បច្ចេកវិទ្យាថ្មី Archive

រក្សា​ផ្ទាំង​ទាញ​យក​របស់ Firefox កុំ​ឲ្យ​លោត​ចេញ​មក​ក្រៅ

នៅ​ពេល​នេះ យើង​អាច​គ្រប់​គ្រង​ការ​ទាញ​យក ដោយ​មិន​បាច់​បង្ហាញ​នៅ​ក្នុង​ផ្ទាំង​លោត​ចេញ​ទេ គឺ​យើង​អាច​គ្រប់​គ្រង​បាន​នៅ​ក្នុង​ទំព័រ​មួយ​ដែល​បាន​មក​ពី​ការ​ដំឡើង​កម្មវិធី​បន្ថែម។ ការ​ដំឡើង​ពិត​ជា​មាន​ភាព​ងាយ​ស្រួល។ ១. សូម​បើក​កម្មវិធី Firefox ហើយ​ចូល​ទៅ​ក្នុង​ទំព័រ ទាញ​យក កម្មវិធី​បន្ថែម (addon) បន្ទាប់​មក​សូម​ស្វែង​រក​កម្មវិធី​បន្ថែម​មួយ​មាន​ឈ្មោះ​ថា៖ Download in Tab (កម្មវិធី​បន្ថែម​នេះ ដំណើរ​ការ​ចាប់​ពី Firefox 2.0 ឡើង​ទៅ) ២. ក្រោយ​ពី​ដំឡើង​រួច​សូម​ចុច​លើ​ម៉ឺនុយ Tools ឬ ប៊ូតុង Firefox (សម្រាប់ Firefox 4) ហើយ​រើស​យក​ពាក្យ Downloads ពេល​នោះ​យើង​នឹង​ចូល​ទៅ​ក្នុង​ទំព័រ​គ្រប់​គ្រង​ការ​ទាញ​យក​ឯកសារ​ហើយ។ (ផ្លូវ​កាត់៖ ctrl+shift+j) ឬ ទាញ​យក​កម្មវិធី​បន្ថែម​ឈ្មោះ Downloads in Tab

GetDeb.net

GetDeb.net គឺ​ជា​គេហទំព័រ​មួយ​ដែល​ផ្ដល់​នូវ​រាល់​កម្មវិធី​កូដ​បើក​ចំហ និង ឥត​គិត​ថ្លៃ​ សម្រាប់​ប្រព័ន្ធ​ប្រតិបត្តិការ Ubuntu។ ហើយ​ទី​នោះ​ក៏​ជា​ទី​តាំង​ផ្ទុក (Repository) មួយ​ផង​ដែរ។ ហើយ​នៅ​ទី​នោះ​មាន​នូវ​កម្មវិធី​ល្អៗ​ជា​ច្រើន ដូច​ជា៖ ផ្នែក​អ៊ីនធឺណិត ផ្នែក​រចនា​រូប​ភាព ផ្នែកការ​អប់​រំ ផ្នែក​សោតទស្សន៍ ផ្នែក​ការិយាល័យ រដ្ឋបាល ផ្នែក​បង្កើត​កម្មវិធី​កុំព្យូទ័រ ផ្នែក​វិទ្យសាស្ត្រ ឧបករណ៍​ផ្សេងៗ ផ្នែក​វីដេអូ ហើយ​រាល់​កម្មវិធី​នៅ​ទី​នោះ មាន​រៀប​ចំ​សម្រាប់​កំណែ​នៃ Ubuntu និមួយៗ (ចាប់​ពី ៩.១០ ឡើង​ទៅ)។ ហើយ​យើង​ក៏​អាច​ធ្វើ​ការ​ដំឡើង​កម្មវិធី​ពី​គេហទំព័រ GetDeb.net តាម​រយៈ PPAs ក្នុង​មជ្ឈមណ្ឌល​កម្មវិធី​របស់ Ubuntu បាន​ផង​ដែរ។ ដូច្នេះ​យើង​នឹង​ទទួល​បាន​ភាព​ងាយ​ស្រួល​ដោយ​មិន​បាច់​បើក​គេហទំព័រ​នេះ​ទៀត​ទេ គឺ​គ្រាន​តែ​បើក​មជ្ឈមណ្ឌល​កម្មវិធី​របស់ Ubuntuមក កម្មវិធី​ដែល​មាន​នៅ​ក្នុង GetDeb.net នឹង​បង្ហាញ​នៅ​ក្នុង​នោះ។ សង្ឃឹម​ថា លោក​អ្នក​នឹង​ស្វែង​រក​បាន​នូវ​កម្មវិធី​ដែល​លោក​អ្នក​ចង់​បាន នៅ​ទី​នោះ។

តោះ! នាំ​គ្នា​រាប់​ថយ​ក្រោយ

នៅ​ពេល​នេះ​សហគមន៍ Ubuntu បាន​ផ្សាយ​នូវ​ផ្ទាំង​រូប​រាប់​ថយ​ក្រោយចំនួន​ថ្ងៃ រហូត​ដល់​ថ្ងៃ​ដែល Ubuntu 11.04 Natty ដាក់​ចេញ​ឲ្យ​ប្រើ​ជា​សាធារណៈ។ ប្រសិន​បើ​អ្នក​ជា​អ្នក​ស្រលាញ់​ប្រព័ន្ធ​ប្រតិបត្តិការ​មួយ​នេះ នាំ​គ្នា​ដាក់​នូវ​រូប​ដែល​ដូច​នៅ​ផ្នែក​ខាង​ស្ដាំ​ទំព័រ ​ទៅ​ក្នុង​គេហទំព័រ​របស់​អ្នក ដើម្បី​ឲ្យ​អ្នក​ដទៃ​បាន​ស្គាល់​អំពី Ubuntu និង ដឹង​អំពី​ថ្ងៃ​ដែល Ubuntu 11.04 Natty ដាក់​ចេញ​ឲ្យ​ប្រើ​ជា​សាធារណៈ និង ឥត​គិត​ថ្លៃ។ អាច​ចូល​ទៅ​រក​កូដ​ដាក់​បាន​នៅ​ក្នុង៖ http://www.ubuntu.com/community/countdown

របៀប​ធ្វើ​ឲ្យ Firefox4 មាន​រូបរាង​ដូច Firefox3

ប្រសិន​បើ​អ្នក​គិត​ថា អ្នក​ពេញ​ចិត្ត​និង​ទម្លាប់​ប្រើ Firefox 3 ជាង​នោះ មិន​បាច់​លុប​ Firefox4 ចោល​ទេ។ គ្រាន់​តែ​អនុវត្ត​តាម​ខាង​ក្រោម​នេះ អ្នក​នឹង​ទទួល​បាន​រូប​រាង FF3 សម្រាប់ FF4 របស់​អ្នក​ហើយ។ សូម​អនុវត្ត​តាម​លំនាំ​ខាង​ក្រោម៖ ចំណុច​ចាប់​ផ្ដើម៖ ផ្លាស់​ប្ដូរ​ទីតាំងរបារ URL ទៅ​នៅ​ពី​លើ បន្ទះ​ផ្ទាំង (Tab) យក​មក​វិញ​នូវ​របារ​ម៉ឺនុយ យក​មក​វិញ​នូវ​បន្ទះ​កំណត់​ចំណាំ (Bookmark) រៀប​ចំ​ឡើង​វិញ​នូវ​បន្ទះ​អាសយដ្ឋាន យក​មក​វិញ​នូវ​របារ កម្មវិធី​បន្ថែម/ស្ថានភាព កំណត់​សណ្ឋាន​ផ្នែក​ខាង​លើ ដំបូង​ត្រូវ​ផ្លាស់​ប្ដូរ​ទី​តាំង​របារ URL ទៅ​នៅ​ពី​លើ​បន្ទះ​ផ្ទាំង និង បើក​ដំណើរ​ការ​ឡើង​វិញ​នូវ​របារ​ម៉ឺនុយ។ ផ្លាស់​ប្ដូរ​របារ URL ទៅ​លើ ដោយ​គ្រាន់​តែ​ដោះ​ជម្រើស Tabs on Top ចេញ​ជា​ការ​ស្រេច យក​មក​វិញ​នូវ​របារ​ម៉ឺនុយ សូម​ចុច​ជ្រើស​រើស​យក Menu Bar យក​មក​វិញ​នូវ របារ​កត់​ចំណាំ សូម​ចុច​ជ្រើស​យក Bookmarks Toolbar យក​មក​វិញ​នូវ របារ​កម្មវិធី​បន្ថែម/ស្ថានភាព សូម​ចុច​ជ្រើស​យក Add-on Bar

វចនានុក្រម​អេឡិច​ត្រូនិក​ខ្មែរ ចេញ​ដល់​កំណែ​២.១ ហើយ

នៅ​ពេល​នេះ វចនានុក្រម​អេឡិចត្រូនិក​ខ្មែរ បាន​ចេញ​ដល់​កំណែ​ទី ២.១ ហើយ។ កំណែ​ថ្មី​នេះ​ពុំ​មាន​បន្ថែមនូវ​ពាក្យ​អ្វី​នោះ​ទេ គឺ​គេ​ធ្វើ​វា​ឡើង​ដើម្បី​ឲ្យ​អាច​ដំណើរ​ការ​ជាមួយ​កុំព្យូទ័រ​ប្រភេទ ៦៤ប៊ីត និង​នៅ​តាម​ប្រព័ន្ធ​ប្រតិបត្តិការ​ផ្សេងៗ​ទៀត​ដូច​ជា Linux ជា​ដើម។ ហើយ​កំណែ​ថ្មី​នេះ ត្រូវ​បាន​សរសេរ​ឡើង​ដោយ​ប្រើ​ភាសា Java ដូច្នេះ​ប្រសិន​បើ​អ្នក​ចង់​ប្រើ ត្រូវ​ប្រាកដ​ថា​ប្រព័ន្ធ​ប្រតិបត្តិការ​របស់​អ្នក​មាន​ដំឡើង Sun Java Runtime។ ខ្ញុំ​បាន​សាក​ល្បង​ដំណើរ​ការ​កម្មវិធី​នេះ​ជាមួយ moonOS រួច​មក​ហើយ គឺ​ថា​វា​ដំណើរ​ការ​បាន​ស្រួល តែ​ពុំ​សូវ​ជា​លឿន​ប៉ុន្មាន​នោះទេ។ យើង​អាច​ទាញ​យក​ទៅ​ប្រើ​បាន​តាម​រយៈ​តំណ​ភ្ជាប់​ខាង​ក្រោម​នេះ៖ ទាញ​យក http://www.box.net/shared/4d50v7doa4 (ប្រសិន​បើ​អ្នក​មាន​ដំឡើង Java រួច) http://www.box.net/shared/8mrhncoul4 (ប្រសិន​បើ​អ្នក​មិន​ទាន់​មាន​ដំឡើង Java) របៀប​ដំឡើង ប្រសិន​បើ​អ្នក​ប្រើ Windows ហើយ​មិន​ទាន់​មាន​ដំឡើង Java នោះ​សូម​ចុច​លើ​តំណ​ភ្ជាប់​ទី​២ ដែល​នៅ​ក្នុង​នោះ​មាន​ឯកសារ​សម្រាប់​ដំឡើង Java ស្រាប់​ហើយ។ ចំណែក​ឯ​អ្នក​ប្រើ លីនុច មួយ​ចំនួន​ដូច​ជា Ubuntu, moonOS ជា​ដើម យើង​ចាំ​បាច់​ត្រូវ​ដំឡើង​វា​ពី​មជ្ឈមណ្ឌល​កម្មវិធី។ សូម​បើក​មជ្ឈមណ្ឌល​កម្មវិធី បន្ទាប់​មក​វាយ​ពាក្យរក “sun java runtime” បន្ទាប់​មក​វា​នឹង​បង្ហាញ​លទ្ធផល​ប្រហែល​៣​ប៉ុណ្ណោះ

Windows 8 ភ្ជាប់​មក​ជាមួយ​កម្មវិធី​អាន​ឯកសារ PDF ប្រើ​បច្ចេកវិទ្យា AppX

នៅ​ក្នុង Windows8 លោក​អ្នក​នឹង​ទទួល​បាន​នូវ​កម្មវិធី​អាន​ឯកសារ PDF ថ្មី​មួយ ដែល​ប្រើ​នូវ​បច្ចេកវិទ្យា AppX, កម្មវិធី​នេះ​ត្រូវ​បាន​គេ​ហៅ​ថា Modern Reader ឬ កម្មវិធី​អាន​ទំនើប។ បច្ចេកវិទ្យា AppX បាន​ធ្វើ​ឲ្យ កម្មវិធី​អាន​ទំនើប​ នេះ​មាន​លក្ខណៈ​ពិសេស​និង​មាន​សារៈ​សំខាន់។ ជាក់​ស្ដែង​កម្មវិធី​នេះ អាច​ក្លាយ​ទៅ​ជា​កម្មវិធី​ពេញ​និយម​សម្រាប់ AppX។ តើ​អ្វី​ទៅ​គឺ​ជា​បច្ចេកវិទ្យា AppX? បើ​តាម​សម្ដី​របស់​លោក Paul Thurrott «AppX គឺ​ជា​កញ្ចប់​កម្មវិធី​ម៉ូដែល​ថ្មី នៅ​ក្នុង Windows8 ហើយ​វា​ស្ទើរ​តែ​ដូច​ទៅ​នឹង​កញ្ចប់​កម្មវិធី​របស់ Windows Phone 7 ទៅ​ហើយ។» ដូច្នេះ​នៅ​ថ្ងៃ​ខាង​មុខ នឹង​មាន​កម្មវិធី​អាច​ដំណើរ​ការ​បាន​ទាំង​នៅ​លើ Windows 8 និង WP7។ សូម​មើល​រូប​មួយ​ចំនួន របស់​កម្មវិធី​នេះ៖ ដក​ស្រង់​ចេញ​ពី៖ http://thenextweb.com/microsoft/2011/04/04/windows-8-to-include-new-appx-pdf-reader/

ផ្ទាំង​ស្វាគមន៍របស់ Windows 8

ផ្ទាំង​ស្វាគមន៍ ឬ Welcome Screen (ជា​ការ​សាក​ល្បង) ដែល​ធ្វើ​ឡើង​សម្រាប់ Windows 8 មាន​សណ្ឋាន​ប្រហាក់​ប្រហែល​ទៅ​នឹងផ្ទាំង​ពេល​ចាក់​សោរ (Lock Screen) របស់ Windows Phone 7។ ផ្ទាំង​ស្វាគមន៍​ថ្មី​ដែល​ដាក់​បញ្ចូល​ក្នុង Windows 8 នេះ យើង​អាច​ផ្លាស់​ប្ដូរ​បាន​ដូច​ជា​រូប​ផ្ទៃ​ក្រោយ, ការ​បង្ហាញ​កាល​បរិច្ឆេទ និង​រូប​បង្ហាញ​អំពី​ថាមពល​ថ្ម ជា​ដើម។ នៅ​ពេល​បន្ទាប់​មក​ទៀត នឹង​មាន​បន្ថែម​នូវ​លក្ខណៈ​ពិសេស​មួយ​ចំនួន​ផ្សេង​ទៀត ដែល​អាច​ឲ្យ​ដំណើរ​ការ​ស្រួល​ទាំង​នៅ​លើ ក្ដារTablet ថែមទៀត​ផង។ ដក​ស្រង់​ចេញ​ពី ៖http://www.winsupersite.com/article/windows-7/windows-8-secrets-welcome-screen-130065

កម្មវិធី Photoshop ចេញ​បង្ហាញ​នៅ​លើ iPad

វា​ជា​រឿង​ប្រសើរ​សម្រាប់​អ្នក​ប្រើ iPad ដែល​ជា​ផលិត​ផល​របស់ Apple អាច​ប្រើ​នូវ​កម្មវិធី Photoshop នៅ​លើ​នោះ​បាន។ ហើយ​លក្ខណៈ​ពិសេស​របស់​វា​អាច​នឹង​មាន​ដូច Photoshop សម្រាប់​កុំព្យូទ័រអ៊ីចឹង ហើយ​ប្រហែល​ជា​មាន​ការ​កែច្នៃ​នូវ​លក្ខណៈ​ផ្សេងៗ​ទៀត។ នេះ​គ្រាន់​តែ​ជា​ការដាក់​បង្ហាញ​របស់​ក្រុម​ហ៊ុន Adobe ទេ ក៏​ព្រោះ​តែ​កម្មវិធី​នេះ​កំពុង​តែ​ស្ថិត​នៅ​ក្នុង​ការ​អភិវឌ្ឍ​នៅ​ឡើយ។ ដក​ស្រង់​ចេញ​ខ្លះៗ​ចេញ​ពី៖ http://www.photographybay.com/2011/03/30/photoshop-for-ipad-live-demo/