Author Archive

LibreOffice ចេញ​កំណែ​ថ្មី 3.5

នៅ​ពេល​ថ្មីៗ​កន្លង​ទៅ​នេះ ក្រុម​ស្ថាបនិក​កម្មវិធី​ការិយាល័យ LibreOffice បាន​ដាក់​ចេញ​ឲ្យ​ប្រើ​ប្រាស់​នូវ​កំណែ​ថ្មី 3.5 ដែល​មាន​ការ​កែ​កំហុស និង​បញ្ហា​ជា​ច្រើន ហើយ​ម្យ៉ាង​ទៀត​ក៏​មាន​បន្ថែម​លក្ខណៈ​ពិសេស​ថ្មីៗ​មួយ​ចំនួន​ទៀត​ដែរ។ កំណែ​ប្រែ​ទាំង​នោះ​មាន​ស្ថិត​នៅ​គ្រប់​កម្មវិធី​ទាំង​អស់ ដូច​ជា៖ Writer, Impress, Calc, Draw និង Base ។ កំណែ​ប្រែ​ទាំង​នោះ​មាន​ដូច​ជា៖ អភិវឌ្ឍន៍​បន្ថែម​ទៅ​លើ​ការ​ពិនិត្យ​រក​ការ​ធ្វើ​បច្ចុប្បន្នកម្ម របស់​កម្មវិធី រូបរាង​ថ្មី​នៃ បឋមកថា បាតកថា បំបែក​ទំព័រ (Writer) ភ្ជាប់​មក​ជាមួយ​ឧបករណ៍​ពិនិត្យ​វេយ្យាករណ៍​អង់គ្លេស (Writer) អន្តរកម្ម​នៃ​ផ្ទាំង​រាប់​ចំនួន​ពាក្យ៖ វា​នឹង​ធ្វើ​ការ​កែ​ប្រែ​ស្ថិតិ​ចំនួន​បាន​ភ្លាមៗ នៅ​ពេល​អ្នក​វាយ​ពាក្យ​ថ្មី (Writer) បាន​អភិវឌ្ឍ​បន្ថែម​លើ​ការ​បង្ហាញ​ពុម្ព​អក្សរ​ឲ្យ​បាន​ល្អ​ជាង​មុន សម្រាប់​ឯកសារ​គុណភាព​ខ្ពស់ (Writer) របារ​បញ្ចូល​ពហុ​បន្ទាត់ (Calc) ការ​បង្កប់ (embed) នូវ​ឯកសារ​មេឌា ឬ​ពណ៌​គំរូ​នានា (Impress) បាន​បញ្ចូល​រូប​ទ្រង់​ទ្រាយ​ថ្មីៗ (Impress) លក្ខណៈ​នាំ​ចូល​ថ្មី​សម្រាប់​ការ​គូរ​ក្នុង Microsoft Viso (Draw) តម្រង (filter) ថ្មី​សម្រាប់​មូលដ្ឋាន​ទិន្នន័យ PostgreSQL (Base) និង​កំណែ​ប្រែ​ផ្សេងៗ​ទៀត ដែល​អ្នក​អាច​រក​បាន​នៅ​ទំព័រ​មួយ​នេះ៖ http://www.libreoffice.org/download/3-5-new-features-and-fixes/ តើ​នៅ​រង់​ចាំ​អ្វី​ទៀត

រូប​ក្រាភិច​ចំនួន ៣៥ ដែល​បង្កើត​ឡើង​ដោយ CSS3

អ្នក​ពិត​ជា​ដឹង​ច្បាស់​ហើយ​ថា CSS3 មាន​សមត្ថភាព​ខ្លាំង​ពូកែ​ណាស់ ព្រោះ​វា​អាច​បង្កើត​បាន​នូវ​ចលនា លក្ខណៈ​ទៅ​លើ​របស់​អ្វី​មួយ បាន​យ៉ាង​ល្អ ក្រៅ​ពីនេះ​វា​ក៏​អាច​ប្រើ​ក្នុង​ការ​គូរ​រូប​ក្រាភិច​នានា​ផង​ដែរ។ សូម​ក្រឡេក​មើល​ទៅ​រូប​ទាំង​ប៉ុន្មាន​ខាង​ក្រោម​នេះ មិន​មែន​ជា​ការ​គូរ​ក្នុង Photoshop ឬ Gimp អ្វី​ឡើយ តែ​រូប​ទាំង​នោះ​ត្រូវ​បាន​គូរ​ឡើង​ដោយ​ប្រើ CSS3 សុទ្ធ​តែ​ម្ដង។ និមិត្ត​សញ្ញា​ព័ត៌មាន RSS Apple IMac ក្ដារ​ចុច Apple Apple IPhone ទូរស័ព្ទ iPhone គូរ​ឡើង​ដោយ​ប្រើ CSS3 ។ មើល​ទៅ​ពិត​ជា​មិន​ធម្មតា​មែន។ ផ្កា​សាគូរ៉ា CSS3 អាច​ប្រើ​ក្នុង​ការ​គូរ​រូបសត្វ ឬ​រុក្ខជាតិ​ក៏​បាន​ដែរ។ ពែង​កាហ្វេ ដូរ៉េម៉ុន ដូរ៉េម៉ុន​ជា​គំនូរ​ជីវចល និង​តុក្កតា របស់​ជប៉ុន​ដែល​ក្មេងៗ​ចូល​ចិត្ត! ឆ្មា ផ្សិត, Triforce, បាល់ Poké, Kirby ឆ្មា Nyan ពណ៌​គំរូ ប៊ូតុង BonBon BonBon គឺ​ជា​ប៊ូតុង CSS3 ដែល​មាន​រូបរាង​ស្រស់​ឆើត​ឆាយ និង​មាន​ភាព​បត់​បែន​តាម​កាលៈទេសៈ។

កម្មវិធី៖ ព្រឹត្តិការណ៍​បើក​ទូលាយ

តើ​អ្នក​ចង់​ចូលរួម​ទទួល​យក​ចំណេះ​ដឹង​ថ្មីៗ និង​ប្លែកៗ​អំពី​ផ្នែក IT ដែរ​ឬទេ? ដូច្នេះ​សូម​កុំ​ឲ្យ​ឱកាស​នេះ​កន្លង​ផុត​ឲ្យ​សោះ កម្មវិធី “ព្រឹត្តិការណ៍​បើក​ទូលាយ” ត្រូវ​បាន​រៀប​ចំ​ឡើង​ដោយ​ក្រុម ចែក​គ្នា​និយាយ​អាយធី ដែល​មាន​មូលដ្ឋាន​នៅ​ក្នុង​គេហទំព័រ​បណ្ដាញ​សង្គម Facebook។ កម្មវិធី​នេះ​មាន​គោល​បំណង​ជួយ​ជម្រុញ​ឲ្យ​មាន​ការ​ចែក​រំលែក​ចំណេះ​ដឹង​ផ្នែក​ព័ត៌មានវិទ្យា​ជា​ភាសា​ខ្មែរ ឲ្យ​មានការ​រីក​ចម្រើន​ទៅ​មុខ​កាន់​តែ​ច្រើន ដើម្បី​ឲ្យ​សិស្ស និស្សិត និង​ប្រជាជន​ខ្មែរ​បាន​ចូលរួម​យ៉ាង​ងាយ​ស្រួល។ ព័ត៌មាន​ពី​កម្មវិធី៖ ធ្វើ​ឡើង​នៅ​ថ្ងៃ​អាទិត្យ ទី​១៩ ខែ​កុម្ភៈ ឆ្នាំ​២០១២ ចាប់​ពីម៉ោង ៨ ដល់​ម៉ោង ១៧ ទីតាំង៖ សាកល​វិទ្យាល័យ​ហ្សាម៉ាន់ (ផែន​ទី៖ http://g.co/maps/xnr9u) រៀប​ចំ​ដោយ៖ ក្រុម ចែក​គ្នា​និយាយ​អាយធី ឧបត្ថម្ភ​ទី​កន្លែង៖ សាកល​វិទ្យាល័យ​ហ្សាម៉ាន់ សហការ​រៀប​ចំ៖ សំបុក IT MyDoc4U បច្ចេក​ព័ត៌មាន​វិទ្យា​សម្រាប់​អ្នក អាណាចក្រ​អាយធី សេវាកម្ម​ខ្មែរ 7Media កាល​វិភាគ​កម្មវិធី៖ http://www.box.com/s/1sppbepcf269kgk5ix35 (រក្សា​សិទ្ធិ​ក្នុង​ការ​កែ​ប្រែ) ចុះ​ឈ្មោះ​ចូលរួម​កម្មវិធី៖ https://docs.google.com/spreadsheet/viewform?hl=en_US&formkey=dFFzX21ab0JVVEJVellKNnhzd0tMYUE6MQ#gid=0 សម្រាប់​ព័ត៌មាន​បន្ថែម​សូម​ទាក់​ទង​ទៅ​កាន់​លេខ​ទូរស័ព្ទ៖ លោក ជី សុផាត ៖ 097 745 2522 លោក សេង

រូប​ត្លុក៖ ប្រភេទ​នៃ​អ្នក​ប្រើ Facebook

[ពី Geek are Sexy]

Selapa.net – គេហទំព័រ​បង្ហាញ​ពុម្ព​អក្សរ​ខ្មែរ​គ្រប់​ប្រភេទ សម្រាប់​ប្រើ​ក្នុង​កុំព្យូទ័រ

ពុម្ព​អក្សរ​ខ្មែរ​បច្ចុប្បន្ន ត្រូវ​បាន​គេ​រចនា​ឡើង​ជា​ច្រើន​បែប​ច្រើនយ៉ាង ដែល​មាន​តាំង​ពី​ឆ្នាំ ១៩៩៣ មក​ម្ល៉េះ។ មក​ដល់​សព្វ​ថ្ងៃ​នេះ​មាន​ពុម្ព​អក្សរ​ជា​ច្រើន ដែល​បាន​ដាក់​ឲ្យ​ប្រើ​ប្រាស់​ដោយ​សេរី និង​ខ្លះ​ទៀត​សម្រាប់​ឯកជន ហើយ​ខ្លះ​ទៀត​សម្រាប់​លក់។ តែ​តើ​អ្នក​ដឹង​ទេ​ថា ពុម្ព​អក្សរ​ទាំង​នោះ សរុប​មាន​ប៉ុន្មាន​ហើយ បើ​រាប់​ទាំង​ប្រភេទ លីមូន, អេប៊ីស៊ី និង យូនីកូដ? ប្រសិន​​បើ​អ្នក​ចង់​បាន​ពុម្ព​អក្សរ​ខ្មែរ​ផ្សេងៗ​ទៀត​ជា​ច្រើន​នោះ ថ្ងៃ​នេះ IT4U សូម​បង្ហាញនូវ​គេហទំព័រ​មួយ​ដែល​មាន​រាយ​ឈ្មោះ និង​បង្ហាញ​រូប​រាង​នៃ​ពុម្ព​អក្សរ​ខ្មែរ​ស្ទើរ​តែ​ទាំង​អស់ ដែល​មាន​រួម​បញ្ចូល​ទាំង​យូនីកូដ​ខ្មែរ និង​ប្រភេទ​អក្សរ​ចាស់ៗ (លីមូន, អេប៊ីស៊ី) ។ល។ គេហទំព័រ​នោះ​មាន​ឈ្មោះ​ថា Selapa.net (http://selapa.net/khmerfonts/) នៅ​ទីនោះ ​បាន​រៀប​ចំ​ពុម្ព​អក្សរ​និមួយៗ​តាម​ឈ្មោះ​អ្នក​រចនា និង​មាន​ការ​បង្ហាញ​លម្អិត​នៃ​អក្សរ​និមួយៗ បាន​យ៉ាង​ហ្មត់​ចត់​ថែម​ទៀត​ផង។ មាន​អក្សរ​យូនីកូដ​ខ្មែរ​ជា​ច្រើន ដែល​យើង​មិន​ធ្លាប់​ជួប ឬ​ក៏​ធ្លាប់​ជួប​ដែរ តែ​មិន​ដឹង​ថា​ទាញ​យក​នៅ​ទីណា។ តែ​នៅ​ពេល​នេះ លោក​អ្នក​អាច​ទាញ​យក​បាន​យ៉ាង​ងាយ​ស្រួល​នៅ​ក្នុង​គេហទំព័រ Selapa.net ក៏​ប៉ុន្តែ​មាន​អក្សរ​មួយ​ចំនួន​ទៀត​ត្រូវ​បាន​រក្សា​សិទ្ធិ ដោយ​មិន​អាច​ទាញ​យក​បាន​ឡើយ មាន​តែ​រូប​បង្ហាញ​តែ​ប៉ុណ្ណោះ។ តើ​នៅ​ចាំ​អី​ទៀត? តោះ! នាំ​គ្នា​ទាញ​យក​ពុម្ព​អក្សរ​ខ្មែរ​ជា​ច្រើន ពី​ទីនោះ ហើយ​ចែក​រំលែក​ទៅ​មិត្ត​របស់​អ្នក។

តើ Ubuntu អាច​ប្រកួត​ប្រជែង​នឹង iOS និង Android ក្នុង​វិស័យ​បច្ចេកវិទ្យា Tablet ដែរ​ឬទេ?

នៅ​ពេល​បច្ចុប្បន្ន​នេះ Canonical ដែល​ជា​អ្នក​ផ្គត់​ផ្គង់ Ubuntu បាន​ប្រឹង​ប្រែង​ពង្រីក​ទី​ផ្សារ និងសមត្ថភាព​នៃ Ubuntu ឲ្យ​មាន​ការ​រីក​ចម្រើន​កាន់​តែ​ធំ​ទៅៗ ក្នុង​នោះ​មាន​ដូច​ជា​ផ្នែក៖ កុំព្យូទ័រ, ទូរស័ព្ទ (ជា​ការ​គ្រោង​ទុក), ទូរទស្សន៍ (Ubuntu TV) ។ ហើយ​នៅ​ពេល​ថ្មីៗ​នេះ តាម​រយៈ​គេហទំព័រ OMG! Ubuntu! បាន​ឲ្យ​ដឹង​ថា Ubuntu មាន​គម្រោង​ដាក់​ប្រព័ន្ធ​ប្រតិបត្តិការ​របស់​ខ្លួន​ទៅ​ក្នុង Tablet ។ សកម្មភាព​បែប​នេះ នឹង​បង្ក​ឲ្យ​មាន​ការ​ប្រកួត​ប្រជែង​ថែម​ទៀត រវាង Ubuntu និង Android ព្រម​ទាំង iOS។ តាម​សម្ដី​របស់​អ្នក​ស្រី Jane Silber ដែល​ជា​នាយក​ប្រធាន​ប្រតិបត្តិនៃ Canonical បាន​ឲ្យ​ដឹង​ថា៖ “ពួក​យើង​ដឹង​ថា​ យើង​យឺត, រី​ឯប្រកួត​ប្រជែង​មិន​ទាន់​ត្រូវ​បាន​បញ្ចប់​ទេ ហើយ​យើង​ចង់​ចូលរួម​ក្នុង​ការ​ប្រកួត​ប្រជែង​នេះ។” Ubuntu គឺ​ជា​ប្រព័ន្ធ​ប្រតិបត្តិការ (ប្រព័ន្ធ​ដំណើរ​ការ) ដែល​ត្រូវ​បាន​ដាក់​ឲ្យ​ប្រើ​ដំបូង​នៅ​ថ្ងៃ​ទី២០ ខែ​តុលា ឆ្នាំ​២០០៤។ វា​ត្រូវ​បាន​ទទួល​ការ​ពេញ​និយម​ខ្លាំងក្លា ហើយ​មាន​ការ​ប្រើ​ប្រាស់​យ៉ាង​ច្រើន ជា​ពិសេស​នៅ​ទ្វីប​អឺរ៉ុប។ Ubuntu ត្រូវ​បាន​ដាក់​ឲ្យ​ប្រើ​ប្រាស់​ដោយ​ឥត​គិត​ថ្លៃ ហើយ​មាន​ក្រុម​ហ៊ុន

Gradiator ៖ កម្មវិធី​នៅ​លើលីនុច បង្កើត​ពណ៌​ជម្រាល (Gradient) នៅ​ក្នុង CSS3

Gradiator គឺ​ជា​កម្មវិធី​មួយ​ក្នុង​ចំណោម​កម្មវិធី​ជា​ច្រើន ដែល​មាន​តួនាទី​សម្រាប់​បង្កើត​ពណ៌​ជម្រាល​នៅ​ក្នុង CSS3 ហើយ​កម្មវិធី​នេះ​មាន​តែ​នៅ​លើ​ប្រព័ន្ធ​ប្រតិបត្តិការ លីនុច តែ​ប៉ុណ្ណោះ។

រូប​ក្រាភិច៖ លក្ខណៈ​ពិសេស​កំពូលៗ​ចំនួន ១០ របស់ Windows 8