គន្លឹះ និង កម្មវិធី Archive

កម្មវិធី​រៀន​សរសេរ​អក្សរ​ខ្មែរ នៅ​លើ iPhone

សន្ទុះ​នៃ​កំណើន​កម្មវិធី​ដែល​ផលិត​ដោយ​ក្រុមហ៊ុន ឬ​ក្រុម​និស្សិតសម្រាប់​ទូរស័ព្ទ​និង​កុំព្យូទ័រ​កំពុង​រីក​ចម្រើន​ពី​មួយ​ថ្ងៃ​ទៅ​មួយ​ថ្ងៃ។ អ្នក​ប្រហែល​ជា​ធ្លាប់​បាន​ឮ​ល្បែង​កម្សាន្ត​មួយ​ឈ្មោះ «អាស្វា» ផលិត​ដោយ អស្ចារ្យ​ស្ទូឌីយ៉ូ ដែល​ទទួល​បាន​ការ​គាំទ្រ​យ៉ាង​ច្រើន ហើយ​ក៏​នៅ​មាន​កម្មវិធី​ជា​ច្រើន​ទៀត​ផង​ដែរ។ កាល​ពី​ម្សិល​មិញ​នេះ មាន​កម្មវិធី​សិក្សា​មួយ​ថ្មី​ទៀត​ត្រូវ​បាន​ដាក់​បញ្ចូល​ទៅ​ក្នុង iTune App Store មាន​ឈ្មោះ​ថា «Write Khmer» ។ នេះ​ជា​កម្មវិធី​បង្រៀន​ដូច​ជា​ការសរសេរ​អក្សរ​ខ្មែរ ដោយ​ភ្ជាប់​មក​ជាមួយ​រូបភាព​ស្អាតៗ​ទាក់​ភ្នែក គួរ​ឲ្យ​ចាប់​អារម្មណ៍។ កម្មវិធី​នេះ​ត្រូវ​បាន​រក្សាសិទ្ធិ​ដោយ​ក្រុមហ៊ុន BM Solution ។

អក្សរ​ខ្មែរ​នៅ​ក្នុង​កម្មវិធី Photoshop CS6

មាន​សំណួរ​មួយ​ចំនួន​បាន​ផ្ញើ​មក​សួរ​ខ្ញុំ​អំពី​បញ្ហា​អក្សរ​ខ្មែរ​នៅ​ក្នុង​កម្មវិធី Photoshop CS6 ដែល​ក្រុមហ៊ុន Adobe ទើប​តែ​ចេញ​ផ្សាយ​ពីរ​បី​ខែ​នេះ។ ខ្ញុំ​ក៏​ពុំ​ទាន់​មាន​ដំណោះ​ស្រាយ​ណា​មួយ​ដែល​សម​ស្រប​សម្រាប់​ស្ថានភាព​បច្ចុប្បន្ន​នេះ​ដែរ តែ​នៅ​ពេល​ថ្មីៗ​នេះ​ក្នុង​គេហទំព័រ​របស់​លោក ដាញ់ ហុង អ្នក​ជំនាញ​ធ្វើ​ពុម្ព​អក្សរ​យូនីកូដ​ខ្មែរ បាន​សរសេរ​អត្ថបទ​មួយ​ខ្លី​ទាក់​ទង​នឹង​បញ្ហា​នេះ។ លោក​បាន​បង្ហាញ​អំពី​ការ​ប្រើ​អក្សរ​ហនុមាន (Hanuman ដែល​ទាញ​យក​ចេញ​ពី Google Webfonts) នៅ​ក្នុង​កម្មវិធី Photoshop CS6 ហើយ​ដូច​ជា​ពុំ​មាន​បញ្ហា​អ្វី​ឡើយ។ ខ្ញុំ​ពុំ​ទាន់​មាន​កម្មវិធី Photoshop CS6 ប្រើ​នៅ​ឡើយ​ទេ តែ​ប្រសិន​បើ​លោក​អ្នក​មាន​ហើយ សូម​សាក​ល្បង​តាម​សេចក្ដីណែនាំ​ដែល​ខ្ញុំ​ដក​ស្រង់​ចេញ​ពី​គេហទំព័រ​របស់​លោក ដាញ់ ហុង។ ១. សូម​ទាញ​យក​អក្សរ ហនុមាន (Hanuman) ពី​គេហទំព័រ Google Webfonts។ ២. ចូល​ទៅ Type → Penals → Paragraph Penal បន្ទាប់​មក​រើស​យក៖   ប្រភព៖ Khmer Type

ជ្រើស​រើស​កម្មវិធី PeaZip ជំនួស WinRAR, WinZip

Archive ជា​ប្រភេទ​កញ្ចប់​ឯកសារ​មួយ ដែល​ខ្ចប់​ឯកសារ​ជា​ច្រើន​ចូល​គ្នា ហើយ​អាច​ចម្លង​យក​ទៅ​ទី​កន្លែង​ណា​មួយ​យ៉ាង​ងាយ​ស្រួល។ ឯកសារ​ប្រភេទ Archive មាន​ដូច​ជា zip , rar , tar , gz , iso , apk , taz  និង​ជា​ច្រើន​ផ្សេង​ទៀត។ ដើម្បី​គ្រប់​គ្រង​លើ​ឯកសារ​ប្រភេទ​នេះ (ក្នុង Windows) យើង​ចាំ​បាច់​ត្រូវ​ដំឡើង​កម្មវិធី​មួយ​ចំនួន​ដូច​ជា៖ WinRAR (គិត​ប្រាក់) WinZip (គិត​ប្រាក់) 7-Zip (មិន​គិត​ប្រាក់) PeaZip (មិន​គិត​ប្រាក់) ក្នុង​ចំណោម​កម្មវិធី​ខាង​លើ​ទាំង​ប៉ុន្មាន PeaZip អាច​ចាត់​ទុក​ថា​ជា​កម្មវិធី​ល្អ​មួយ​ដែល​អាច​ទាញ​យក​បាន​ដោយ​មិនគិត​ប្រាក់​និង​បើក​ទូលាយ (Open Source) ហើយ​អាច​ប្រើ​បាន​យ៉ាង​ល្អ​នៅ​លើ Windows មិន​ចាញ់ WinRAR ឬ WinZip ឡើយ។ PeaZip អាច​អាន រុករក​ឯកសារ​នៅ​ក្នុង​ឯកសារ Archive លើស​១៥០​ប្រភេទ ហើយ​កម្មវិធី​នេះ​មាន​វត្តមាន​ទាំង​នៅ​លើ Windows និង Linux ។

ទាញ​យក​រូប​ភាព​របស់​អ្នក​ពី Instagram ទាំង​អស់​ជា​កញ្ចប់ ZIP

Instagram ជា​កម្មវិធី​មួយ​ដ៏​ល្បី​ល្បាញ ឬ​ក៏​អាច​ហៅ​ថា​ជា​សហគមន៍​មួយ​ដ៏​ធំ ក្នុង​ការ​ចែក​រំលែក​រូបថត​របស់​អ្នក​បាន​ភ្លាម ទៅ​កាន់​មនុស្ស​នៅ​ជុំ​វិញ​ខ្លួន​អ្នក ព្រម​ទាំង​ទៅ​ក្នុង​គណនី Facebook និង​បណ្ដាញ​សង្គម​នានា​ដែរ។ អ្នក​អាច​ឆ្លើយ​ឆ្លង ជជែក​កម្សាន្ត និង​ចូល​ចិត្ត​រូប​ណា​មួយ​ដែល​មនុស្ស​ទាំង​ឡាយ​បាន​ដាក់​ផ្សាយ។ ដោយ​សារ​តែ​ភាព​ល្បី​ល្បាញ​និង​ងាយ​ស្រួល​នេះ​ហើយ ទើប Facebook បាន​ចំណាយ​ប្រាក់​ទិញ Instagram ក្នុង​តម្លៃ​ជាង ១ពាន់​លាន​ដុល្លារ។ ម្យ៉ាង​វិញ​ទៀត ពី​មួយ​ថ្ងៃ​ទៅ​មួយ​ថ្ងៃ អ្នក​ដែល​ចូល​ចិត្ត​ប្រើ​ប្រាស់ Instagram តែង​តែ​ថត​រូប​ដាក់​ជា​ញឹកញាប់ តែ​មិន​ប្រាកដ​ថា រូប​ដែល​ដាក់​ក្នុង Instagram រួច​ហើយ​លុប​រូប​ក្នុង​ទូរសព្ទ​ចោល​នោះ​ទេ។ ដូច្នេះ​ប្រសិន​បើ​សិន​អ្នក​បាន​លុប​រូប​ទាំង​អស់​ក្នុង​ទូរស័ព្ទ​ហើយ (រូប​ដែល​ដាក់​ក្នុង Instagram) អ្នក​មិន​បាច់​បារម្ភ​ក្នុង​ការ​ស្វែង​រក​វា​ឡើយ។ អ្នក​អាច​ប្រើ​បាន​ជាមួយ​កម្មវិធី Instarchive ដែល​ជួយ​ឲ្យ​អ្នក​ទាញ​យក​រូប​ទាំង​ឡាយ ដែល​បាន​ដាក់​ក្នុង Instagram មក​ក្រៅ​ទាំង​អស់។ ដើម្បី​ទាញ​យក​បាន អ្នក​ពុំ​បាច់​ត្រូវ​ការ​អ្វី​ច្រើន​នោះ​ឡើយ។ ដូច្នេះ​ដើម្បី​ឲ្យ​ច្បាស់​ថែម​ទៀត ធ្វើ​តាម​ដំណាក់​កាល​ខាង​ក្រោម៖ ១. សូម​ចូល​ទៅ​កាន់​គេហទំព័រ Instarchive ហើយ​ចុច​លើ​ពាក្យ Connect with Instagram ២. សូម​បំពេញ​ព័ត៌មាន​គណនី​របស់​អ្នក ៣. ចុច​លើ​ប៊ូតុង Authorize ដើម្បី​អនុញ្ញាត​ឲ្យ​ភ្ជាប់​ទៅ Instagram ៤. នៅ​ពេល​នេះ​អ្នក​អាច​ទាញ​យក​រូប​ភាព​របស់​អ្នក​បាន​ហើយ!

Firefox 12.0 Beta មាន​ជា​ភាសា​ខ្មែរ​ហើយ

យោង​តាម​ប្រកាស​ផ្សាយ​របស់​គេហទំព័រ សហគមន៍ Mozilla ខ្មែរ បាន​ឲ្យ​ដឹង​ថា «នៅ​ពេល​នេះ​កម្មវិធី Firefox ជំនាន់ 12.0 Beta មាន​ជា​ភាសា​ខ្មែរ​ហើយ» យើង​អាច​ធ្វើ​ការ​ទាញ​យក​ទៅ​ប្រើ​ប្រាស់​បាន​ដោយ​សេរី និង​ឥត​គិត​ថ្លៃ​ផង​ដែរ។ នៅ​ក្នុង​អត្ថបទ​ដើម ឯ​គេហទំព័រ​សហគមន៍​នោះ ក៏​មាន​ការ​សំណូម​ពរ​ឲ្យ​អ្នក​ប្រើ​ប្រាស់​ទាំង​អស់​គ្នា មេត្តា​សហការ​គ្នា​ជួយ​ផ្ដល់​មតិ​កែ​លម្អ​ការ​បក​ប្រែ ឲ្យ​កាន់​តែ​មាន​ភាព​ច្បាស់​លាស់ និង​ល្អ​ថែម​ទៀត។ តើ​អ្នកបាន​ត្រៀម​ខ្លួន​ក្នុង​ការ​ប្រើ​ប្រាស់ Firefox 12.0 Beta ជា​ភាសា​ខ្មែរ​ហើយឬនៅ? ចូលរួម​ទាំង​អស់​គ្នា ប្រើ​កម្មវិធី​ជា​ភាសា​ខ្មែរ ដើម្បី​លើក​តម្កើង​ភាសា​ខ្មែរ​ក្នុង​វិស័យ​បច្ចេកវិទ្យា​ព័ត៌មានវិទ្យា ឲ្យ​កាន់​តែ​រីក​ចម្រើន​ឡើង​ទៀត។ ប្រភព​ព័ត៌មាន | ទាញ​យក Firefox 12.0 Beta ជា​ភាសា​ខ្មែរ

Funny Photo Maker៖ កម្មវិធី​កែ​រូប​ឲ្យ​មាន​សភាព​ប្លែក

កម្មវិធី​កែ​ច្នៃ​រូបភាព​បច្ចុប្បន្ន​នេះ​មាន​ច្រើន​ជា​អនេក ហើយ​មាន​លក្ខណៈ​ពិសេស​ស្រដៀងៗ​គ្នា គ្រាន់​តែ​មាន​ខ្លះ​ទៅ​ល្អ​ប្រើ ខ្លះ​ទៅ​មិន​ល្អ​ប្រើ​ព្រោះ​វា​ពិបាក។ ដូច​ជា Photoshop និង GIMP, Corel Draw និង Inkscape ជាដើម។ ចំណែក​ឯ​កម្មវិធី Funny Photo Maker មួយ​នេះ​វិញ មិន​មាន​លក្ខណៈ​បែប​កែ​ច្នៃ កាត់​ត​រូប​ដូច Photoshop អ្វី​ឡើយ ប៉ុន្តែ​វា​ផ្ដល់​នូវ​លក្ខណៈ​ពិសេស​មួយ​ទៀត ដោយ​ឲ្យ​អ្នក​ប្រើ​ប្រាស់​ធ្វើ​ការ​កែ​ច្នៃ​រូបភាព ដោយ​បន្ថែម​ទិដ្ឋភាព (effect) និង​ដាក់​រូប​ចូល​ទៅ​ក្នុង​ស៊ុម​រូបថត​ណា ដែល​គួរ​ឲ្យ​អស់​សំណើច។ កម្មវិធី​នេះ​ត្រូវ​បាន​ចែក​រំលែក​ឲ្យ​ប្រើ​ដោយ​សេរី ឥត​គិត​ថ្លៃ ហើយ​អាច​ប្រើ​បាន​នៅ​ក្នុង​ប្រព័ន្ធ​ប្រតិបត្តិការ៖ Windows XP, Windows Vista, Windows 7 និង Windows 8 ។ ទាញ​យក​កម្មវិធី Funny Photo Maker រូប​ភាព៖  Addictive Tips

មាន​អ្វី​ប្លែក​ទៀត​ហើយ​នៅ​ក្នុង Google Maps?

កាល​ពីពេល​ថ្មីៗ​នេះ Google ទើប​តែ​ដាក់​ឲ្យ​ប្រើ​នូវ​បច្ចេកវិទ្យា​ថ្មី​របស់​ខ្លួន​គឺ MapsGL តែ​នៅ​ពេល​នេះ Google បញ្ចេញ​របស់​ប្លែក​មក​ទៀត​ហើយ ពិត​ជា​ចម្លែក​និង​មិន​ធ្លាប់​មាន​ពីមុន​មក។ 8-bit Quest Maps ជា​បច្ចេកវិទ្យា​ផែន​ទី​ថ្មី​មួយ​ទៀត​ដែល​ទើប​នឹង​ដាក់​ក្នុង​ស្ថានភាព​សាក​ល្បង​នៅ​ឡើយ។ ហើយ​អ្នក​អាច​មើល​វា​បាន​នៅ​លើ​គណិតូបករណ៍​មាន​សណ្ឋាន 8-bit (ឥឡូវ​នៅ​មាន​អ្នក​ប្រើ 8-bit ដែរ​ទៀត​ទេ?) ។ មើល​សណ្ឋាន​ដី​ក្នុង​បែប 8-bit ក្លាយ​ជា​វីរបុរស ដើរ​រុករក​ពិភព​លោក ស្វែង​រក​បិសាច​អាថ៌កំបាំង http://maps.google/com

គន្លឹះ​ក្នុង​ការ​ធ្វើ​ពុម្ព​អក្សរ​យូនីកូដ​ខ្មែរ (បទ​បង្ហាញ​ក្នុង ព្រឹត្តិការណ៍​បើក​ទូលាយ)

អ្នក​ប្រាកដ​ជា​ដឹង​រួច​មក​ហើយ​អំពី ព្រឹត្តិការណ៍​បើកទូលាយ ដែល​ត្រូវ​បាន​រៀប​ចំ​ដោយ​ក្រុម ចែក​គ្នា​និយាយ​អាយធី ដែល​មាន​ទីតាំង​នៅ​ក្នុង​គេហទំព័រ​បណ្ដាញ​សង្គម Facebok ។ ក្នុង​ថ្ងៃ​កម្មវិធី​នោះ (១៩-កុម្ភៈ-២០១២) ខ្ញុំ (ទេព សុវិចិត្រ) ក៏​បាន​ធ្វើ​បទ​បង្ហាញ​មួយ​ស្ដី​អំពី គន្លឹះ​ធ្វើ​ពុម្ព​អក្សរ​យូនីកូដ​ខ្មែរ ផង​ដែរ។ ខាង​ក្រោម​នេះ​គឺ​ជា​បទ​បង្ហាញ​របស់​ខ្ញុំ ដែល​យក​ទៅ​បង្ហាញ​នៅ​ថ្ងៃ​នោះ។ ឯកសារ​បទ​បង្ហាញ​នេះ ពុំ​មាន​ការ​ពន្យល់​ច្រើន​ទេ ដោយ​គ្រាន់​តែ​បង្ហាញ​ពី​ចំណុច​តាម​ផ្នែក​និមួយៗ​ប៉ុណ្ណោះ។