គេហទំព័រ Archive

បិទ​បាំង News Ticker របស់ Facebook (នៅ​ក្នុង Chrome)

News Ticker គឺ​ជា​ផ្ទាំង​ផ្ដល់​ព័ត៌មាន​រហ័ស​អំពី​សកម្មភាព​មិត្ត​ភក្តិ​របស់​អ្នក​នៅ​ក្នុង​បណ្ដាញ​សង្គម Facebook ។ តែ​សម្រាប់​អ្នក​មិន​ចូល​ចិត្ត​ផ្ទាំង​មួយ​នេះ វា​នឹង​បង្ក​ភាព​រំខាន​ដល់​ពួក​គេ។ ដូច្នេះ​ដើម្បី​បិទ​បាំង​ផ្ទាំង​ព័ត៌មាន​មួយ​នេះ នៅ​ក្នុង​កម្មវិធី Google Chrome អ្នក​អាច​ដំឡើង​កម្មវិធី​មួយ​ដែល​មានឈ្មោះ​ថា៖ Facebook News Ticker Remover ។ សូម​មើល​រូប​ខាង​ក្រោម នៅ​ពេល​ដែល​បាន​ដំឡើង​កម្មវិធី​បន្ថែម​នោះ​ទៅ​ក្នុង Google Chrome រួច។ ទាញ​យក​កម្មវិធី Facebook News Ticker Remover [រូប​ថត៖ TipsoTricks]

ចង់​រៀន​បង្កើត​គេហទំព័រ ជាមួយ​នឹង​ឯកសារ​ភាសា​ខ្មែរ​នៅ​លើ​អ៊ីនធឺណេត​មែនទេ?

នៅ​ពេល​ថ្មីៗ​នេះ មាន​គេហទំព័រ​មួយ​ដែល​បាន​បង្កើត​ឡើង​ដោយ​កូន​ខ្មែរ ដែល​ផ្ដល់​មេរៀន​ល្អៗ​អំពី​ការ​បង្កើត​គេហទំព័រ​ជាមួយ​នឹង WordPress (ប្លក់), HTML, CSS និង PHP។ គេហទំព័រ​នេះ​មាន​ឈ្មោះ​ថា អាយធី​កូន​ខ្មែរ ដែលមាន​អាសយដ្ឋាន http://itkonkhmer.com/ ។ ក្នុង​មេរៀន​និមួយៗ ត្រូវ​បាន​ចែក​ជា​មេរៀន​ដាច់ៗ​ពី​គ្នា នាំ​ឲ្យ​អ្នក​អាន​ងាយ​ស្រួល​ក្នុង​ការ​សិក្សា។ ម្យ៉ាង​វិញ​ទៀត​បើ​អ្នក​ធ្លាប់​រៀន​ពីមុន​មក​ហើយ តែ​ភ្លេច​ត្រង់​ណា​នោះ ក៏​ងាយស្រួល​ក្នុង​ការ​រំឭក​ឡើង​វិញ​ដែរ ព្រោះ​មាន​ការ​បែង​ចែក​ជា​ផ្នែក​មេរៀន​បាន​ល្អ។ តើ​អ្នក​ចូល​ចិត្ត​មុខ​វិជ្ជា​មួយ​ណា? សូម​ចុច​តំណ​និមួយៗ​ខាង​ក្រោម​ដើម្បី​ចូល​អាន​មេរៀន​ទាំង​នោះ៖ HTML CSS PHP WordPress ខ្ញុំ​សូម​អរគុណ​ចំពោះ​ក្រុម​ការ​ងារ អាយធី​កូន​ខ្មែរ ដែល​បាន​ខិត​ខំ​ចង​ក្រង​ជា​មេរៀន​ទាំង​នេះ​ឡើង​ដើម្បី​បំពេញ​តម្រូវ​ការ​ដល់​អ្នក​សិក្សា​ទាំង​ឡាយ ក្នុង​ការ​សិក្សា​ស្វែង​យល់​អំពី​បច្ចេកវិទ្យា​ទាំង​នោះ​ជា​ភាសា​ខ្មែរ​តែ​ម្ដង។ ខ្ញុំ​សង្ឃឹម​ថា អាយធីកូនខ្មែរ នឹង​មាន​បន្ថែម​មេរៀន​ដ៏​ល្អៗ​ជា​ច្រើន​ថែម​ទៀត។

Bender Converter បម្លែង​វីដេអូ​ទៅ​ជា​រូប GIF នៅ​លើ​អ៊ីនធ័រណិត​ដោយ​មិន​ត្រូវ​ការ Photoshop

លោក​អ្នក​ប្រាកដ​ជា​ដឹង​រួច​មក​ហើយ​ថា Photoshop ជំនាន់​ថ្មីៗ​នេះ​មាន​លទ្ធភាព​ក្នុង​ការ​ធ្វើ​រូបGIF ទាំង​ពី​វីដេអូ និង​បង្កើត​ដោយ​ខ្លួន​ឯង​ក្ដី។ តែ​ចំពោះ​អ្នក​ដែល​មិន​មាន​ជំនាញ​ក្នុង​ការ​ប្រើ​ប្រាស់ Photoshop អ្នក​មិន​បាច់​ប្រើ​កម្មវិធី​នេះ​ក៏បាន​ដែរ។ BendeConverter.com គឺ​ជា​គេហទំព័រមួយ​ដែល​អ្នក​អាច​ធ្វើ​ការ​បម្លែង​ឯកសារ​វីដេអូ​ទៅ​ជា​រូប GIF បាន​ដោយ​ឥត​គិត​ប្រាក់។ ដើម្បី​បម្លែង​វីដេអូ​នោះ សូម​អនុវត្ត​តាម​លំនាំ​ខាង​ក្រោម។ ១. សូម​ចូល​ទៅ​កាន់​គេហទំព័រ http://benderconverter.com/ បន្ទាប់​មក​សូម​ក្រឡេក​មើល​ទៅ​ផ្នែក​ខាង​ក្រោម អ្នក​នឹង​ឃើញ​ប្រអប់​រើស​យក​ប្រភេទ​ឯកសារ​ដែល​អ្នក​ចង់​បម្លែង​ទៅ។ សូម​ចុច​រើស​យក GIF Animation ។ ចុច​រុក​រក​ឯកសារ​វីដេអូ​របស់​អ្នក ហើយ​ចុង​ក្រោយ​សូម​ចុច បម្លែង (Convert)។ ២. នៅ​ពេល​នេះ​ឯកសារ​របស់​អ្នក​កំពុង​តែ​ផ្ទុក​ឡើង​ហើយ។ ៣. នៅ​ពេល​ដែល​ផ្ទុកឡើង​ចប់​ស្រេច​ហើយ អ្នក​នឹង​ទទួល​បាន​ទំព័រ​ថ្មី​មួយ សម្រាប់​កំណត់​រយៈ​ពេល​នៃ​វីដេអូ​របស់​អ្នក ដើម្បី​ធ្វើ​ទៅ​ជា​ឯកសាររូប GIF។ (បញ្ជាក់៖ រយៈ​ពេល​នោះ អ្នក​អាច​ដាក់​បាន​ត្រឹម​តែ​ ១៥វិនាទី ប៉ុណ្ណោះ។) នៅ​ពេល​ដែល​អ្នក​បាន​កំណត់​រយៈ​ពេល​រួច​ហើយ សូម​ចុច​យក​តំណ “Watch & Download” លើ​ជួរ​ណា​មួយ​ដែល​អ្នក​ចង់​បាន។ ក្នុង​នោះ​មាន​បី​តំណ​ដូច​ជា៖ អវតា – រូប​ទំហំ​ត្រឹម​តែ ១០០ px ទំហំ​ល្មម – រូប​ទំហំ​ត្រឹម ២០០

ស្អាត! រចនា Banner ជាមួយ ASTRO Flash

ចំពោះ​អ្នកធ្វើវែបសាយ ឬអ្នករៀនធ្វើវែប​សាយ ច្បាស់ជាស្គាល់​កម្មវិធី​ច្រើនណាស់​សម្រាប់ធ្វើ Banner សម្រាប់​ដាក់ផ្ទាំងគេហ​ទំព័រ​របស់​ខ្លួន​អោយ​បាន​ស្រស់​ស្អាត ខាងក្រោម​នេះខ្ញុំបានលើ​យក​កម្មវិធី​មួយ​​ដែល​ងាយ​ស្រួល​​ក្នុង​ការ​​ធ្វើ Banner ជាលក្ខណ Flash ៖ លក្ខណពិសេស៖ ទំហំតូច អាចដាក់ជាសម្លេងបាន មាន Effect ច្រើន អាចធ្វើអោយអក្សរមានចលនាបានស្អាត អាចនាំចេញជា SWF និងនាំចេញ វែបសាយបានទៀតផង មាន Plug in បន្ថែមទៀតបាន ដាករូបភាពបានស្អាត ងាយស្រួលប្រើប្រាស់ អ្នកអាច Design Banner អ្នកបានយ៉ាងស្អាត និងចំនាយ​ពេលតិច ហើយមានភាពរស់រវើកទៀត​ផង​ ទាញយក និង​ប្រភព ទីនេះ

បង្កប់​ពុម្ព​អក្សរ​យូនីកូដ​ខ្មែរ​ពី Google Web Fonts ទៅ​ក្នុង WordPress ឯកជន

ដើម្បី​ឲ្យ​សម​ស្រប​ទៅ​នឹង​ភាព​សម្បូណ៌បែប​នៃ​បច្ចេកវិទ្យា​វ៉ិប នា​ពេលនេះ​យើង​អាច​ប្រើ​ពុម្ព​អក្សរ​ក្នុង​គេហទំព័រ​របស់​យើង ដោយ​មិន​បាច់​ដំឡើង​ពុម្ព​អក្សរ​ក្នុង​កុំព្យូទ័រ​ឡើយ។ Google Web Fonts គឺ​ជា​ជម្រើស​ដ៏​ល្អ​សម្រាប់​ស្ថាបនិក​គេហទំព័រ​នានា ដែល​មាន​បំណង​ចង់​ឲ្យ​គេហទំព័រ​របស់​ខ្លួន អាច​ឲ្យ​អ្នក​ដែល​មិន​មាន​ដំឡើង​អក្សរ​យូនីកូដ​ខ្មែរ​អាច​អាន​បាន​ដែរ។ ចំពោះ​ការ​បង្កប់​ពុម្ព​អក្សរ​ក្នុង​ប្រព័ន្ធ​គ្រប់​គ្រង​មាតិកា​គេហទំព័រ (CMS) មិន​ដូច​គ្នា​ឡើយ ដ្បិត​ឯកសារ​នៃ​ប្រព័ន្ធ​ទាំង​នោះ​ក៏មិន​ដូច​គ្នា​ដែរ។ ការ​បង្កប់​ពុម្ព​អក្សរ​យូនីកូដ​ខ្មែរ​ពី Google Web Font ទៅ​ក្នុង Joomla អ្នក​អាច​រក​អាន​បាន​នៅ គេហទំព័រ KM-KH.com។ ចំណែក​ការ​បង្កប់​ពុម្ព​អក្សរ​ក្នុង WordPress ឯកជន (សូម​កុំ​យល់​ច្រឡំ៖ WordPress មាន​ពីរ​ប្រភេទ​ធំៗ​គឺ WordPress ឯកជន [wordpress.org] និង WordPress ប្លក់ [wordpress.com]) ថ្ងៃ​នេះ ខ្ញុំ​នឹង​បង្ហាញ​មិត្ត​អ្នក​អាន​ឲ្យ​បាន​ដឹង ព្រម​ទាំង​សរសេរ​ទុក​សម្រាប់​ជា​អត្ថបទ​ជំនួយ​ទៅ​ថ្ងៃ​មុខ នៅ​ពេល​អ្នក​ចាប់​ផ្ដើម​រៀន​ប្រើ WordPress ឯកជន។ នៅ​ក្នុង​អត្ថបទ​នេះ នឹង​បង្ហាញ​អ្នក​ឲ្យ​ដឹង​ពី​របៀប​បង្កប់​ពុម្ព​អក្សរ​សម្រាប់​គេហទំព័រ​ទាំង​មូល​តែ​ម្ដង។ ដូច្នេះ​ដើម្បី​កុំ​ឲ្យ​ខាត​ពេល​យូរ យើង​ចាប់​ផ្ដើម​អនុវត្ត​តែ​ម្ដង។ ក្នុង​ការ​ប្រតិបត្តិ​នេះ​ខ្ញុំ​សុំ​លើក​យក WordPress 3.2.1 និង​ពុម្ព​រូបរាង Twenty Eleven មក​ប្រើ។ ១. ជា​ដំបូង​សូម​ចូល​ទៅ​កាន់​ថត /wp-content/themes/twentyeleven

វិវដ្ដកម្ម​បច្ចេកវិទ្យា​វ៉ិប​នៅ​លើ​ពិភព​លោក

តើ​អ្នក​ចង់​ដឹង​ថា HTML5 កើត​ឡើង​នៅ​ពេល​ណា? ហើយ​មាន​ការ​វិវដ្ដ​ដូច​ម្ដេច​ខ្លះ????? តើ​កម្មវិធី​រុក​រក​អ៊ីនធ័រណា​មួយ ដែល​កើត​ឡើង​មុន​គេ????? តើ Cookie ជា​អ្វី កើត​ឡើង​នៅ​ឆ្នាំ​ណា????? ថ្ងៃ​នេះ IT4U សូម​ណែនាំ​នូវ​គេហទំព័រ​មួយ ដែល​បង្ហាញ​អំពី​វិវដ្ដកម្ម​នៃ​បច្ចេកវិទ្យា​វ៉ិប នៅ​លើ​ពិភព​លោក គឺ http://evolutionofweb.appspot.com/ ។ ក្នុង​គេហទំព័រ​នោះ​នឹង​បង្ហាញ​អ្នក​ទាំង​អស់​គ្នា​អំពី បច្ចេកវិទ្យា​កូដ​ដែល​សម្រាប់​សរសេរ​បង្កើត​គេហទំព័រ, បច្ចេកវិទ្យា​និង​ការ​វិវដ្ដ​នៃ​កម្មវិធី​រុករក​អ៊ីនធ័រណិត​ទាំង​អស់។ ក្នុង​ផ្នែក​កម្មវិធី​រុក​រក​អ៊ីនធ័រណិត​និមួយៗ ត្រូវ​បាន​បង្ហាញ​ពី​ថ្ងៃ​ខែ​ឆ្នាំ​ផលិត​និង​ចេញ​កំណែ​និមួយៗ ព្រម​ទាំង​ភ្ជាប់​មក​ជាមួយ​នឹង​រូបរាង​នៃ​កំណែ​ទាំង​នោះ​ផង​ដែរ។ គេហទំព័រ​នេះ​ពិត​ជា​ល្អ​ណាស់ សម្រាប់​អ្នក​ចង់​សិក្សា​ស្វែង​យល់​និង​ស្រាវ​ជ្រាវ​អំពី​ប្រវត្តិ​នៃ​ការ​កកើត និង​ការ​វិវដ្ដ​នៃ​បច្ចេកវិទ្យា​គេហទំព័រ​នៅ​លើ​ពិភព​លោក​យើង​នេះ។

រូប​ក្រាហ្វិក​ព័ត៌មាន៖ Facebook កម្ពុជា

នេះ​គឺ​ជា​រូប​ក្រាហ្វិក​ព័ត៌មាន​ស្ដី​ពី​ស្ថិតិ​នៃ​ការ​ប្រើ​ប្រាស់ Facebook នៅ​កម្ពុជា ដែល​បាន​រៀប​រៀង​ដោយ​លោក សៀង សុខ​ហេង។ ស្ថិតិ​នៅ​ក្នុង​រូប​នេះ ត្រូវ​បាន​ធ្វើ​ការ​ដក​ស្រង់​ចេញ​ពី​គេហទំព័រ http://www.socialbakers.com ។ [ប្រភព​ដើម៖ Happy Photoshop]

Mobilizer កម្មវិធី​មើល​ស្ថានភាព​គេហទំព័រ​របស់​អ្នក​ក្នុង​ទូរស័ព្ទ

ជា​ទូទៅ​នៅ​ពេល​ដែល​យើង​ស្ថាបនា​គេហទំព័រ​អ្វី​មួយ ភាគ​ច្រើន​យើង​ធ្វើ​ឡើង​នៅ​ក្នុង​កុំព្យូទ័រ។ តែ​អ្នក​មិន​ដឹង​ទេ​ថា បើ​អ្នក​បើក​គេហទំព័រ​របស់​អ្នក​នៅ​ក្នុង​ទូរស័ព្ទ​វិញ តើ​នឹង​មាន​រូប​រាង​ដូច​ម្ដេច​ទៅ​វិញ? អ្នក​នឹង​ពិបាក​ស្វែង​រក​ទូរស័ព្ទ​មក​សាក​ល្បង​ដូច​ជា iPhone, HTC ជាដើម។ តែ​ពេល​នេះ​អ្នក​អាច​ប្រើ​កម្មវិធី Mobilizer សម្រាប់​បើក​មើល​ស្ថានភាព​គេហទំព័រ​របស់​អ្នក នៅ​ក្នុង​ទូរស័ព្ទ​បាន​ចំនួន ៤ ប្រភេទ មាន​ដូច​ជា៖ Palm Pre HTC Evo Blackberry Storm iPhone 4 អ្នក​អាច​បើក​មើល​គេហទំព័រ​របស់​អ្នក ក្នុង​ប្រភេទ​ទូរស័ព្ទ​ផ្សេងៗ​គ្នា​ក្នុង​ពេល​តែ​មួយ​ក៏បាន ដោយ​មិន​មាន​បញ្ហា។ លក្ខណៈ​ពិសេស កម្មវិធី​នេះ​ត្រូវ​បាន​ស្ថាបនា​ឡើង​ដោយ​ផ្អែក​លើ​ប្រព័ន្ធ​កម្មវិធី Adobe Air, ដូច្នេះ​អ្នក​ត្រូវ​ប្រាកដ​ថា​បាន​ដំឡើង Adobe Air ក្នុង​កុំព្យូទ័រ​របស់​អ្នក​រួច​ហើយ ទើប​អាច​ដំឡើង​កម្មវិធី​នេះ។ ដោយ​សារ​តែ​កម្មវិធី Mobilizer ផ្អែក​លើ​ប្រព័ន្ធ​កម្មវិធី Adobe Air នោះ​អ្នក​អាច​យក​ទៅ​ប្រើ​បាន​ទាំង​នៅ​លើ Mac OS, Windows និង Linux។ អ្នក​អាច​ធ្វើ​ការ​ផ្ដិត​យក​ស្ថាន​ភាព​គេហទំព័រ​របស់​អ្នក​នៅ​ក្នុង​ប្រភេទ​ទូរស័ព្ទ​និមួយៗ ជា​ប្រភេទ​រូប PNG។ អាច​ទទួល​បាន​ការ​អាប់ដេត​លឿន​តាម​រយៈ Adobe Air អ្នក​អាច​ធ្វើ​ការ​ទាញ​យក​បាន​តាម​រយៈ​តំណ​ខាង​ក្រោម៖ http://www.springbox.com/mobilizer/