អត្ថបទ​ផ្សេងៗ Archive

រួម​គ្នា​ជួយ​ឲ្យ Google Translate ភាសា​ខ្មែរ​ប្រសើរ​ឡើង

ដោយ​សារ​តែ Google ទើប​ចេញ​កំណែ Alpha ដូច្នេះ​កំហុស​នៅ​មាន​ច្រើន។ ការ​បក​ប្រែ​ស្វ័យ​ប្រវត្តិ​វា​មិន​អាច​ត្រឹម​ត្រូវ​ទាំង​ស្រុង​នោះ​ឡើយ មិន​ថា​នៅ​ភាសា​ណា​ក៏​គង់​តែ​មាន​កំហុស។ ដូច្នេះ​សូម​មេត្តា​កុំ​បណ្ដុះ​បង្អាប់ ឬ​តិះ​ដៀល​រិះគន់​លក្ខណៈ​អវិជ្ជមាន​ឡើយ សូម​មេត្តា​ប្រើ​វិធី​ពីរ​ដែល​មាន​ដូច​ខាង​ក្រោម ដើម្បី​ជួយ​សម្រួល​ឲ្យ Google Translate អាច​ធ្វើ​ឲ្យ​ការ​បកប្រែ​កាន់​តែ​មាន​ភាព​ល្អ​ប្រសើរ​ឡើង​វិញ។ ១. ការ​បក​ប្រែ​បន្ថែម (Alternative Translations)៖ Google Translate នឹង​ធ្វើ​ការ​សិក្សា​ស្វែង​យល់​អំពី​ការ​បកប្រែ​របស់​យើង​ដែល​បាន​ធ្វើ​ក្រៅ​បន្ថែម​នេះ ដើម្បី​អភិវឌ្ឍ​ការ​បក​ប្រែ​ពាក្យ ឃ្លា អត្ថបទ​បាន​ល្អ​ជាង​មុន។ ២. ការវាយតម្លៃ៖ http://ow.ly/i/1Vn1r (ដោយ៖ ពពក) ដូច្នេះ​ខ្ញុំ​សង្ឃឹម​ថា​យើង​នឹង​ចូលរួម​ទាំង​អស់​គ្នា​ដើម្បី​ឲ្យ​ការ​បក​ប្រែ​កាន់​តែ​ប្រសើរ​ឡើង​សម្រាប់​ពេល​អនាគត​នេះ។

ជយោ! ភាសា​ខ្មែរ​មាន​ក្នុង​កម្មវិធី Google Translate ហើយ

ព័ត៌មាន​ចេញ​កាល​ពី​ខែ​មុន​នៅ​តាម​បណ្ដា​សារព័ត៌មាន​នានា​បាន​បញ្ជាក់​ថា ភាសា​ខ្មែរ​នឹង​មាន​ក្នុង​កម្មវិធី​បក​ប្រែ Google Translate នៅ​ក្នុង​ឆ្នាំ​នេះ។ ព័ត៌មាន​មួយ​នេះ​ធ្វើ​ឲ្យ​ខ្ញុំ​មិន​អស់​ចិត្ត​សោះ នៅ​តែ​ចង់​ដឹង​ចង់​ឃើញ​ពី​ដំណើរ​ការ​ធ្វើ​និង​ការ​ចេញ​ផ្សាយ។ តែ​នៅ​ពេល​នេះ​ការ​រង់​ចាំ​របស់​យើង​ទាំង​អស់​គ្នា​បាន​ចេញ​ជា​លទ្ធផល​ហើយ គឺ​នៅ​ពេល​នេះ Google Translate បាន​បញ្ចូល​ភាសា​ខ្មែរ​ទៅ​ក្នុង​កម្មវិធី​របស់​គេ​ហើយ ក៏​ប៉ុន្តែ​ស្ថិត​នៅ​ក្នុង​កំណែ Alpha ដំបូង​ប៉ុណ្ណោះ គឺ​ការ​បក​ប្រែ​មិន​ទាន់​ត្រឹម​ត្រូវ​ច្រើន​ឡើយ ក៏​ប៉ុន្តែ​យើង​ក៏​អាច​ចូលរួម​ឲ្យ​ការ​បក​ប្រែ​នេះ​ល្អ​ថែម​ទៀត​ដែរ ដោយ​ធ្វើ​ការ​វាយ​តម្លៃ​ទៅ​លើ​ការ​បកប្រែ​និមួយៗ។ វា​ពិត​ជា​មាន​មោទនភាព​ណាស់​សម្រាប់​ភាសា​ជាតិ​របស់​យើង ដែល​នៅ​ពេល​នេះ​កំពុង​បង្ហាញ​មុខ​ជា​អន្តរជាតិ។ គ្រាន់​តែ​ខ្ញុំ​ដឹង​ពី​ដំណឹង​នេះ​ភ្លាម ខ្ញុំ​សែន​សប្បាយ​ចិត្ត​ណាស់ ព្រោះ​ខ្ញុំ​ក៏ដូច​អ្នក​ទាំង​អស់​គ្នា​​បាន​រង់​ចាំ​អស់​រយៈ​ពេល​យូរ​ឆ្នាំ​មក​ហើយ។ ព័ត៌មាន​បន្ថែម៖ --ប្លក់​ផ្លូវការ​របស់ Google Translate ៖ ហេតុ​ផល​ពីរ​ដែល​លំបាក​នៅ​ក្នុង​ដំណើរ​ការ​បក​ប្រែ​ភាសា​ខ្មែរ​គឺ ភាសា​ខ្មែរ​នៅ​លើ​អ៊ីនធឺណិត​នៅ​មាន​តិច (ដូច្នេះ​យើង​គួរ​នាំ​គ្នា​សរសេរ​ភាសា​ខ្មែរ​ឲ្យ​ច្រើន) ការ​សរសេរ​ពាក្យ​ជា​ទូទៅ​មិន​ត្រូវ​បាន​ប្រើ​ដក​ឃ្លា (ព្រោះ​ភាសា​ខ្មែរ​យើង​សរសេរ​ជាប់ៗ​គ្នា មិន​មែន​ដក​ឃ្លា​គ្រប់​ពាក្យ​ដូច​អង់គ្លេស​នោះ​ឡើយ) Google នឹង​ព្យាយាម​ធ្វើ​ឲ្យ​ភាសា​ខ្មែរ​កាន់​តែ​ប្រសើរ​ឡើង​នៅ​ពេល​ខាង​មុខ។ ម្យ៉ាង​វិញ​ទៀត​ក្បួន​ដោះ​ស្រាយ (បក​ប្រែ​ពាក្យ វេយ្យាករណ៍ ការ​រៀប​ចំពាក្យ) នឹង​មាន​ភាព​ប្រសើរ​នៅ​ពេល​ដែល Google រក​ឃើញ​ការ​បក​ប្រែ​និង​សិក្សា​អំពី​ការ​បក​ប្រែ​បន្ថែម (alternative translations) របស់​អ្នក។

រូប​ត្លុក៖ សិក្សា​ពី​ប្រវត្តិសាស្ត្រ

គិត​ថា​ស្រដៀង​គ្នា​ដែរ​ទេ? [ប្រភព]

រូបរាង​ថ្មី​នៃ​គេហទំព័រ IT4U

នៅ​ថ្ងៃ​នេះ​គេហទំព័រ IT4U បាន​ផ្លាស់​ប្ដូ​ររូបរាង​ថ្មី ដែល​ប្រកប​ទៅ​ដោយ​ភាព​ទូលាយ មិន​សាំញ៉ាំ ហើយ​សាមញ្ញ​ងាយ​ស្រួល​មើល​ជាង​មុន។ នេះ​គឺ​ជា​ការ​ផ្លាស់​ប្ដូរ​រូបរាង​លើក​ទី៣​ហើយ បើ​គិត​ចាប់​តាំង​ពី​ថ្ងៃ​ទី១ ខែ​មីនា ឆ្នាំ​២០១១ ដែល​ជា​ថ្ងៃ​បើក​សម្ពោធ​មក​ម្ល៉េះ។ រូបរាង​ថ្មី​នេះ​ត្រូវ​បាន​រចនា​ឡើង​ដោយ​ប្រើ​ប្រាស់​បច្ចេកវិទ្យា​វែប​ថ្មី ដែល​ពេញ​និយម​បំផុត​នោះ​គឺ យើង​ខ្ញុំ​គិត​ថា​រូបរាង​ថ្មី​មួយ​នេះ ប្រាកដ​ជា​នៅ​មាន​កន្លះ​ខ្លះ​ខ្វះ​ខាត​នៅ​ឡើយ ដូច្នេះ​ប្រសិន​បើ​អ្នក​ទាំង​អស់​គ្នា​រក​ឃើញ​ចំណុច​មិន​សម​គួរ​នោះ សូម​ផ្ដល់​ជាមតិ​កែ​លម្អ នៅ​ក្នុង​ប្រអប់​វាចា​ខាង​ក្រោម​នេះ។ សូម​អរគុណ! ពី​យើង​ខ្ញុំ, ស្ថាបនិក​គេហទំព័រ។

រូប​ត្លុក៖ ការ​ប្រើ​ប្រាស់ iPad ចាស់​របស់​អ្នក

តើ​នៅ​ពេល​ដែល iPad ថ្មី​ចេញ​មក​ហើយ​នោះ ចុះ iPad ចាស់​របស់​អ្នក​នឹង​ទៅ​ជា​យ៉ាង​ណា? [Uses for Your Old iPad]

គម្រប់​ខួប​ ១ឆ្នាំ នៃ​គេហទំព័រ IT4U

ថ្ងៃ​នេះ​ជា​ថ្ងៃ​គម្រប់​ខួប​មួយ​ឆ្នាំ​នៃ​គេហទំព័រ IT4U ដែល​ត្រូវ​បាន​ចាប់​ដំណើរ​ការតាំង​ពី​ថ្ងៃ​ទី១ ខែ​មីនា ឆ្នាំ​២០១១។ គោល​បំណង​ធំ​ដែល​យើង​ខ្ញុំ​មាន​នោះ គឺ​ចង់​ឲ្យ​មាន​ឯកសារ​ជា​ភាសា​ខ្មែរ​អំពី​កុំព្យូទ័រ កាន់​តែ​ច្រើន​ឡើង និង​ចង់​ឲ្យ​មាន​ភាព​សម្បូរ​បែប​ផង ហើយ​ក៏​ជម្រុញ​ឲ្យ​មាន​ការ​ប្រើ​ប្រាស់​យូនីកូដ​ខ្មែរ​កាន់​តែ​ទូលំទូលាយ។ ក្នុង​រយៈ​ពេល​ប៉ុន្មាន​ខែ​ចុង​ក្រោយ​នេះ គេហទំព័រ​យើង​ខ្ញុំ​ពុំ​សូវ​មាន​ការ​ផ្សាយ​អត្ថបទ​ញឹកញាប់​ក្ដី ប៉ុន្តែ​យើង​ខ្ញុំ​នៅ​តែ​បន្ត​ស្វែង​រក​អត្ថបទ និង​ព័ត៌មាន​ល្អៗ​សម្រាប់​ចែក​ជូន​ប្រិយ​មិត្ត​ទាំង​អស់​គ្នា មិន​ដែល​ខាន។ គេហទំព័រ​នេះ អាច​ដើរ​ទៅ​បាន​ដោយ​មាន​ការ​ចូលរួម​ឧបត្ថម្ភ​ពី​សំណាក់​សប្បុរសជន ដែល​គាំទ្រ​ក្នុង​គម្រោង​នេះ ដើម្បី​ចែក​រំលែក​ចំណេះ​ដឹង​ទៅ​កាន់​មនុស្ស​គ្រប់​រូប។ យើង​ខ្ញុំ សូម​អរគុណ​ចំពោះ​ការ​គាំទ្រ​របស់​អ្នកទាំង​អស់​គ្នា ដែល​ជា​កម្លាំង​ចិត្ត​ធ្វើ​ឲ្យ​យើង​ខ្ញុំ​កាន់​តែ​ខិត​ខំ​ស្រាវ​ជ្រាវ​រក​ឯកសារ​ល្អៗ​មក​ចែក​រំលែក។ ហើយ​ក៏​សូម​ទោស​ផង​ដែរ ចំពោះ​កំហុស​ឆ្គង​ដែល​កើត​ឡើង​ដោយ​អចេតនា ប្រសិន​បើ​អ្នក​ទាំង​អស់​គ្នា​មាន​មតិ​កែ​លម្អ​ទៅ​លើ​គេហទំព័រ​នេះ សូម​មេត្តា​ផ្ដល់​មតិ​នៅ​ក្នុង​ប្រអប់​វាចា ដែល​ស្ថិត​នៅ​ខាង​ក្រោម​អត្ថបទ​នេះ។ ជា​ចុង​ក្រោយ យើង​ខ្ញុំ​សូម​ជូន​ពរ​ឲ្យ​ប្រិយ​មិត្ត​គាំទ្រ​គេហទំព័រ​យើង​ខ្ញុំ ជួប​ប្រទះ​ទៅ​ដោយ​សេចក្ដី​សុខ សុភមង្គល និង​ទទួល​បាន​ជោគជ័យ​គ្រប់​ពេល​វេលា។ ស្ថិតិ​គេហទំព័រ ក្នុង​រយៈ​ពេល​មួយ​ឆ្នាំ៖ ការ​ចូល​ទស្សនា៖ 288178 ដង (នៅ​យប់​ថ្ងៃ​ទី២៩) ថ្ងៃ​ដែល​មាន​ការ​ទស្សនា​ច្រើន៖ ថ្ងៃ​ទី១៥ ខែ​កញ្ញា ឆ្នាំ​២០១១ (2302 ដង) ចំនួន​អត្ថបទ​ផ្សាយ៖ 570 អត្ថបទ អត្ថបទ​ដែល​មាន​ការ​ចូល​អាន​ច្រើន​ជាង​គេ៖ ជយោ! អក្សរ​យូនីកូដ​ខ្មែរ មាន​វត្តមាន​នៅ​លើ​ទូរស័ព្ទ Android មួយ​ចំនួន​ហើយ

រូប​ត្លុក៖ ប្រភេទ​នៃ​អ្នក​ប្រើ Facebook

[ពី Geek are Sexy]

រូប​ក្រាភិច៖ លក្ខណៈ​ពិសេស​កំពូលៗ​ចំនួន ១០ របស់ Windows 8