IT4U | បច្ចេកព័ត៌មានវិទ្យាសម្រាប់អ្នក

ទាញយករូបភាពរបស់អ្នកពី Instagram ទាំងអស់ជាកញ្ចប់ ZIP

ទេព សុវិចិត្រ — Fri, 04 May 2012 02:00:38 +0000

Instagram ជាកម្មវិធីមួយដ៏ល្បីល្បាញ ឬក៏អាចហៅថាជាសហគមន៍មួយដ៏ធំ ក្នុងការចែករំលែករូបថតរបស់អ្នកបានភ្លាម ទៅកាន់មនុស្សនៅជុំវិញខ្លួនអ្នក ព្រមទាំងទៅក្នុងគណនី Facebook និងបណ្ដាញសង្គមនានាដែរ។ អ្នកអាចឆ្លើយឆ្លង ជជែកកម្សាន្ត និងចូលចិត្តរូបណាមួយដែលមនុស្សទាំងឡាយបានដាក់ផ្សាយ។ ដោយសារតែភាពល្បីល្បាញនិងងាយស្រួលនេះហើយ ទើប Facebook បានចំណាយប្រាក់ទិញ Instagram ក្នុងតម្លៃជាង ១ពាន់លានដុល្លារ។

ម្យ៉ាងវិញទៀត ពីមួយថ្ងៃទៅមួយថ្ងៃ អ្នកដែលចូលចិត្តប្រើប្រាស់ Instagram តែងតែថតរូបដាក់ជាញឹកញាប់ តែមិនប្រាកដថា រូបដែលដាក់ក្នុង Instagram រួចហើយលុបរូបក្នុងទូរសព្ទចោលនោះទេ។ ដូច្នេះប្រសិនបើសិនអ្នកបានលុបរូបទាំងអស់ក្នុងទូរស័ព្ទហើយ (រូបដែលដាក់ក្នុង Instagram) អ្នកមិនបាច់បារម្ភក្នុងការស្វែងរកវាឡើយ។ អ្នកអាចប្រើបានជាមួយកម្មវិធី Instarchive ដែលជួយឲ្យអ្នកទាញយករូបទាំងឡាយ ដែលបានដាក់ក្នុង Instagram មកក្រៅទាំងអស់។

ដើម្បីទាញយកបាន អ្នកពុំបាច់ត្រូវការអ្វីច្រើននោះឡើយ។ ដូច្នេះដើម្បីឲ្យច្បាស់ថែមទៀត ធ្វើតាមដំណាក់កាលខាងក្រោម៖

១. សូមចូលទៅកាន់គេហទំព័រ Instarchive ហើយចុចលើពាក្យ Connect with Instagram

២. សូមបំពេញព័ត៌មានគណនីរបស់អ្នក

៣. ចុចលើប៊ូតុង Authorize ដើម្បីអនុញ្ញាតឲ្យភ្ជាប់ទៅ Instagram

៤. នៅពេលនេះអ្នកអាចទាញយករូបភាពរបស់អ្នកបានហើយ! ដោយគ្រាន់តែចុចលើពាក្យ Download as a ZIP File នោះអ្នកនឹងទទួលបានរូបភាពរបស់អ្នកទាំងអស់ ដែលខ្ចប់រួចជាស្រេចជា ZIP ។

អត្ថបទទាក់ទង:

Firefox 12.0 Beta មានជាភាសាខ្មែរហើយ

ទេព សុវិចិត្រ — Fri, 20 Apr 2012 09:53:21 +0000

យោងតាមប្រកាសផ្សាយរបស់គេហទំព័រ សហគមន៍ Mozilla ខ្មែរ បានឲ្យដឹងថា «នៅពេលនេះកម្មវិធី Firefox ជំនាន់ 12.0 Beta មានជាភាសាខ្មែរហើយ» យើងអាចធ្វើការទាញយកទៅប្រើប្រាស់បានដោយសេរី និងឥតគិតថ្លៃផងដែរ។ នៅក្នុងអត្ថបទដើម ឯគេហទំព័រសហគមន៍នោះ ក៏មានការសំណូមពរឲ្យអ្នកប្រើប្រាស់ទាំងអស់គ្នា មេត្តាសហការគ្នាជួយផ្ដល់មតិកែលម្អការបកប្រែ ឲ្យកាន់តែមានភាពច្បាស់លាស់ និងល្អថែមទៀត។

តើអ្នកបានត្រៀមខ្លួនក្នុងការប្រើប្រាស់ Firefox 12.0 Beta ជាភាសាខ្មែរហើយឬនៅ? ចូលរួមទាំងអស់គ្នា ប្រើកម្មវិធីជាភាសាខ្មែរ ដើម្បីលើកតម្កើងភាសាខ្មែរក្នុងវិស័យបច្ចេកវិទ្យាព័ត៌មានវិទ្យា ឲ្យកាន់តែរីកចម្រើនឡើងទៀត។

ប្រភពព័ត៌មាន | ទាញយក Firefox 12.0 Beta ជាភាសាខ្មែរ

អត្ថបទទាក់ទង:

កម្មវិធីបន្ថែមឥតគិតថ្លៃចំនួន ៥ របស់ WordPress សម្រាប់ធ្វើ E-Commerce

ទេព សុវិចិត្រ — Fri, 20 Apr 2012 08:30:03 +0000

E-Commerce ជាប្រភេទជំនួញមួយដែលត្រូវបានធ្វើការលក់ដូរទំនិញនៅលើបណ្ដាញអ៊ីនធឺណិត ដែលមានទាំងក្នុងតំបន់ និងជាអន្តរជាតិ។ គេហទំព័រ E-Commerce ដែលល្បីៗសព្វថ្ងៃនេះមានដូចជា៖ Amzaon, eBay ជាដើម។ រីឯនៅក្នុងប្រទេសកម្ពុជាយើងវិញ ក៏មានរាប់សិបដែរ ដូចជា៖ Khmer24 ។ល។

ប្រសិនបើយើងនិយាយអំពីការបង្កើតគេហទំព័រទាំងនេះវិញ ចំពោះគេហទំព័រល្បីៗភាគច្រើនគេជួលអ្នកជំនាញមកសរសេរកូដបង្កើតថ្មី តែសម្រាប់គេហទំព័រមួយចំនួនទៀត ក៏អាចប្រើអ្វីដែលគេមានស្រាប់ៗមកក៏បានដែរ។ ក្នុងនោះយើងអាចជ្រើសរើសយក Joomla!, WordPress ឬក៏ Drupal ដើម្បីកែច្នៃវាប្រែក្លាយទៅជាគេហទំព័រ E-Commerce បានដោយការដំឡើងកម្មវិធីជំនួយបន្ថែម។ តែនៅពេលនេះ សូមបង្ហាញត្រឹមតែ WordPress ប៉ុណ្ណោះ។

១. Cart66 Lite

ជាកម្មវិធីបន្ថែមមួយរបស់ WordPress ដែលមានទំហំតូច តែមានភាពសំបូរបែបណាស់។ លក្ខណៈពិសេសៗដែលកត់សម្គាល់ឃើញថាល្អនោះមានដូចជា៖ គ្រប់គ្រងការកក់, បញ្ចូលការលក់ទំនិញពី Amazon S3, កំណត់ការបញ្ចុះតម្លៃ, គ្រប់គ្រងថ្លៃពន្ធ, កំណត់រូបិយប័ណ្ណ និងផ្សេងៗទៀត។

ទាញយក | គេហទំព័រ

២. eShop

eShop មានផ្ដល់លក្ខណៈពិសេសជាច្រើនដែលយើងអាចទាញយកទិន្នន័យផលិតផល, ការគ្រប់គ្រងឃ្លាំងទំនិញ, កំណត់សារបង្ហាញ ពេលទំនិញអស់ពីឃ្លាំង ។ល។

ទាញយក | គេហទំព័រ

៣. Jigoshop

Jigoshop ជាកម្មវិធីលក់ដូរទំនិញលើអ៊ីនធឺណិត សម្រាប់ WordPress ដែលមានសមត្ថភាពខ្ពស់ និងមានភាពបត់បែនបានយ៉ាងល្អ។ កម្មវិធីនេះ ត្រូវបានស្ថាបនាឡើងដោយអ្នកជំនាញ ដែលមានបទពិសោធន៍ផ្នែកជំនួញ ច្រើនឆ្នាំ។ Jogishop មានពុម្ពរូបរាងជាច្រើនសម្រាប់ផ្លាស់ប្ដូរ ហើយក៏មានកម្មវិធីជាជំនួយបន្ថែមផ្សេងទៀតដែរ។

ទាញយក | គេហទំព័រ | សាកល្បង

៤. WooCommerce

កម្មវិធីមួយនេះវិញក៏មិនធម្មតាដែរ មានលក្ខណៈពិសេសជាច្រើន ថែមទាំងប្លែកៗថែមទៀតផង! ព្រោះវាអាចប្រែក្លាយ WordPress ស្ទើរតែទាំងមូលទៅជាគេហទំព័រ E-Commerce យ៉ាងមានសមត្ថភាពខ្ពស់។

ទាញយក | គេហទំព័រ | សាកល្បង

៥. WordPress e-Commerce

នេះជាកម្មវិធីដ៏ពេញនិយមមួយនៅក្នុងពិភព WordPress។ វាត្រូវបានគេទាញយកទៅប្រើជាង ១.៧លានដង ព្រោះតែវាផ្ដល់នូវភាពងាយស្រួលដល់អ្នកប្រើប្រាស់ ព្រមទាំងមានភាពបត់បែនគួរឲ្យសរសើរ។ អ្នកអាចប្រើប្រាស់ការទូទាត់ប្រាក់ផ្សេងៗនៅក្នុងកម្មវិធីនេះ រួមមាន៖ Paypal, Google, Chronopay, eWay Payment, Paystation ។ល។

ទាញយក | គេហទំព័រ

អត្ថបទទាក់ទង:

Funny Photo Maker៖ កម្មវិធីកែរូបឲ្យមានសភាពប្លែក

ទេព សុវិចិត្រ — Fri, 20 Apr 2012 05:37:10 +0000

កម្មវិធីកែច្នៃរូបភាពបច្ចុប្បន្ននេះមានច្រើនជាអនេក ហើយមានលក្ខណៈពិសេសស្រដៀងៗគ្នា គ្រាន់តែមានខ្លះទៅល្អប្រើ ខ្លះទៅមិនល្អប្រើព្រោះវាពិបាក។ ដូចជា Photoshop និង GIMP, Corel Draw និង Inkscape ជាដើម។

ចំណែកឯកម្មវិធី Funny Photo Maker មួយនេះវិញ មិនមានលក្ខណៈបែបកែច្នៃ កាត់តរូបដូច Photoshop អ្វីឡើយ ប៉ុន្តែវាផ្ដល់នូវលក្ខណៈពិសេសមួយទៀត ដោយឲ្យអ្នកប្រើប្រាស់ធ្វើការកែច្នៃរូបភាព ដោយបន្ថែមទិដ្ឋភាព (effect) និងដាក់រូបចូលទៅក្នុងស៊ុមរូបថតណា ដែលគួរឲ្យអស់សំណើច។

ដាក់ Effect លើរូបភាព

កម្មវិធីនេះត្រូវបានចែករំលែកឲ្យប្រើដោយសេរី ឥតគិតថ្លៃ ហើយអាចប្រើបាននៅក្នុងប្រព័ន្ធប្រតិបត្តិការ៖ Windows XP, Windows Vista, Windows 7 និង Windows 8 ។

ទាញយកកម្មវិធី Funny Photo Maker

រូបភាព៖ Addictive Tips

អត្ថបទទាក់ទង:

អំពី WordPress .org និង .com

ទេព សុវិចិត្រ — Fri, 06 Apr 2012 13:43:55 +0000

WordPress គឺជាប្រព័ន្ធគ្រប់គ្រងមាតិកាគេហទំព័រ (CMS – Contents Management System) ដែលផ្ដល់ភាពងាយស្រួលដល់ការរៀបចំ, ផ្សាយ, សរសេរអត្ថបទទៅលើបណ្ដាញអ៊ីនធឺណិត។ ប៉ុន្តែអ្នកដឹងទេថា WordPress មានពីរប្រភេទ គឺ៖ WordPress.org និង WordPress.com ។ មានមនុស្សមួយចំនួនបានយល់ច្រឡំ និងយល់មិនច្បាស់រវាងវាទាំងពីរនេះ ដូច្នេះដើម្បីកុំឲ្យមានមន្ទិល និងដើម្បីឲ្យយល់កាន់តែច្បាស់ ថ្ងៃនេះខ្ញុំសូមលើកយកភាពខុសគ្នារវាងប្រភេទទាំងពីរនេះ មកបកស្រាយបញ្ជាក់។

WordPress.com

WordPress.com ជាកម្មវិធីប្លក់ (blogging software) ដាក់ឲ្យប្រើប្រាស់ដោយសេរី ឥតគិតប្រាក់ ហើយមានការថែទាំ ត្រួតពិនិត្យបញ្ហាដោយក្រុមហ៊ុន Automattic។ ហើយម្យ៉ាងវិញទៀត អ្នកក៏ងាយស្រួលក្នុងការចុះឈ្មោះប្រើប្រាស់ដែរ។ ការប្រើប្រាស់ WordPress.com អ្នកពុំចាំបាច់ត្រូវការមានទីកន្លែងបង្ហោះ (hosting) ឬក៏ត្រូវការ Domain អ្វីឡើយ ព្រោះទាំងនេះគេបានផ្ដល់ឲ្យអ្នករួចជាស្រេច ទីកន្លែងផ្ទុក ៣ជីកាបៃ, និង sub-domain (ឧ៖ abc.wordpress.com) ។

សារៈប្រយោជន៍

ឥតគិតថ្លៃ និងងាយស្រួលក្នុងការដំឡើង
អ្វីៗទាំងអស់ត្រូវបានថែទាំ និងត្រួតពិនិត្យ។ ដូចជា៖ ការដំឡើង, ការពាររបស់រំខាន (spam), សុវត្ថិភាព ។ល។
ប្លក់ (blog) របស់អ្នកស្ថិតនៅលើម៉ាស៊ីនមេ (server) ជាច្រើន ដូច្នេះកុំបារម្ភថាវានឹងទទួលការធ្លាក់ចុះ ហើយមិនមានដំណើរការ។
រាល់មាតិការបស់អ្នក ត្រូវបានបម្រុងទុកដោយស្វ័យប្រវត្តិ។
អ្នកនឹងទទួលបានការចូលទស្សនាច្រើនពី សហគមន៍ WordPress.com រួមមាន៖ អត្ថបទប្លក់ប្រចាំថ្ងៃ ជាដើម។
អ្នកអាចស្វែងរកអ្នកប្រើប្រាស់ប្លក់ផ្សេងៗទៀត នៅក្នុងប្រព័ន្ធប្លក់ WordPress ទាំងមូល
ទំព័រព័ត៌មាន (Dashboard) របស់អ្នកមានសុវត្ថិភាពខ្ពស់ ជាមួយនឹងបច្ចេកវិទ្យា SSL

ផលវិបាក

WordPress.com មានផ្ដល់ពុម្ពរូបរាង (theme) ជាង ១៦០ ដែលអាចកែប្រែកូដ CSS បាន (តែការកែប្រែនេះ អ្នកត្រូវបង់ថ្លៃសេវាកម្មជាមុនសិន)
អ្នកមិនអាចផ្ទុកឡើងពុម្ពរូបរាងពីខាងក្រៅមកបានទេ
អ្នកមិនអាចកែកូដ PHP បានទេ
ហើយក៏មិនអាចបន្ថែមកម្មវិធីជំនួយពីខាងក្រៅមកថែមទៀតដែរ

បើតាមការពន្យល់ខាងលើ គេនឹងផ្ដល់ឲ្យអ្នកនូវកន្លែងផ្ទុកចំនួន ៣ជីកាបៃ, ចុះប្រសិនបើអ្នកត្រូវការបន្ថែមទៀត? អ្នកចាំបាច់ត្រូវចំណាយថវិកាមួយចំនួនដើម្បីបន្ថែមចំណុះផ្ទុក។ ហើយប្រសិនបើអ្នកចង់ប្រើឈ្មោះ domain ឲ្យដាច់ពី .wordpress.com អ្នកក៏ត្រូវបង់ថ្លៃសេវាកម្មដូច្នោះដែរ។ ប៉ុន្តែអ្វីដែលគួរឲ្យចាប់អារម្មណ៍នោះគឺ អ្នកអាចសរសេរអត្ថបទបានដោយគ្មានចំនួនកំណត់ ហើយរាល់អត្ថបទទាំងអស់ ត្រូវបានរក្សាទុកយ៉ាងត្រឹមត្រូវ។

តែយើងត្រូវចងចាំមួយថា ប្លក់របស់យើងនឹងត្រូវបិទ ប្រសិនបើយើងល្មើសនឹងច្បាប់នៃការផ្សព្វផ្សាយដែលមានចែងនៅក្នុង លក្ខខណ្ឌសេវាកម្ម។

ដូច្នោះសរុបមកអ្វីដែលគេផ្ដល់ឲ្យយើង គឺមានកម្រិតជាក់លាក់ណាមួយ ហើយសម្រាប់ប្រើជាទូទៅ និងផ្ទាល់ខ្លួន។ តែយើងក៏អាចបន្ថែមកម្រិតទាំងនោះ ដោយប្រើប្រាស់ថវិកាមួយចំនួន។

WordPress.org

រីឯមួយនេះវិញ អ្នកអាចទាញយកកម្មវិធី WordPress ទាំងមូល (វាត្រូវបានគេកែច្នៃ សម្រាប់ប្រើជាឯកជន) ទៅដំឡើងប្រើប្រាស់ជាឯកជន ហើយមានប្លែកពី WordPress.com ខាងលើនេះ។ WordPress.org ជាកម្មវិធីវែបបើកទូលាយ (Open Source) ដែលយើងជាអ្នកប្រើប្រាស់ អាចកែច្នៃកូដ និងធ្វើអ្វីៗតាមដែលយើងប្រាថ្នាចង់បាន។

សារៈប្រយោជន៍

អ្នកអាចផ្ទុកឡើងបន្ថែមនូវ ពុម្ពរូបរាង ពីខាងក្រៅ
អាចផ្ទុកឡើងបន្ថែមនូវ កម្មវិធីជំនួយ ពីខាងក្រៅ
អាចធ្វើការកែប្រែកូដបានដោយសេរី ប្រសិនបើអ្នកមានជំនាញបច្ចេកទេសច្បាស់លាស់

ផលវិបាក

អ្នកត្រូវមានសេវាកម្មបង្ហោះ (hosting service) ដែលល្អ
ត្រូវការចំណេះដឹងបច្ចេកទេសច្រើន ដើម្បីធ្វើឲ្យវាមានដំណើរការ
អ្នកត្រូវទទួលខុសត្រូវនឹងរបស់រំខានផ្សេងៗ (spam)
អ្នកត្រូវតែបម្រុងទិន្នន័យទុកដោយខ្លួនឯង (backup)
អ្នកត្រូវតែបន្ទាន់សម័យកម្មវិធីនេះ ដោយខ្លួនឯងនៅពេលដែលកំណែថ្មីៗចេញមក

បន្ថែមពីលើនេះទៀតកម្មវិធី WordPress ឯកជនមួយនេះ អ្នកអាចធ្វើការផ្សាយពាណិជ្ជកម្ម, កែប្រែមូលដ្ឋានទិន្នន័យ។ រីឯការដំឡើងវិញទៀតសោត អ្នកត្រូវតែប្រាកដថាទីកន្លែងដែលអ្នកបង្ហោះ មានសុវត្ថិភាពខ្ពស់ ហើយនិងមានភាពទុកចិត្តជាទីបំផុត ព្រោះមានកន្លែងបង្ហោះមួយចំនួន ផ្ដល់នូវម៉ាស៊ីនមេ (server) មិនល្អ ហើយអាចធ្វើឲ្យគេហទំព័ររបស់អ្នកធ្លាក់ចុះ បើកមិនចេញសោះឡើយ។

ហើយប្រសិនបើអ្នកជ្រើសរើសប្រើ WordPress ឯកជន អ្នកចាំបាច់ត្រូវស្វែងយល់ឲ្យកាន់តែជ្រៅទៅលើផ្នែកកូដ មានដូចជា HTML, CSS, PHP, JavaScript មិនតែប៉ុណ្ណោះអ្នកក៏ចាំបាច់ត្រូវស្វែងយល់អំពីរចនាសម្ព័ន្ធកូដរបស់ WordPress ទៀតផង។

ដូច្នេះសរុបសេចក្ដីអំពី WordPress.org គឺចាំបាច់ឲ្យអ្នកមានជំនាញបច្ចេកទេសច្រើន ដើម្បីគ្រប់គ្រងវាឲ្យមានដំណើរការល្អ និងជៀសផុតពីបញ្ហាផ្សេងៗដែលអាចកើតឡើងដោយយថាហេតុ។

———-

ឈប់សិន!

មុននឹងបញ្ចប់អត្ថបទ ខ្ញុំចង់បញ្ជាក់បន្ថែមអំពីនិមិត្តសញ្ញា WordPress។

ពណ៌ខៀវ ជា WordPress.com
ពណ៌ខ្មៅ / ប្រផេះ ជា WordPress.org

សូមប្រយ័ត្ន!
មានការប្រើប្រាស់និមិត្តសញ្ញា WordPress ខុសមួយចំនួន ដូច្នេះសូមមើលរូបខាងក្រោមនេះ ហើយចងចាំទុកនូវនិមិត្តសញ្ញាត្រឹមត្រូវរបស់ WordPress។

[WordPress Logo]

———-

ទាំងនេះជាព័ត៌មានអំពីលក្ខណៈនៃ WordPress ទាំងពីរប្រភេទដែលខ្ញុំបានដកស្រង់ខ្លះៗចេញពីគេហទំព័រដើម និងចេញពីការយល់ដឹងរបស់ខ្ញុំ។ តើអ្នកបានយល់អំពីពួកវាទាំងពីរហើយឬនៅ? ប្រសិនបើនៅមានចម្ងល់បន្ថែមទៀត សូមដាក់វាចានៅខាងក្រោមនេះ ខ្ញុំនឹងព្យាយាមឆ្លើយតាមតែអាចធ្វើទៅបាន។

[WordPress.com vs WordPress.org]

អត្ថបទទាក់ទង:

មានអ្វីប្លែកទៀតហើយនៅក្នុង Google Maps?

ទេព សុវិចិត្រ — Sun, 01 Apr 2012 01:00:55 +0000

កាលពីពេលថ្មីៗនេះ Google ទើបតែដាក់ឲ្យប្រើនូវបច្ចេកវិទ្យាថ្មីរបស់ខ្លួនគឺ MapsGL តែនៅពេលនេះ Google បញ្ចេញរបស់ប្លែកមកទៀតហើយ ពិតជាចម្លែកនិងមិនធ្លាប់មានពីមុនមក។

8-bit Quest Maps ជាបច្ចេកវិទ្យាផែនទីថ្មីមួយទៀតដែលទើបនឹងដាក់ក្នុងស្ថានភាពសាកល្បងនៅឡើយ។ ហើយអ្នកអាចមើលវាបាននៅលើគណិតូបករណ៍មានសណ្ឋាន 8-bit (ឥឡូវនៅមានអ្នកប្រើ 8-bit ដែរទៀតទេ?) ។

មើលសណ្ឋានដីក្នុងបែប 8-bit
ក្លាយជាវីរបុរស ដើររុករកពិភពលោក
ស្វែងរកបិសាចអាថ៌កំបាំង

http://maps.google/com

អត្ថបទទាក់ទង:

គេហទំព័រចំនួន ៤ ផ្ដល់ឧបករណ៍ផលិតកូដ CSS3

ទេព សុវិចិត្រ — Sat, 31 Mar 2012 04:38:31 +0000

អ្នកទាំងអស់គ្នាប្រាកដជាធ្លាប់ដឹង ធ្លាប់ឮ ធ្លាប់ស្គាល់រួចមកហើយអំពី CSS3។ CSS3 មានការសរសេរកូដច្រើន ស្មុគស្មាញ និងតម្រូវទៅតាមកម្មវិធីរុករក (Browser) និមួយៗរួមមាន៖ Firefox, Google Chrome, Safari, Opera, IE ជាដើម។

ដូច្នេះដើម្បីបង្កជាភាពងាយស្រួលក្នុងការប្រើប្រាស់ CSS3 ខ្ញុំសូមណែនាំគេហទំព័រចំនួន ៤ ដែលបានផ្ដល់ឧបករណ៍សម្រាប់ការផលិតកូដ CSS3 យកទៅប្រើក្នុងគេហទំព័ររបស់យើង ហើយដើរគ្រប់កម្មវិធីរុករកទាំងអស់។

១. CSS3 Generator

ជាគេហទំព័រមានរូបរាងយ៉ាងសាមញ្ញ ប៉ុន្តែប្រកបទៅដោយឧបករណ៍ដ៏ល្អក្នុងការបង្កើត CSS3 ដោយគ្រាន់តែរើសជម្រើសណាមួយ ហើយបំពេញលក្ខណៈ (properties) នៃ CSS3 នោះជាការស្រេច។ បន្ទាប់មកចម្លងតែកូដទៅដាក់ក្នុងឯកសារ .css របស់អ្នកជាការស្រេច។

២. Color Zilla

គេហទំព័រនេះផ្ដល់មុខងារតែមួយប៉ុណ្ណោះ គឺការបង្កើតពណ៌ជម្រាល (Gradient Color) សម្រាប់ដាក់ជាផ្ទៃក្រោយ។ វាពិតជាងាយស្រួល ដោយគ្រាន់តែរើសពណ៌ គំរូពណ៌ស្រាប់ ហើយចម្លងកូដ ជាការស្រេច។

៣. CSS3.me

ចំណែកមួយនេះវិញក៏ល្អដែរ ប៉ុន្តែផ្ដល់មុខងារតែបួនប៉ុណ្ណោះ ដូចជា៖

border-radius : ធ្វើឲ្យគែមប្រអប់កោង
box-shadow : ធ្វើឲ្យប្រអប់មានស្រមោល
ពណ៌ជម្រាល
ភាពថ្លា (opacity)

រាល់ពេលអ្នកបំពេញលក្ខណៈរបស់វានិមួយៗ អ្នកនឹងទទួលបានលទ្ធផលភ្លាមៗតែម្ដង ដោយមិនបាច់រង់ចាំយូរឡើយ។

៤. CSS3 Maker

ចុងក្រោយនេះ ក៏ជាគេហទំព័រដ៏ល្អមួយ ព្រោះមានបង្ហាញពីលទ្ធភាពដែលកូដ CSS3 អាចមានដំណើរការបាននៅលើកម្មវិធីរុករក ទាំងលើកុំព្យូទ័រ និងទូរស័ព្ទ។ មុខងារ CSS3 ដែលមានក្នុងនោះ គឺប្រហាក់ប្រហែលទៅនឹង CSS3 Generator ខាងលើដែរ គ្រាន់តែរូបរាងគេហទំព័រខុសគ្នា និងមានលក្ខណៈពិសេសមួយចំនួនផ្សេងពីគ្នាប៉ុណ្ណោះ។

បើចង់រកគេហទំព័របែបនេះបន្ថែមទៀត សូមចូលទៅ Google.com ហើយវាយរកពាក្យ css3 generator អ្នកនឹងទទួលបានលទ្ធផលជាច្រើន។

អត្ថបទទាក់ទង:

ផ្ញើឯកសារមួយចំនួនតាម Facebook Chat

ទេព សុវិចិត្រ — Sat, 31 Mar 2012 01:00:40 +0000

បើនិយាយដល់ Facebook Chat អ្នកណាក៏ស្គាល់ដែរ ព្រោះវាផ្ដល់ភាពងាយស្រួលដល់អ្នកប្រើប្រាស់ Facebook ក្នុងការជជែកទៅកាន់មិត្តរបស់ខ្លួនយ៉ាងរហ័សទាន់ចិត្តថែមទៀតផង។ តែឈប់សិន! មានដឹងទេថា ក្នុងនោះអ្នកក៏អាចផ្ញើឯកសារទៅកាន់មនុស្សដែលអ្នកកំពុងជជែកជាមួយបានដែរ ដោយប្រើប្រាស់វិធីដ៏សែនងាយស្រួល។ បើចង់ដឹង សូមអានសេចក្ដីណែនាំដូចខាងក្រោមនេះ។

១. វិធីទី១

ក. ចុចបង្កើតសារថ្មីជាមុនសិន
ខ. ចុចលើរូប « ដែកខ្ទាស់» ដើម្បីភ្ជាប់ឯកសារអ្នក។ បន្ទាប់មកអ្នកនឹងអាចរើស ប្រភេទឯកសារអត្ថបទ, រូបភាព ឬវីដេអូពីក្នុងកុំព្យូទ័ររបស់អ្នក។

គ. រង់ចាំរហូតដល់វាផ្ទុកឡើងចប់សព្វគ្រប់ហើយ ចុច Enter ដើម្បីបញ្ជូនឯកសារ។

២. វិធីទី២

ប្រសិនបើអ្នកកំពុងជជែកជាមួយមនុស្សនោះស្រាប់មកហើយ សូមធ្វើតាមចំណុចខាងក្រោម៖

ក. នៅក្នុងប្រអប់ជជែក សូមចុចលើរូប «ស្ពឺ» ហើយរើសយកពាក្យ See Full Conversation (មើលការជជែកពេញលេញ)

ខ. បន្ទាប់មកសូមអនុវត្តដូចចំណុចនានា នៅក្នុង វិធីទី១

មិនបាច់ប្រើអ៊ីមែលក៏បាន ឲ្យតែមាន Facebook ក៏អាចផ្ញើឯកសារទៅឲ្យគ្នាទៅវិញទៅមកបានដែរតើ!

អត្ថបទទាក់ទង:

រូបរាងថ្មីនៃគេហទំព័រ IT4U

ទេព សុវិចិត្រ — Fri, 30 Mar 2012 12:00:22 +0000

នៅថ្ងៃនេះគេហទំព័រ IT4U បានផ្លាស់ប្ដូររូបរាងថ្មី ដែលប្រកបទៅដោយភាពទូលាយ មិនសាំញ៉ាំ ហើយសាមញ្ញងាយស្រួលមើលជាងមុន។ នេះគឺជាការផ្លាស់ប្ដូររូបរាងលើកទី៣ហើយ បើគិតចាប់តាំងពីថ្ងៃទី១ ខែមីនា ឆ្នាំ២០១១ ដែលជាថ្ងៃបើកសម្ពោធមកម្ល៉េះ។

រូបរាងថ្មីនេះត្រូវបានរចនាឡើងដោយប្រើប្រាស់បច្ចេកវិទ្យាវែបថ្មី ដែលពេញនិយមបំផុតនោះគឺ

យើងខ្ញុំគិតថារូបរាងថ្មីមួយនេះ ប្រាកដជានៅមានកន្លះខ្លះខ្វះខាតនៅឡើយ ដូច្នេះប្រសិនបើអ្នកទាំងអស់គ្នារកឃើញចំណុចមិនសមគួរនោះ សូមផ្ដល់ជាមតិកែលម្អ នៅក្នុងប្រអប់វាចាខាងក្រោមនេះ។

សូមអរគុណ!
ពីយើងខ្ញុំ, ស្ថាបនិកគេហទំព័រ។

មិនមានអត្ថបទទាក់ទងឡើយ

រចនាអក្សរ 3D ជាមួយ CSS3

ទេព សុវិចិត្រ — Fri, 30 Mar 2012 07:06:43 +0000

នេះកាន់តែពិសេសថែមទៀតហើយ ដែលយើងអាចរចនាអក្សរឲ្យទៅជាលក្ខណៈ 3D ដោយការប្រើប្រាស់ CSS3។ ចង់ដឹងថាធ្វើម្ដេចដែរឬទេ? សូមមើលទៅការឧទាហរណ៍ និងកូដដែលផ្ដល់ជូននៅខាងក្រោមនេះ។

អក្សរលក្ខណៈ 3D

h1 {
  text-shadow: 0 1px 0 #ccc,
               0 2px 0 #c9c9c9,
               0 3px 0 #bbb,
               0 4px 0 #b9b9b9,
               0 5px 0 #aaa,
               0 6px 1px rgba(0,0,0,.1),
               0 0 5px rgba(0,0,0,.1),
               0 1px 3px rgba(0,0,0,.3),
               0 3px 5px rgba(0,0,0,.2),
               0 5px 10px rgba(0,0,0,.25),
               0 10px 10px rgba(0,0,0,.2),
               0 20px 20px rgba(0,0,0,.15);
}

លក្ខណៈបែបនេះអាចបង្ហាញបានយ៉ាងត្រឹមត្រូវនៅក្នុងជំនាន់កម្មវិធីរុករកថ្មីៗ (Browser: Chrome, Firefox, Safari, Opera,…)

[Markdotto]

IT4U | បច្ចេក​ព័ត៌មានវិទ្យា​សម្រាប់​អ្នក

ទាញ​យក​រូប​ភាព​របស់​អ្នក​ពី Instagram ទាំង​អស់​ជា​កញ្ចប់ ZIP

អត្ថបទ​ទាក់​ទង:

Firefox 12.0 Beta មាន​ជា​ភាសា​ខ្មែរ​ហើយ

អត្ថបទ​ទាក់​ទង:

កម្មវិធី​បន្ថែម​ឥត​គិត​ថ្លៃ​ចំនួន ៥ របស់ WordPress សម្រាប់​ធ្វើ E-Commerce

១. Cart66 Lite

២. eShop

៣. Jigoshop

៤. WooCommerce

៥. WordPress e-Commerce

អត្ថបទ​ទាក់​ទង:

Funny Photo Maker៖ កម្មវិធី​កែ​រូប​ឲ្យ​មាន​សភាព​ប្លែក

អត្ថបទ​ទាក់​ទង:

អំពី WordPress .org និង .com

WordPress.com

សារៈ​ប្រយោជន៍

ផល​វិបាក

WordPress.org

សារៈ​ប្រយោជន៍

ផល​វិបាក

ឈប់​សិន!

អត្ថបទ​ទាក់​ទង:

មាន​អ្វី​ប្លែក​ទៀត​ហើយ​នៅ​ក្នុង Google Maps?

អត្ថបទ​ទាក់​ទង:

គេហទំព័រ​ចំនួន ៤ ផ្ដល់​ឧបករណ៍​ផលិត​កូដ CSS3

១. CSS3 Generator

២. Color Zilla

៣. CSS3.me

៤. CSS3 Maker

អត្ថបទ​ទាក់​ទង:

ផ្ញើ​ឯកសារ​មួយ​ចំនួន​តាម Facebook Chat

១. វិធី​ទី១

២. វិធី​ទី២

អត្ថបទ​ទាក់​ទង:

រូបរាង​ថ្មី​នៃ​គេហទំព័រ IT4U

រចនា​អក្សរ 3D ជាមួយ CSS3

អត្ថបទ​ទាក់​ទង:

IT4U | បច្ចេកព័ត៌មានវិទ្យាសម្រាប់អ្នក

ទាញយករូបភាពរបស់អ្នកពី Instagram ទាំងអស់ជាកញ្ចប់ ZIP

អត្ថបទទាក់ទង:

Firefox 12.0 Beta មានជាភាសាខ្មែរហើយ

អត្ថបទទាក់ទង:

កម្មវិធីបន្ថែមឥតគិតថ្លៃចំនួន ៥ របស់ WordPress សម្រាប់ធ្វើ E-Commerce

អត្ថបទទាក់ទង:

Funny Photo Maker៖ កម្មវិធីកែរូបឲ្យមានសភាពប្លែក

អត្ថបទទាក់ទង:

សារៈប្រយោជន៍

ផលវិបាក

សារៈប្រយោជន៍

ផលវិបាក

ឈប់សិន!

អត្ថបទទាក់ទង:

មានអ្វីប្លែកទៀតហើយនៅក្នុង Google Maps?

អត្ថបទទាក់ទង:

គេហទំព័រចំនួន ៤ ផ្ដល់ឧបករណ៍ផលិតកូដ CSS3

អត្ថបទទាក់ទង:

ផ្ញើឯកសារមួយចំនួនតាម Facebook Chat

១. វិធីទី១

២. វិធីទី២

អត្ថបទទាក់ទង:

រូបរាងថ្មីនៃគេហទំព័រ IT4U

រចនាអក្សរ 3D ជាមួយ CSS3

អត្ថបទទាក់ទង: