វចនានុក្រម Archive

សទ្ទានុក្រម​ពាក្យ​កុំព្យូទ័រ អង់គ្លេស-ខ្មែរ សម្រាប់ WP, Android និង iOS

តាម​ការ​ផ្សាយ​អត្ថបទ​មួយ​នៅ​ក្នុង​ប្លក់ KhmerType របស់​លោកដាញ់ ហុង (អ្នក​ជំនាញ​ធ្វើ​ពុម្ព​អក្សរ​ខ្មែរ​យូនីកូដ) បាន​ឲ្យ​ដឹង​ថា កម្មវិធី​សទ្ទានុក្រម​ពាក្យ​កុំព្យូទ័រ អង់គ្លេស-ខ្មែរ សម្រាប់ Windows Phone នឹង​ដាក់ឲ្យ​ទាញ​យក​នៅ​ពេល​ឆាប់ៗ​ខាង​មុខ​នេះ។ តែ​លោក​ក៏​បាន​បញ្ជាក់​ផង​ដែរ​ថា​កំណែ​សម្រាប់ iOS និង Android កំពុង​ស្ថិត​នៅ​ក្នុង​ការ​ស្ថាបនា​ហើយ​ក៏​នឹង​ចេញ​តាម​ក្រោយ​ដែរ។ កម្មវិធី​សទ្ទានុក្រម​មួយ​នេះ នឹង​ជួយ​ឲ្យ​អ្នក​ងាយ​ស្រួល​ក្នុង​ការ​បក​ប្រែ​ពាក្យ​បច្ចេកទេស​កុំព្យូទ័រ​ជា​ភាសា​អង់គ្លេស ទៅ​ជា​ភាសា​ខ្មែរ​បាន​យ៉ាង​ងាយ​ស្រួល ហើយ​នេះ​ក៏​ជា​ចំណែក​មួយ​ក្នុង​ការ​លើក​កម្ពស់​អក្សរ​និង​ភាសា​ខ្មែរ​នៅ​ក្នុង​ផ្នែក​បច្ចេកវិទ្យា​ព័ត៌មាន​នា​ពេល​បច្ចុប្បន្ន​នេះ។

ភូមិ វចនានុក្រម អង់គ្លេស – ខ្មែរ សម្រាប់​ទូរស័ព្ទ Android

ភូមិ គឺ​ជា​វចនានុក្រម​អេឡិកត្រូនិក​ភាសា អង់គ្លេស – ខ្មែរ ដ៏​ល្អ​មួយ​សម្រាប់​ទូរស័ព្ទ Android របស់​អ្នក។ វចនានុក្រម​នេះ​មាន​ភាព​រហ័ស​រហួន​ក្នុង​ការ​ស្វែង​រក​ពាក្យ, ប្រើ​បាន​ដោយ​ឥត​គិត​ប្រាក់​សម្រាប់​អ្នក​ប្រើ​ប្រាស់ Android គ្រប់ៗ​គ្នា។ កម្មវិធី​នេះ​ស្ថិត​នៅ​ក្នុង​កំណែ ១.០ នៅ​ឡើយ តែ​តាម​រយៈ​ព័ត៌មាន​បាន​ឲ្យ​ដឹង​ថា​នៅ​ក្នុង​កំណែ ២.០ នឹង​មាន​ដាក់​បញ្ចូល​វចនានុក្រម ខ្មែរ – អង់គ្លេស មួយ​ថែម​ទៀត។ ទាញ​យក​កម្មវិធី​វចនានុក្រម ភូមិ ពី​ផ្សារ​កម្មវិធី កម្មវិធី​វចនានុក្រម​មួយ​នេះ​ត្រូវ​បាន​ឧបត្ថម្ភ​ដោយ៖ GGear Co., LTD.

បក​ប្រែ​ពាក្យ​បរទេស​នៅ​លើ Firefox ភ្លាមៗ មក​ជា​ភាសា​ខ្មែរ

ចង់​ងាយ​ស្រួល​ក្នុង​ការ​បក​ប្រែ​ពាក្យ​បរទេស ដែល​ឃើញ​ក្នុង​គេហទំព័រ មក​ជា​ភាសា​ខ្មែរ​ឬ? នៅ​ពេល​ថ្មីៗ​នេះ​គេហទំព័រ Veayo.com បាន​ដាក់​ផ្សាយនូវ​កម្មវិធី​បន្ថែម (add-on) មួយ​ថ្មី​មាន​ឈ្មោះ​ថា Any Language to Khmer Translator ដែល​មាន​តួនាទី​ក្នុង​ការ​បក​ប្រែ​ពាក្យបរទេស​ណា​មួយ ដែល​យើង​ឃើញ​ក្នុង​គេហទំព័រ មក​ជា​ភាសា​ខ្មែរ​បាន​ភ្លាមៗ។ កម្មវិធី​នេះ​ពិត​ជា​មាន​ភាព​ងាយ​ស្រួល​ណាស់ ក្នុង​ការ​បក​ប្រែ ដោយ​គ្រាន់​តែ​អូស​លើ​ពាក្យ​ណាមួយ ហើយ​ចុចខាង​ស្ដាំ​លើ​ពាក្យ​នោះ រួច​រើស​យក Khmer Dictionary ពេល​នោះ​ផ្ទាំង​បក​ប្រែ នឹង​លោត​មក​តែ​ម្ដង។ នេះ​ជា​កម្មវិធី​ថ្មី​មួយ ដែល​ផ្ដល់​ភាព​ងាយ​ស្រួល​ដល់​ប្រជាជន​ខ្មែរ​ទូទៅ ក្នុង​ការ​បក​ប្រែ​ពាក្យ​ដែល​គិត​ថា​ខ្លួន​មិន​ដឹង ឬ​ដឹង​ហើយ​តែ​មិន​ច្បាស់។   នា​ពេល​បច្ចុប្បន្ន កម្មវិធី​នេះ​បាន​ចេញ​ដល់​កំណែ​សាក​ល្បង ១.៣ ហើយ។ អាច​ដំណើរ​ការ​បាន​នៅ​លើ Firefox ចាប់​ពី​កំណែ 1.0 – 4.2a1pre ។ អ្នក​អាច​ដំឡើង​ប្រើ​បាន​នៅ ទីកន្លែង​នេះ។ ខ្ញុំ​ពិត​ជា​សប្បាយ​ចិត្ត​ណាស់ នៅ​ពេល​បាន​ឃើញ​ប្រភេទ​កម្មវិធី​ល្អៗ​បែប​នេះ ត្រូវ​បាន​ដាក់​ឲ្យប្រើ​យ៉ាង​ទូលំ​ទូលាយ ហើយ​មាន​ភាព​ងាយ​ស្រួល។ សង្ឃឹម​ថា​នៅ​ថ្ងៃ​ខាង​មុខ នឹង​មាន​នូវ​កម្មវិធី​ល្អៗ​ជា​ច្រើន​ទៀត ដែល​បង្កើត​ដោយ​ខ្មែរ និង​សម្រាប់​ខ្មែរ។ អត្ថបទ​ទាក់​ទង៖ Moniroth’s website

វចនានុក្រម​អេឡិច​ត្រូនិក​ខ្មែរ ចេញ​ដល់​កំណែ​២.១ ហើយ

នៅ​ពេល​នេះ វចនានុក្រម​អេឡិចត្រូនិក​ខ្មែរ បាន​ចេញ​ដល់​កំណែ​ទី ២.១ ហើយ។ កំណែ​ថ្មី​នេះ​ពុំ​មាន​បន្ថែមនូវ​ពាក្យ​អ្វី​នោះ​ទេ គឺ​គេ​ធ្វើ​វា​ឡើង​ដើម្បី​ឲ្យ​អាច​ដំណើរ​ការ​ជាមួយ​កុំព្យូទ័រ​ប្រភេទ ៦៤ប៊ីត និង​នៅ​តាម​ប្រព័ន្ធ​ប្រតិបត្តិការ​ផ្សេងៗ​ទៀត​ដូច​ជា Linux ជា​ដើម។ ហើយ​កំណែ​ថ្មី​នេះ ត្រូវ​បាន​សរសេរ​ឡើង​ដោយ​ប្រើ​ភាសា Java ដូច្នេះ​ប្រសិន​បើ​អ្នក​ចង់​ប្រើ ត្រូវ​ប្រាកដ​ថា​ប្រព័ន្ធ​ប្រតិបត្តិការ​របស់​អ្នក​មាន​ដំឡើង Sun Java Runtime។ ខ្ញុំ​បាន​សាក​ល្បង​ដំណើរ​ការ​កម្មវិធី​នេះ​ជាមួយ moonOS រួច​មក​ហើយ គឺ​ថា​វា​ដំណើរ​ការ​បាន​ស្រួល តែ​ពុំ​សូវ​ជា​លឿន​ប៉ុន្មាន​នោះទេ។ យើង​អាច​ទាញ​យក​ទៅ​ប្រើ​បាន​តាម​រយៈ​តំណ​ភ្ជាប់​ខាង​ក្រោម​នេះ៖ ទាញ​យក http://www.box.net/shared/4d50v7doa4 (ប្រសិន​បើ​អ្នក​មាន​ដំឡើង Java រួច) http://www.box.net/shared/8mrhncoul4 (ប្រសិន​បើ​អ្នក​មិន​ទាន់​មាន​ដំឡើង Java) របៀប​ដំឡើង ប្រសិន​បើ​អ្នក​ប្រើ Windows ហើយ​មិន​ទាន់​មាន​ដំឡើង Java នោះ​សូម​ចុច​លើ​តំណ​ភ្ជាប់​ទី​២ ដែល​នៅ​ក្នុង​នោះ​មាន​ឯកសារ​សម្រាប់​ដំឡើង Java ស្រាប់​ហើយ។ ចំណែក​ឯ​អ្នក​ប្រើ លីនុច មួយ​ចំនួន​ដូច​ជា Ubuntu, moonOS ជា​ដើម យើង​ចាំ​បាច់​ត្រូវ​ដំឡើង​វា​ពី​មជ្ឈមណ្ឌល​កម្មវិធី។ សូម​បើក​មជ្ឈមណ្ឌល​កម្មវិធី បន្ទាប់​មក​វាយ​ពាក្យរក “sun java runtime” បន្ទាប់​មក​វា​នឹង​បង្ហាញ​លទ្ធផល​ប្រហែល​៣​ប៉ុណ្ណោះ