កុំព្យូទ័រ Archive

កម្មវិធី​រៀន​សរសេរ​អក្សរ​ខ្មែរ នៅ​លើ iPhone

សន្ទុះ​នៃ​កំណើន​កម្មវិធី​ដែល​ផលិត​ដោយ​ក្រុមហ៊ុន ឬ​ក្រុម​និស្សិតសម្រាប់​ទូរស័ព្ទ​និង​កុំព្យូទ័រ​កំពុង​រីក​ចម្រើន​ពី​មួយ​ថ្ងៃ​ទៅ​មួយ​ថ្ងៃ។ អ្នក​ប្រហែល​ជា​ធ្លាប់​បាន​ឮ​ល្បែង​កម្សាន្ត​មួយ​ឈ្មោះ «អាស្វា» ផលិត​ដោយ អស្ចារ្យ​ស្ទូឌីយ៉ូ ដែល​ទទួល​បាន​ការ​គាំទ្រ​យ៉ាង​ច្រើន ហើយ​ក៏​នៅ​មាន​កម្មវិធី​ជា​ច្រើន​ទៀត​ផង​ដែរ។ កាល​ពី​ម្សិល​មិញ​នេះ មាន​កម្មវិធី​សិក្សា​មួយ​ថ្មី​ទៀត​ត្រូវ​បាន​ដាក់​បញ្ចូល​ទៅ​ក្នុង iTune App Store មាន​ឈ្មោះ​ថា «Write Khmer» ។ នេះ​ជា​កម្មវិធី​បង្រៀន​ដូច​ជា​ការសរសេរ​អក្សរ​ខ្មែរ ដោយ​ភ្ជាប់​មក​ជាមួយ​រូបភាព​ស្អាតៗ​ទាក់​ភ្នែក គួរ​ឲ្យ​ចាប់​អារម្មណ៍។ កម្មវិធី​នេះ​ត្រូវ​បាន​រក្សាសិទ្ធិ​ដោយ​ក្រុមហ៊ុន BM Solution ។

ផែន​ទី Google ថ្មី

នៅ​ក្នុង​ព្រឹត្តិការណ៍ Google I/O ជា​រៀង​រាល់​ឆ្នាំ ក្រុមហ៊ុន Google តែង​តែ​ផ្សព្វផ្សាយ​និង​បង្ហាញ​ពី​អ្វី​ដែលថ្មីៗ​ទាក់​ទង​ទៅ​នឹង​ផលិតផល​របស់​ខ្លួន​ដែល​កំពុង​អភិវឌ្ឍ។ នៅ​ក្នុង​ឆ្នាំ​នេះ​ផង​ដែរ ផែនទី Google ត្រូវ​បាន​ដាក់​ប្រកាស​ជា​ផ្លូវ​ការ​អំពី​ការ​រចនា​ទ្រង់​ទ្រាយ​ថ្មី និង​លក្ខណៈ​ពិសេស​ថ្មីៗ​ជា​ច្រើន​ទៀត​ដែល​ពិត​ជា​ប្លែក​និង​មាន​ភាព​ប្រសើរ​ជាង​មុន​ទៅទៀត។ ការ​រចនា​ទ្រង់​ទ្រាយ​ថ្មី ផ្ដល់​នូវ​ភាព​ទាក់​ទាញ​ជាង​មុន ព្រម​ទាំង​ការ​បង្ហាញ​លទ្ធផល​កាន់​តែ​ល្អ​ជាង​មុន ហើយ​ការ​ស្វែង​រក​ក៏​កាន់​តែ​ងាយ​ស្រួល​ជាង​មុន​ថែម​ទៀត ម្យ៉ាង​វិញ​ទៀត​នោះ ផែនទី​មាន​ទំហំ​ពេញ​អេក្រង់​កុំព្យូទ័រ។ កាត​ព័ត៌មាន (Info Card) នៅ​ពេល​ដែល​អ្នក​ចុច​លើ​ចំណុច​ទីកន្លែង​ណា​មួយ នោះ​កាត​ព័ត៌មាន​ដែល​បង្ហាញ​លម្អិត​អំពី​ទី​កន្លែង​នោះ​នឹង​លេច​ឡើង​នៅ​ពីក្រោម​ប្រអប់​ស្វែង​រក។ លក្ខណៈ​ថ្មីៗ​ដទៃ​ទៀត នៅ​ពេល​ដែល​អ្នក​ចុច​ទីតាំង​ណា​មួយ​នៅ​លើ​ផែន​ទី នោះ​កាត​ព័ត៌មាន​នឹង​បង្ហាញ​នៅ​ខាង​ក្រោម​ប្រអប់​ស្វែង​រក ដែល​ក្នុង​នោះ​មាន​បង្ហាញ​ឈ្មោះ​ទីតាំង​កន្លែង​នោះ, ភ្ជាប់​ទិសដៅ ឬ​ក៏​ចូល​ទៅ​កាន់ Street View ។ Earth View ជា​លក្ខណៈ​ពិសេស​ថ្មី​មួយ​បន្ថែម​ទៀត ដែល​ត្រូវ​បាន​អភិវឌ្ឍ​កាន់​តែ​ប្រសើរ​នៅ​ក្នុង​ផែន​ទី Google ។ Earth View គឺ​ជា​ការ​បង្ហាញ​ដោយ​ប្រើ​ប្រាស់​បច្ចេកវិទ្យា 3D ដូច្នេះ​រូបភាព​ទាំង​ឡាយ​ក្នុង​នោះ​នឹង​ត្រូវ​បាន​បង្ហាញ​លម្អិត​ល្អ។ តើ​អ្នក​ចង់​ប្រើផែន​ទី Google ថ្មី​នេះ​ដែរ​ឬទេ? សូម​ចូល​ទៅ​កាន់ http://maps.google.com/help/maps/helloworld/desktop/preview/ ដើម្បី​ដាក់​សំណើ​ទៅ​កាន់ Google ។ វីដេអូ​ព័ត៌មាន​អំពីផែន​ទី Google ថ្មី

តើ​គួរ​បង្កើត​គេហទំព័រ​ដោយ​ប្រើ Responsive Layout ដែរឬទេ?

ក្នុង​រយៈ​ពេល​ប៉ុន្មាន​ឆ្នាំ​កន្លង​មក​នេះ ការ​ប្រើ​ប្រាស់​ទ្រង់​ទ្រាយ Responsive ក្នុង​ការ​រចនា​គេហទំព័រ​មាន​ការ​រីក​សុះ​សាយ​យ៉ាង​លឿន​ជា​ទី​បំផុត។ បច្ចេកវិទ្យា​ចេះ​តែ​ទំនើប​ពី​មួយ​ថ្ងៃ​ទៅ​មួយ​ថ្ងៃ ដូច្នេះ​យើង​ក៏​ត្រូវ​តាម​ឲ្យ​ទាន់​វា​ដែរ។ Responsive គឺ​ជា​ប្រភេទ​ទ្រង់​ទ្រាយ​ដែល​គ្រប់​គ្រង​លើ​ទំហំ​អេក្រង់​នៃ​ឧបករណ៍​និមួយៗ មាន​ន័យ​ថា​ពេល​ដែល​បើក​គេហទំព័រ​ក្នុង​ទូរស័ព្ទ, កុំព្យូទ័របន្ទះ, កុំព្យូទ័រ… វា​នឹង​ពង្រីក​បង្រួម​ទ្រង់​ទ្រាយ​គេហទំព័រ​ឲ្យ​សម​ទៅ​នឹង​ទំហំ​អេក្រង់​នៃ​ឧបករណ៍​ទាំង​នោះ ដោយ​មិន​ចាំ​បាច់​ត្រូវ​មាន​អ្វី​ជា​ជំនួយ​បន្ថែម​ទៀត​ឡើយ។ វា​អាច​ធ្វើ​ទៅ​បាន​តាម​រយៈ CSS ដោយ​ប្រើ​លក្ខណៈ​ថ្មី​មួយ​គឺ @media query  ។ កាល​ពីមុន ដើម្បី​បង្កើត​ទំព័រ​សម្រាប់​ទូរស័ព្ទ​គេ​និយម​បង្កើត​នូវ sub domain ថ្មី​មួយ​បន្ទាប់​មក​សរសេរ​កូដ​ថ្មី​ឬ​រចនា​រូបរាង​ថ្មី​របស់​វា ដែល​ការ​ធ្វើ​បែប​នេះ​អាច​នឹង​ចំណាយ​ពេល​ច្រើន។ ក៏​ប៉ុន្តែ​ចំពោះ​ការ​ប្រើ Responsive នេះ​វិញ គឺ​វា​ជួយ​ឲ្យ​ទ្រង់​ទ្រាយ​វែបសាយ​យើង​ផ្លាស់​ប្ដូរ​ទៅ​តាម​ទំហំ​នៃ​ឧបករណ៍​និមួយៗ​បាន​យ៉ាង​ល្អ។ ការ​បង្កើត​គេហទំព័រ​ប្រើ​ទ្រង់​ទ្រាយ Responsive មាន​ពីរ​ជម្រើស​ដែល​អ្នក​គួរ​ពិចារណា៖ សរសេរ CSS ដោយ​ខ្លួន​ឯង ប្រើ CSS Framework កាល​ពី​ពេល​មុន​នោះ​ខ្ញុំ​ធ្លាប់​បាន​សរសេរ​អត្ថបទ​មួយ​ទាក់​ទង​នឹង CSS Framework តែ​ពេល​នេះ​ខ្ញុំ​សុំ​បង្ហាញ​ម្ដង​ទៀត តែ​លើក​យក​តែ Framework ដែល​មាន​លក្ខណៈ Responsive តែ​ប៉ុណ្ណោះ ដែល​មាន​រាយ​ឈ្មោះ​នៅ​ខាង​ក្រោម​នេះ៖ Twitter Bootstrap Zurb Foundation Gumby Framework Unsemantic

សទ្ទានុក្រម​ពាក្យ​កុំព្យូទ័រ អង់គ្លេស-ខ្មែរ សម្រាប់ WP, Android និង iOS

តាម​ការ​ផ្សាយ​អត្ថបទ​មួយ​នៅ​ក្នុង​ប្លក់ KhmerType របស់​លោកដាញ់ ហុង (អ្នក​ជំនាញ​ធ្វើ​ពុម្ព​អក្សរ​ខ្មែរ​យូនីកូដ) បាន​ឲ្យ​ដឹង​ថា កម្មវិធី​សទ្ទានុក្រម​ពាក្យ​កុំព្យូទ័រ អង់គ្លេស-ខ្មែរ សម្រាប់ Windows Phone នឹង​ដាក់ឲ្យ​ទាញ​យក​នៅ​ពេល​ឆាប់ៗ​ខាង​មុខ​នេះ។ តែ​លោក​ក៏​បាន​បញ្ជាក់​ផង​ដែរ​ថា​កំណែ​សម្រាប់ iOS និង Android កំពុង​ស្ថិត​នៅ​ក្នុង​ការ​ស្ថាបនា​ហើយ​ក៏​នឹង​ចេញ​តាម​ក្រោយ​ដែរ។ កម្មវិធី​សទ្ទានុក្រម​មួយ​នេះ នឹង​ជួយ​ឲ្យ​អ្នក​ងាយ​ស្រួល​ក្នុង​ការ​បក​ប្រែ​ពាក្យ​បច្ចេកទេស​កុំព្យូទ័រ​ជា​ភាសា​អង់គ្លេស ទៅ​ជា​ភាសា​ខ្មែរ​បាន​យ៉ាង​ងាយ​ស្រួល ហើយ​នេះ​ក៏​ជា​ចំណែក​មួយ​ក្នុង​ការ​លើក​កម្ពស់​អក្សរ​និង​ភាសា​ខ្មែរ​នៅ​ក្នុង​ផ្នែក​បច្ចេកវិទ្យា​ព័ត៌មាន​នា​ពេល​បច្ចុប្បន្ន​នេះ។

តោះ! ចូលរួម​កម្មវិធី BarCamp Phnom Penh 2012 ទាំង​អស់​គ្នា!

ឆ្នាំ​ជា​ការ​ធ្វើ​កម្មវិធី BarCamp ភ្នំពេញ​ លើកទី៥ ចាប់​តាំង​ពី​ពេល​ចាប់​ផ្ដើម​មក។ ព្រឹត្តិការណ៍​នេះ​ត្រូវ​បាន​ប្រារព្ធ​ឡើង​ជា​រៀង​រាល់​ឆ្នាំ​ចំនួន​ពីរ​ថ្ងៃ នៅ​ក្នុង​ទីក្រុង​ភ្នំពេញ ហើយ​មាន​ការ​ឧបត្តម្ភ​និង​គាំទ្រ​យ៉ាង​ខ្លាំង​ពី​សំណាក់​ក្រុមហ៊ុន​នានា​និង​ប្រជាជន​ជា​ច្រើន។ នៅ​ឆ្នាំ​នេះ BarCamp ភ្នំពេញ លើក​ទី៥ នឹង​ប្រារព្ធ​ធ្វើ​ឡើង​នៅ​សាកលវិទ្យាល័យ​ពុទ្ធិសាស្ត្រ ចាប់​ពី​ថ្ងៃ​ទី២២ ដល់ ២៣ តាំង​ពី​ព្រឹក​ដល់​ល្ងាច កម្មវិធី​នេះត្រូវ​បាន​បង្កើត​ឡើង​ក្នុង​គោល​បំណង​ឲ្យ​មនុស្ស​ទាំង​ឡាយ​អាច​បង្កើត​បណ្ដាញ​ទំនាក់​ទំនង, ចែករំលែក​បទពិសោធន៍​ក្នុង​ជំនាញ​ផ្សេងៗ​ដូច​ជា កុំព្យូទ័រ, សហគ្រិន, ជំនួញ និង​ផ្សេងៗ​ទៀត​តាម​តែ​អ្នក​ដែល​ចូលរួម​ទាំង​នោះ​ចង់​ចែក​រំលែក។ BarCamp Phnom Penh គឺជាព្រឹត្តិការណ៍ជួបជុំគ្នារយៈពេល២ថ្ងៃ ដើម្បីចែករំលែក ចំណេះដឹង និងបទពិសោធន៍ផ្សេងៗ ដែលទាក់ទងទៅនឹង បច្ចេកវិទ្យា មធ្យោបាយទំនាក់ទំនង និងគំនិតច្នៃប្រឌិតថ្មីៗ។ ការជួបជុំគ្នានេះប្រមូលផ្ដុំទៅដោយ អ្នកជំនាញកុំព្យូទ័រ អ្នកធុរកិច្ចលើវិស័យបច្ចេកវិទ្យាព័ត៌មានវិទ្យា អ្នកអភិវឌ្ឍន៍វិបសាយ និងកម្មវិធីកុំព្យូទ័រ អ្នកគ្រប់គ្រងសន្តិសុខព័ត៌មានវិទ្យា អ្នកសារព័ត៌មានសង្គម សហគ្រិនវ័យក្មេង ព្រមទាំងនិស្សិតជាច្រើនទៀត។ –គេហទំព័រ BarCamp ភ្នំពេញ ការ​ចុះ​ឈ្មោះ នៅ​ពេល​នេះ​ការ​ចុះ​ឈ្មោះ​ត្រូវ​បាន​អនុញ្ញាត​ឲ្យ​ចុះ​បាន​តាម​រយៈ​អ៊ីនធឺណិត​ហើយ ប្រសិន​បើ​អ្នក​ចង់​ចូលរួម​ក្នុង​ព្រឹត្តិការណ៍​នេះ​សូម​ចូល​ទៅ​កាន់៖ http://2012.barcampphnompenh.org/ បន្ទាប់​មក​ចុច​លើ​រូប Register ដែល​ស្ថិត​នៅ​ខាង​លើ។ ទីតាំង​និង​ប្លង់ ព័ត៌មាន​បន្ថែម៖

ដោះ​ស្រាយ​បញ្ហា​រវាង Skype និង WampServer

បញ្ហា​នេះ​តែង​តែ​កើត​មាន​ឡើង​នៅ​ពេល​ដែល​កុំព្យូទ័រ​មួយ​បាន​ដំឡើង​កម្មវិធី WampServer និង Skype។ បញ្ហា​នោះ​គឺ WampServer នឹង​មិន​ដើរ​នៅ (មិនលោត​ទៅ​រូប​ពណ៌​បៃតង) នៅ​ពេល​ដែល Skype ចាប់​ផ្ដើម​ដំណើរ​ការ​មុន។ ដូច្នេះ​ដើម្បី​ឲ្យ WampServer ដើរ​យើង​ចាំ​បាច់​ត្រូវ​បិទ Skype សិន​រួច​បើក WampServer ហើយ​បាន​បើក Skype ឡើង​វិញ​ម្ដង​ទៀត។ តែ​ដំណោះ​ស្រាយ​បែប​នេះ ធ្វើ​ឲ្យ​យើង​ចំណាយ​ពេល ហើយ​ណា​មួយ​បិទ​ចុះ​បើក​ឡើង​នាំ​តែ​ច្រើន​ដង។ តែ​ដំណោះ​ស្រាយ​តែ​ម្យ៉ាង​ដែល​ផ្ដល់​ភាព​ងាយ​ស្រួល​ជា​និរន្តរ៍​នោះ គឺ​យើង​គ្រាន់​តែ​ចូល​ទៅ​កែ​បន្តិច​ប៉ុណ្ណោះ​នៅ​ក្នុង Skype។ ជា​ដំបូង​សូម​បើក​កម្មវិធី Skype បន្ទាប់​មក​ចូល​ទៅ​កាន់៖ Tools -> Options… -> Advanced -> Connection ហើយ​ដោះ​ជម្រើស "Use port 80 and 443 as alternatives for incoming connections" ។ ចាប់​ផ្ដើម​កម្មវិធី Skype ឡើង​វិញ។ បន្ទាប់​មក​សូម​សាក​ល្បង​បើក​កម្មវិធី WampServer តាម​ក្រោយ​ដូច​រាល់​ដង, ពេល​នោះ​អ្នក​នឹង​ឃើញ​រូប

ផ្លាស់​ប្ដូរ​លេខ​និង​កាលបរិច្ឆេទ​ទៅ​ជា​ភាសា​ខ្មែរ នៅ​ក្នុង Windows 7

បច្ចុប្បន្ន​នេះ ភាសា​ខ្មែរ​និង​អក្សរ​ខ្មែរ​កំពុង​តែ​លូតលាស់​បាន​យ៉ាង​ល្អ​នៅ​ក្នុង​វិស័យ​បច្ចេកវិទ្យា ទាំង​នៅ​ក្នុង​ទូរស័ព្ទ កុំព្យូទ័រ កុំព្យូទ័រ​បន្ទះ និង​របស់​នានា។ នៅ​ក្នុង​ឧបករណ៍​មួយ​ចំនួន​នោះ មាន​ខ្លះ​ដែល​បាន​អនុញ្ញាត​ឲ្យ​អ្នក​ប្រើ​ប្រាស់​អាច​ប្រើ​លេខ​និង​កាលបរិច្ឆេទ ជា​ភាសាជាតិ​របស់​ខ្លួន ដូច​ជា iPhone (iOS) និង​កុំព្យូទ័រ (Windows 7, Ubuntu, MacOS) ជាដើម។ ដើម្បី​ធ្វើ​ការ​ផ្លាស់​ប្ដូរ​នៅ​ក្នុង Windows 7 វា​មិន​មាន​ការ​លំបាក​ឡើយ។ ដូច្នេះ​សូម​អនុវត្ត​តាម​វិធី​ងាយៗ​ដែល​មាន​នៅ​ខាង​ក្រោម​នេះ៖ ១. បើក Control Panel ហើយ​វាយ​រក​ពាក្យ Region and Language ២. ក្នុង​ផ្ទាំង Formats សូម​ប្ដូរ​កន្លែង Format ទៅ​ជា Khmer (Cambodia) ៣. ជា​ចុង​ក្រោយ​សូម​ចុច Apply ឬ OK ដើម្បី​មើល​លទ្ធផល ប្រការ​ណា​មួយ​ដែល​អ្នក​មិន​ចង់​ប្ដូរ​លេខ​ពី​ឡាតាំង​ទៅ​ជា​អក្សរ​ខ្មែរ ហើយ​ទុក​តែ​កាលបរិច្ឆេទ​នោះ៖ ១. សូម​ចូល​ទៅ​ក្នុង​ផ្ទាំង Formats នៃ Region and Language ដដែល​ហើយ​ចុច​លើ​ប៊ូតុង

Apple ប្រកាស​ដំណឹង​អំពី OS X Mountain Lion ដែល​ភ្ជាប់​មក​ជាមួយ​លក្ខណៈ​របស់ iOS មួយ​ចំនួន

កាល​ពី​ថ្ងៃ​ទី១៦ ខែ​កុម្ភៈ ឆ្នាំ​២០១២​ កន្លង​ទៅ​នេះ ក្រុម​ហ៊ុន Apple បាន​ប្រកាស​ផ្សាយ​នូវ​ជំនាន់​ថ្មី​នៃ Mac OS ថ្មី​សម្រាប់​កុំព្យូទ័រ ដែល​មាន​ឈ្មោះ​ថា OS X Mountain Lion។ ជំនាន់​ថ្មី​នេះ ត្រូវ​បាន​គេ​អះអាង​ថា មាន​ភ្ជាប់​មក​ជាមួយ​លក្ខណ់​មួយ​ចំនួន​នៃ​ប្រព័ន្ធ​ប្រតិបត្តិការ iOS ដែល​មាន​ប្រើ​នៅ​លើ iPhone ជា​ដើម។ ប្រព័ន្ធ​ប្រតិបត្តិការ OS X ជំនាន់​ថ្មី​នេះ នឹង​ដាក់​ចេញ​ឲ្យ​ប្រើ​ប្រាស់​ក្នុង​រដូវ​ក្ដៅ​ខាង​មុខ​នេះ។ លក្ខណៈ​ទី​មួយ​នៃ iOS ដែល​មាន​ភ្ជាប់​មក​ក្នុង OS X Mountain Lion គឺ Notification Center (មជ្ឈមណ្ឌល​ដំណឹង) ។ របស់​នេះ​មាន​តួនាទី​ក្នុង​ការ​គ្រប់​គ្រង​ដំណឹង​ផ្សេងៗ​ដូច​ជា សារ​ជា​អក្សរ, អ៊ីមែល, ដំណឹង​របស់​កម្មវិធីប្រើ​ប្រាស់ ។ល។ ឲ្យ​ស្ថិត​នៅ​ក្នុង​ទី​កន្លែង​តែ​មួយ ដើម្បី​ងាយ​ស្រួល​ក្នុង​ការ​ចាត់​ចែង។ Message ជា​កម្មវិធី​ជជែក​កម្សាន្ត ដែល​អ្នក​ប្រើ​ប្រាស់ Apple ទាំង​ឡាយ​អាច​ធ្វើ​ការ​ចែក​រំលែក​ឯកសារ, ជជែក​កម្សាន្ត​តាម​អក្សរ និង តាម​វីដេអូ។ Reminders