក​រើស​យក​រូប​ភាព​ណា​មួយ​ដែល​អ្នក​ពេញ​ចិត្ត​នឹង​កែ​សម្រួល។ បន្ទាប់​ពី​បញ្ចប់​កិច្ច​ការ​ហើយ ចុច​លើ​ប៊ូតុង​ក្រហម​មាន​ពាក្យ​ថា “Save” ដើម្បី​រក្សា​ទុក​រូប​ភាព​នោះ។ ទាញ​យក TiltShiftGenerator [AdditiveTips]

កម្មវិធី Khmer Translator បង្កើត​ដោយ​ក្រុម Veayo.com អាច​ប្រើ​បាន​ជាមួយ Google Chrome ហើយ

អីយ៉ា! ពិត​ជា​ងាយ​ស្រួល​ជាង​មុន​ហើយ! នៅ​ពេល​នេះ​កម្មវិធី Khmer Translator ដែល​បង្កើត​ដោយ​ក្រុម Veayo.com អាច​ដំណើរ​ការ​បាន​យ៉ាង​ស្រួល​នៅ​លើ Google Chrome ហើយ។ កាល​មុន​ទើប​តែ​ដំណើរ​ការ​លើ Firefox និង IE ប៉ុណ្ណោះ។ សូម​អរគុណ​សម្រាប់​ការ​ខិត​ខំ​អភិវឌ្ឍ​របស់​ក្រុម Veayo.com ទៅ​លើកម្មវិធី Khmer Translator មួយ​នេះ។ លោក​អ្នក​អាច​ធ្វើ​ការ​ដំឡើង​បាន ដោយ​ចូល​ទៅ​ក្នុង​គេហទំព័រ veayo.com។   សូម​ទទួល​បាន​ភាពរីករាយ និង​ភាព​ងាយ​ស្រួល​ជាមួយ​កម្មវិធី Khmer Translator ដែល​អាច​បកប្រែ​បាន​ច្រើន​ជាង ៣០ភាសា។ ^_^ បញ្ជាក់៖ កម្មវិធី​នេះ​ដើរ​បាន​នៅ​លើ IE 8,9 ; Firefox; Google Chrome

កម្មវិធី​ពិនិត្យ​អក្ខរាវិរុទ្ធ​ខ្មែរ​លើ Firefox ដោយ​លោក ទឹម បឿន

កាល​ពី​ថ្ងៃ​ទី ៣០ ខែ​មេសា ឆ្នាំ​២០១១ កន្លង​ទៅ​នេះ លោក ទឹម បឿន បាន​ដាក់​ប្រកាស​អំពី​កម្មវិធី​ពិនិត្យ​អក្ខរាវិរុទ្ធ​ខ្មែរ​នៅ​លើ Firefox ចាប់​ពី 2.0 ដល់ 6.0a1 ក្នុង​ប្លក់​ផ្ទាល់​ខ្លួន​របស់​គាត់ [http://4khmer.wordpress.com/]។ ដើម្បី​ដំឡើង​កម្មវិធី​នេះ សូម​ចូល​ទៅ​កាន់​ទំព័រ​នេះ និង ដំឡើង​វា​ទៅ​ក្នុង​កម្មវិធី Firefox របស់​អ្នក។ ដើម្បី​ព័ត៌មាន​លម្អិត​សូម​ចូល ប្លក់​ផ្ទាល់​ខ្លួន​របស់​គាត់។

ជំនួយ​បន្ថែម​ទៅ​លើ​កម្មវិធី​កម្ចាត់​មេរោគបច្ចុប្បន្ន​របស់​អ្នក

តើ​អ្នក​កំពុង​ស្វែង​រក​នូវ​កម្មវិធី​ជំនួយ​បន្ថែម​ទៅ​លើ កម្មវិធី​កម្ចាត់​មេរោគ ដែល​អ្នក​កំពុង​ប្រើ​ឬ? ដូច្នេះ​អ្នក​អាច​សាក​ល្បង​ប្រើ Microsoft Safety Scanner។ លោក​អ្នក​អាច​ទាញ​យក​បាន​នៅ​ទីនេះ៖ http://www.microsoft.com/security/scanner/en-sg/default.aspx បន្ទាប់​មក​សូម​រើស​យក​ប្រភេទ​កុំព្យូទ័រ​របស់​អ្នក (32bit ឬ 64bit) ពេល​ទាញ​យក​រួច សូម​ចុច​លើ​ឯកសារ exe ដើម្បី​ធ្វើ​ការ​ដំឡើង។ ក្រោយ​មក​អ្នក​នឹង​អាច​ឲ្យ​កម្មវិធី​នេះ ធ្វើ​ការ​ត្រួត​ពិនិត្យ​រក​មេរោគ, កម្មវិធី​មិន​បាន​ការ, និង​ឯកសារ​កាក​សំណល់​ផ្សេងៗ​ទៀត។ បន្ទាប​មក​សូម​រើស​យក​របៀប​នៃ​ការ​ត្រួត​ពិនិត្យ ហើយ​ទុក​ឲ្យ​កម្មវិធី​នេះ​ត្រួត​ពិនិត្យ​រហូត​ដល់​ចប់។ កម្មវិធី​នេះ​នឹង​អស់​សុពល​ភាព​ក្រោយ​រយៈ​ពេល​១០​ថ្ងៃ។ (យោង​ទៅ​តាម​ការ​ផ្លាស់​ប្ដូរ និង​ធ្វើ​បច្ចុប្បន្ន​កម្ម​នៃ​កម្មវិធី​កម្ចាត់​មេរោគ​របស់​អ្នក) ដក​ស្រង់​ចេញ​ពី៖ http://www.howtogeek.com/news/supplement-your-current-anti-virus-software-with-the-microsoft-safety-scanner/4539/

ដំឡើង LibreOffice ទៅ​ក្នុង Ubuntu ដោយ​ប្រើ apt-get

រហូត​មក​ទល់​ពេល​នេះ LibreOffice មិន​ទាន់​ត្រូវ​បាន​បញ្ចូល​ទៅ​ក្នុង​ថត​ទីតាំង (repository) នៅ​ឡើយ​ទេ ទោះ​បី​ជា​ឥឡូ​វ Ubuntu ចេញ​ដល់​កំណែ​ទី ១១.០៤ ក៏ដោយ។ ដូច្នេះ​ដើម្បី​ដំឡើង LibreOffice ដោយ​ប្រើ apt-get នោះ​យើង​អាច​ប្រើ ទីតាំង​ផ្ទុក​របស់ NW Linux។ សូម​អនុវត្ត​កូដ​ដូច​ខាង​ក្រោម៖ លុប OpenOffice.org (OOo) sudo apt-get remove openoffice*.* ដំឡើង LibreOffice សូម​បើក​បញ្ជី​ប្រភព​កម្មវិធី (source list) ដោយ​ប្រើ​កូដ៖ sudo gedit /etc/apt/sources.list ហើយ​ចម្លង deb http://libreoffice.nwlinux.us lucid main ទៅ​ដាក់​ក្នុង​នោះ។ ធ្វើ​បច្ចុប្បន្នកម្ម៖ sudo apt-get update បន្ថែម​សោរ៖ sudo apt-key adv –keyserver keyserver.ubuntu.com –recv-keys 1378B444 ដំឡើង៖ sudo apt-get install libreoffice-common

Cairo Dock បាន​ផ្សាយ​ចេញនូវ​កំណែ​ទី ២.៣.០

Cairo Dock គឺ​ជា​របារ​ម៉ឺនុយ​ដ៏​ទាន់​សម័យ​មួយ ដែល​ដំណើរ​ការ​នៅ​ក្នុង​ប្រព័ន្ធ​ប្រតិបត្តិការ លីនុច ដូច​ទៅ​នឹង Docky និង Avant ផង​ដែរ។ របស់​របរ​ដែល​មាន​ក្នុង Cairo Dock ស្រាប់ៗ​នោះ មាន​ដូច​ជា៖ កន្លែង​ផ្ដល់​ដំណឹង (Notification Area) ល្បឿន​បណ្ដាញ (Netspeed) ឧបករណ៍​ត្រួត​ពិនិត្យ​បណ្ដាញ (Network monitor) ឧបករណ៍​គ្រង់​គ្រង​ថាមពល (Power Manager) អាកាស​ធាតុ សីតុណ្ហភាព ឧបករណ៍​ត្រួត​ពិនិត្យ​ប្រព័ន្ធ ទ្រនិច​បង្ហាញ​បន្ទះ​វាយ​អក្សរ (Keyboard indicator) ស្ថានីយ​បញ្ជា (Terminal) និង​ជា​ច្រើន​ផ្សេង​ទៀត   នៅ​ពេល​ថ្មីៗ​នេះ Cairo Dock បាន​ផ្សាយ​ចេញ​នូវ​កំណែ​ទី ២.៣.០ ដែល​ជា​កំណែ​ថ្មី​ភ្ជាប់​មក​ជាមួយ​នឹង​លក្ខណៈ​ពិសេស​ថ្មីៗ​ជា​ច្រើន​ទៀត​ដូច​ជា៖ System-Monitor ជា​លក្ខណៈ​ពិសេស​មួយ​ដែល​អ្នក​អាច​ត្រួត​ពិនិត្យ​នូវ សីតុណ្ហភាព​CPU និង ល្បឿន​កង្ហារ មាន​នូវ Applet ថ្មីៗ​ដូច​ជា៖ Transmission, Deluge, MintMenu, Translator, Quote of

ពុម្ព​អក្សរ​យូនីកូដ​ខ្មែរ​ថ្មី​ដោយ សុខ ចំរើន

អរគុណ​បង​ប្រុស សុខ ចំរើន ដែល​បាន​ផ្ដល់​ពុម្ព​អក្សរ​យូនីកូដខ្មែរ​ថ្មីនេះ មក​ដាក់​ផ្សាយ​ចែករំលែក​ដល់​ប្រជាជន​ខ្មែរ​ទាំង​អស់។ ពុម្ព​អក្សរ​ដែល​បង​ប្រុស​បាន​ធ្វើ​មាន​ដូច​ជា៖ Khmer Music (ផ្គុំ​ឡើង​ដោយ​សញ្ញា​ភ្លេង) Khmer Arrow (មាន​នូវ​គំនូស​ព្រួញ បង្ហាញ​អំពី​របៀប​នៃ​ការ​សរសេរ​អក្សរ​ខ្មែរ) Khmer Dotted (ជា​ពុម្ព​អក្សរ​មាន​សណ្ឋាន​ចុចៗ​មូលៗ) Khmer Eng (ជា​ពុម្ព​អក្សរ​ដែល​ផ្គុំ​ឡើង​ដោយ​តួ​អក្សរ​អង់គ្លេស) ពុម្ព​អក្សរ​ទាំង​អម្បាល​ម៉ាន​នេះ អាច​ប្រើ​ស្រួល​ជាមួយ​កម្មវិធី​ការិយាល័យ (Microsoft Office, LibreOffice. OpenOffice.org)។ សម្រាប់ Photoshop វិញ​អាច​នឹង​មាន​នៅ​ពេល​ខាង​មុខ។ សូម​មើល​ទៅ​រូប​ខាង​ក្រោម​នេះ៖ លោក​អ្នក​អាច​ទាញ​យក​បាន​តាម ទីនេះ។

តាម​ដាន RSS របស់​គេហទំព័រ​នានា​ ជាមួយ Google Reader

RSS ពាក្យ​ពេញ​គឺ Rich Site Summary ដែល​ជា​ព័ត៌មាន​សង្ខេប​នៃ​អត្ថបទ​នានា​នៅ​ក្នុង​គេហទំព័រ​ណា​មួយ។ នៅ​ក្នុង​គេហទំព័រ​និមួយៗ តែង​មាន RSS ដើម្បី​ឲ្យ​អ្នក​ទស្សនា​ងាយ​ធ្វើ​ការ​តាម​ដាន។ RSS វា​ជា​កូដ​រញ៉េរញ៉ៃ​ តែ​ដើម្បី​អាន​វា​បាន​លុះ​ត្រា​តែ​យើង​មាន​កម្មវិធី​សម្រាប់​បម្លែង​វា។ ដូច​គេហទំព័រ​នេះ​ជា​ដើម សូម​ចូល៖ http://it4ug.net/feed/rss/។ កម្មវិធី​សម្រាប់​បម្លែង RSS ឲ្យ​ងាយ​មើល​មាន​ជា​ច្រើន ដូច​ជា​កម្មវិធី​បន្ថែម​សម្រាប់ WordPress, Joomla! និង​កម្មវិធី​កុំព្យូទ័រ​ផ្សេងៗ​ទៀត។ តែ​នៅ​ពេល​នេះ​ខ្ញុំ​សូម​លើក​យក Google Reader ដែល​វា​គឺ​ជា​កម្មវិធី​វិប​មួយ ហើយ​ក៏​ជា​សេវាកម្ម​របស់​ក្រុម​ហ៊ុន Google។ វា​មាន​ភាព​ងាយ​ស្រួល​ក្នុង​ការ​បម្លែង និង អាន​អត្ថបទ​នានា​ដែល​ដក​ចេញ​ពី​គេហទំព័រ​ណា​មួយ ដោយ​ប្រើ RSS។ ដើម្បី​ប្រើ​សេវា​កម្ម​នេះ​បាន លុះ​ត្រា​តែ​អ្នក​មាន​គណនី Gmail សិន។ របៀប​ប្រើ ១. សូម​បើក​អាសយដ្ឋាន៖ http://google.com/reader ហើយ​សូម​ភ្ជាប់​ចូល (login) ដោយ​ប្រើ​គណនី Gmail របស់​អ្នក។ ២. ក្រោយ​ពី​ភ្ជាប់​ចូល​ហើយ លោក​អ្នក​នឹង​ទទួល​បាន​ផ្ទាំង​មួយ ដូច​រូប​ខាង​ក្រោម ៣. ដើម្បី​តាម​ដាន និង​អាន RSS របស់​គេហទំព័រ​ណា​មួយ​នោះ សូម​ចុច​លើប៊ូតុង